Свет
Трамп вршел притисок врз Зеленски да го испита синот на Бајден
Американскиот претседател Доналд Трамп вршел притисок врз украинскиот претседател Володимир Зеленски, да го испита синот на демократскиот претседателски кандидат, Џо Бајден, објави „Волт стрит џурнал“, повикувајќи се на луѓе кои се запознати со темата.
Трамп на новинарите им рекол дека не е важно за што разговарале.
Како што пишува весникот, во телефонски разговор во јули, Трамп му рекол повеќепати на Зеленски на истрагата да работи со личниот адвокат на американскиот претседател, Руди Џулијани.
Трамп сепак одбил да им каже на новинарите дали со Зеленски разговарал за Бајден или неговото семејство, но рекол дека некој треба да го надгелдува поранешниот потпретседател на САД. Трамп истакнал дека Бајден додека бил потпретседател на САД, непримерно вршел притисок ва Украина да го отпушти обвинителот, кој го истражувал неговиот син, додавајќи дека новинарите треба да бидат трпеливи во овој случај.
Разговорот меѓу Трамп и Зеленски го истражуваат демократите, кои испитуваат дали Трамп и Џулијанисе обиделе да ја манипулираат украинската Влада во помагањето на предизборната кампања на Трамп, барајќи информации кои би можеле да бидат штетни за Бајден, неговиот противкандидат за претседател на САД.
Бајден ги осуди извештаите дека Трамп вршел притисок на украинскиот колега да го истражи неговиот син.
„Ако тоа е вистина, тогаш навистина нема крај на подготвеноста на Трамо да ја злоупотреби својата моќ и да ја понижи нашата земја“ рекол Бајден.
Тој нагласил дека Трамп треба да објави транскрипт од телефонскиот разговор со Зеленски од јули, за да може американскиот народ сам да суди за случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.