Свет
Уништена Исламска држава во Сирија, го изгуби и последното упориште
Иако поразот на Исламска држава во Багуз означува крај на власта над џихадистичката квази држава, која се простираше на делови на Сирија и Ирак и која e прогласена во 2014 година, таа се уште претставува закана.
Исламска држава е поразена и во последниот дел од територијата во Багуз во Сирија, објави Сириските демократски сили(СДФ) , кои уживаат американска поддршка, објавувајќикрај на самопрогласениот калифат, кој некогаш се простираше а една третина на Ирак и Сирија.
СДФ објавија дека во целост е уништен таканаречениот калифат, напиша на Твитер лидерот на канцеларијата за медиуми на СДФ, Мустафа Бали.
Синоќа американскиот претседател, Доналд Трамп објави дека Исламската држава повеќе не постои. Тој на новинарите им покажа две карти со територии под контрола на ИД, едната пред и другата денес, по ослободувањето на териториите.
СДФ со недели се бореше за Багуз на ирачката граница со силите на ИД.
Некои борци на ИД и натаму се сокриени во пустината во центарот на Сирија, а во ирачките градови се притаиле изведувајќи ненадејни напади и киднапирања, чекајќи прилика за повотрно издигнување.
САД веруваат дека водачот на ИД, Абу Бакр ал-Багдади е во Ирак. Тој во 2014 година, стоејќи на говорница во големата средновековна џамија во Мосул, прогласи калифат, чии поданици сите се муслимани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Ерменскиот премиер: Војната може да започне до крајот на неделата
Доколку Ереван не ги исполни барањата на Баку за враќање на пограничните села на Азербејџан, кои Ерменија ги смета за своја територија, може да избие војна, изјави ерменскиот премиер Никол Пашинјан.
„Нашата задача е да имаме граница која ќе стане бариера од меѓународна гледна точка и де јуре, а пукањето на оваа граница нема да биде прифатено, ќе изградиме патишта, ќе им обезбедиме на жителите на пограничните села се што им треба. Онаму каде што е потребно, ќе платиме дополнителен надомест. Но, сакам да опишам друго сценарио. Можеме да заминеме одовде, да заминеме и да кажеме различни работи. Тоа значи дека до крајот на неделата ќе започне војната“, посочи Пашинјан.
Тој додаде дека дури знае како ќе заврши таквата војна, односно дека ќе го пречекаат на Плоштадот на Републиката во Ереван, каде граѓаните ќе му замеруваат за неговата неактивност, иако ги имал потребните информации, пренесува РИА Новости.
Прес-службата на вицепремиерот на Азербејџан Шахин Мустафаев на 9 март објави дека Баку бара ослободување на селата за кои тврди дека биле окупирани од Ерменија, како дел од процесот на демаркација.
Истовремено, азербејџанската страна не ги признава извештаите кои кружат во ерменските медиуми дека наводно 31 село се под окупација на Азербејџан.
Ерменските власти забележаа дека при демаркацијата ќе биде неопходно да се земе предвид постоењето на конкретни територијални ентитети, имено ерменската енклава Арцвашен на територијата на Азербејџан и азербејџанската енклава во Ерменија.
Пашинјан смета дека овој предлог на Баку е неприфатлив поради патиштата кои минуваат низ ерменската енклава и го поврзуваат Ереван со Иран и Грузија.
Азербејџанскиот претседател Илхам Алиев изјави во декември 2023 година дека азербејџанската страна не сака војна со Ерменија, а целосната контрола над азербејџанската територија е суверено право на Баку.
Коментирајќи ја изјавата на Пашинјан, портпаролката на Министерството за надворешни работи, Марија Захарова, на каналот Телеграм напиша дека моменталната ситуација е резултат на консултациите на Ереван со Западот и на никаков начин не е поврзана со Русија.
Свет
Вонредна состојба во регион во Русија, поради несреќа во рудник, затрупани 13 лица
Во Амурската област на рускиот далечен исток воведена е вонредна состојба поради инцидентот во рудникот за злато „Пионир“ во областа Зеја, каде што 13 лица останаа заробени под урнатините поради пад на карпа, соопштија од тој регион.
„Во Амурската област е воведена регионална вонредна состојба поради инцидентот во рудникот ‘Пионир’ во областа Зеја, со цел да се мобилизираат сите сили и ресурси. Оваа одлука е донесена на вонредна седница што ја одржа регионалниот гувернер“, се вели во соопштението на локалната самоуправа.
Претставник на службата за вонредни состојби за „РИА новости“ изјави дека во рудникот во моментот на уривањето имало 13 лица. Групата спасувачи, главно од Руската Република Јакутија, се состои од 25 вработени, а со нив пристигнале и четири парчиња опрема.
Покрај тоа, хеликоптерот „ми-8“ на руското Министерство за вонредни ситуации полета од територијата Хабаровск до местото на несреќата, пренесува „Интерфакс“. Од оперативните служби за „Интерфакс“ велат дека, според првичните информации, луѓето се на длабочина од 100 до 150 метри, а засега нема информации за можни жртви.
Свет
Силен земјотрес го погоди Пакистан
Земјотрес со јачина од 5,5 степени според Рихтеровата скала ја погоди провинцијата Белучистан во Пакистан, соопшти Германскиот истражувачки центар за геонауки (ГФЗ).
ГФЗ додаде дека земјотресот бил на длабочина од 10 километри, пренесува „Ројтерс“.
Засега нема информации за жртви, а не се знае и колкава е штетата предизвикана од земјотресот.