Свет
Турција може да добие руска алтернатива за „Ф-35“ ако САД не ѝ дадат авиони
Турција може да добие алтернатива од Русија за борбените авиони од американската петта генерација „Ф-35“ ако Вашингтон одбие да ја снабди Анкара, изјави турскиот министер за надворешни работи, Мевлут Чавушоглу, за телевизијата „Хабер“.
„Ако САД не ни го дадат „Ф-35“, Русија може да понуди своја алтернатива“, рече Чавушоглу.
Во вторникот американскиот Конгрес го одобри буџетот за одбрана за 2020 година, при што демократите и републиканците се изјаснија дека купувањето руски ракетни одбранбени системи „С-400“ од страна на Анкара може да повлече санкции во согласност со Законот за борба против руското влијание во Европа и Евроазија.
Американските законодавци му дадоа на секретарот за одбрана дискреционо право да потроши до 30 милиони американски долари за складирање на авионите од петтата генерација сè додека не се официјализира планот за нивна употреба.
Кон крајот на октомври турскиот весник „Дејли сабах“ објави дека Анкара и Москва биле блиску до постигнување договор за испорака на 36 ловци „сухој су-35“. Според весникот, двете страни би можеле да се согласат Турција да почне со производство на некои компоненти за руски авиони.
Шефот на Федералната служба на Русија за воена и техничка соработка, Дмитриј Шугајев, рече дека се водат консултации за евентуална испорака на авионите „су-35“ и „су-57“, но сè уште не се разговарало за договор.
Шпекулациите за евентуалното купување руски борбени авиони во Турција беа поттикнати од посетата на турскиот претседател Реџеп Таип Ердоган на Москва на 27 август. При посетата турскиот претседател покажа интерес за воените авиони „сухој“. Ердоган подоцна рече дека не ја исклучува можноста да ги набави авионите „су-35“ и „су-57“ наместо американските борбени авиони „Ф-35“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, истиот ден како и белградската, бидејќи Националното собрание неодамна со две третини ги усвои измените на Законот за локални избори. м
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.
Свет
Хаос на факултетите ширум Америка: апсењата на студенти продолжуваат поради антиизраелските протести
Стотици американски студенти се уапсени низ американските кампуси додека полицијата ги задушува антиизраелските протести со кои се бара повлекување на Израел од Појасот Газа.
108 студенти беа уапсени на протест во Бостон во американската држава Масачусетс, а 93 беа уапсени на протест на приватниот универзитет во Јужна Калифорнија во Лос Анџелес, додека 28 студенти беа уапсени на Универзитетот Емори во Атланта во американската држава Џорџија. , соопшти полицијата, пренесува Си-ен-ен.
На Универзитетот Колумбија во Њујорк, епицентарот на демонстрациите, студентите рекоа дека нема да се разотидат додека факултетот не се согласи да ги прекине врските со израелските академски институции. Студентите од другите кампуси имаат слични барања, а во протестите учествуваат и Палестинци, Арапи, Евреи и муслимани, според Си-ен-ен.
Полицијата во Бостон во четвртокот наутро насилно ги отстрани шаторите поставени од студентите на колеџот Емерсон, при што уапси 108 од нив, објавија медиумите. На видеото може да се видат студенти како се штитат со раце и користат чадори за да и се спротивстават на полицијата.
Уште 93 студенти беа уапсени во средата навечер за време на протестите на Универзитетот во Јужна Калифорнија, соопшти полицискиот оддел во Лос Анџелес. Полицијата соопшти дека едно лице е уапсено под сомнение за напад со оружје, но не соопшти детали за инцидентот.
Студентите исто така протестираат од минатиот четврток во Технолошкиот институт во Масачусетс, Универзитетот во Тексас во Остин, Универзитетот во Мичиген, Универзитетот во Ново Мексико, Беркли, Јеил и Харвард, според Си-ен-ен.