Свет
Титов: Русија никогаш повеќе нема да се сврти кон Западот
Русија никогаш повеќе нема да се сврти кон Западот, дури и ако Вашингтон и Брисел утре ги укинат сите санкции, иднината на човештвото е на исток, изјави за „Спутник“, Борис Титов, заштитникот на правата на претприемачите под претседателот на Русија.
„Знаете, дури и да замислиме дека Вашингтон и Брисел утре ќе ги укинат сите санкции кон Русија и ќе дојдат да се сретнат со нас, ние никогаш повеќе нема да се свртиме кон Запад. Верувајте ми, нема враќање назад. И, не само затоа што е неприфатливо да се разговара со Русија така, како што тоа го прави Западот“, рече тој.
Според него, „не се работи за огорченост или лошо сеќавање“.
„Западот е завршена етапа. Тоа е, ако сакате, минато на човештвото. Иднината е на исток и на таканаречениот глобален југ“, рекол соговорникот на агенцијата, пренесува „Спутник“.
Токму овие региони, додаде покровителот на претприемачите, се развиваат динамично, таму се концентрирани моќни човечки резерви, а таму се раѓаат најновите технологии.
„И таму се наши пријатели, кои не само што сакаат да бидат пријатели, туку и да ги развиваат трговските и економските односи со Москва“, заклучи Титов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
28 милиони долари за кампањата на Бајден собраа холивудските ѕвезди
Голем број холивудски ѕвезди, меѓу кои и Џорџ Клуни и Џулија Робертс на синоќешната донаторска вечера за кампањата на претседателот Џо Бајден собраа 28 милиони долари.
Тоа е најголема сума во историјата собрана за некој демократски кандидат.
Донаторската вечера се одржа во театарот Пикок во Лос Анџелес, а водителот на емисијата „Лејт најт“ (Late night), Џими Кимел, ги интервјуираше Бајден и поранешниот претседател Барак Обама, кои ја истакнаа потребата да се победи поранешниот претседател Доналд Трамп.
Бајден истакна дека за време на неговиот претседателски мандат „усвоен е секој главен закон што бил планиран“. Додека Обама изрази восхит за сеопфатната легислатива за здравствена заштита, јавни работи, животна средина, новите технологии, безбедноста на оружјето и другите големи иницијативи што ги спроведува сегашната администрација.
Трамп синоќа беше во Детроит и ја критикуваше економската политика на Бајден.
Европа
Германската полиција уби навивач кој со секира влегол во фан-зоната на Европско првенство (ВИДЕО)
Германската полиција во Хамбург имаше полни раце работа. Во градот каде хрватската фудбалска репрезентација ќе го одигра следниот натпревар на ЕП, оној против Албанија, полицијата застрела и уби еден маж. Германските полицајци биле принудени на тоа, бидејќи мажот сакал со секира да нападне случајни минувачи во фан-зоната за време на Првенството.
Напаѓачот во Хамбург прво ги нападнал навивачите со секира, а потоа ги нападнал и обезбедувањето.
Полицијата прво употребила солзавец, а потоа пукала. Еден од истрелите на полицаецот бил предупредувачки, а вториот го погодил.
Наспроти првичните вести, нападот очигледно нема никаква врска со Европското фудбалско првенство.
„Местото на нападот е далеку од просторот каде се следат првенствените натпревари. Нема индиции дека напаѓачот има врски со некоја од навивачките групи“, соопштија од полицијата.
Денеска во Хамбург се игра натпреварот помеѓу Полска и Холандија и градот е преполн со навивачи на двата табора.
Европа
Четворица загинати во страшна сообраќајка во Грција, пожарникарите го сечеа возилото за да ги извадат телата (ВИДЕО)
Во сударот меѓу автобус и автомобил, што се случи денес наутро пред Токсотес Ксанти, на стариот национален пат Ксанти-Кавала во Грција, четири лица загинаа, а три се повредени.
Според првите информации, во судирот што се случил нешто по 08:00 часот, едно возило изгубило контрола и удрило во автобус што минувал.
Патниците загинале на лице место, а пожарникарите го сечеле возилото за да дојдат до телата на настраданите во автомобилот.