Свет
Украина: Русите убија шест цивили при гранатирање на град
Во руското гранатирање на градот Костијантинивка во источна Украина во неделата наутро загинаа шест цивили, а уште осум беа ранети, изјави висок украински функционер.
Градот Костјантинивка, дом на околу 70.000 луѓе пред војната, се наоѓа на 20 километри западно од Бахмут, центарот на борбите што траат најмалку осум месеци додека руските сили се обидуваат да го заземат градот, пренесе „Ројтерс“.
„Русите силно го гранатираа градот Костијантивка“, рече Андриј Јермак, шеф на кабинетот на украинскиот претседател Володимир Зеленски.
Тврди дека во гранатирањето биле оштетени 16 станбени згради, осум приватни куќи, детска градинка и една управна зграда.
Јермак прикачи и фотографии на кои се гледаат делумно уништени згради и кратери од експлозиите.
„Ројтерс“ не можеше да ја потврди автентичноста на фотографиите или бројот на жртви од независни извори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.