Свет
Шведскиот град Стромстад скапо ги плаќа одлуките на државата за коронавирусот

Шведскиот пограничен град Стромстад плаќа висока цена поради тоа што Шведска не ги затвори границите за да го спречи ширењето на коронавирусот.
Економската активност во овој град, во кој Норвежаните често доаѓаат по набавка на поевтини производи, целосно замре, откако Норвешка ја затвори границата со Шведска поради големиот број заболени во оваа земја, а ситуацијата не се поправи ниту по ублажувањето на рестриктивните мерки за патување меѓу два соседи.
Стромстад се наоѓа на само два часа возење од Осло и претставува популарна дестинација за Норвежаните, кои доаѓаат во Шведска по набавка на производи кои во оваа земја се поевтини.
Но, со мерката за карантин која Норвешка ја воведе на средината на март, тоа заврши, па економската активност во овој град целосно замре.
По избивањето на пандемијата на коронавирус, Шведска не воведе рестриктивни мерки какви што воведоа поголем дел од земјите во светот, поради што во оваа држава со 10,2 милиони жители, од Ковид-19 починаа 5.370 луѓе, што е за пет пати повеќе отколку во Норвешка, Данска и Финска заедно.
Граѓаните на нордиските земји патуваат по регионот без пасоши уште од педесеттите години на минатиот век, поради што меѓу нив се воспоставени силни приватни, деловни, културолошки и други врски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Мајка чиј син го преживеал масакрот во Грац: Ми се јави, мислеше дека ќе умре

Мајката на еден од учениците кои го преживеаа масакрот во средното училиште во Грац, за „Скај њуз“ го раскажа тажниот момент кога нејзиниот син ѝ кажал дека е во средината на пукањето.
„Ми се јави од училиште и ми рече дека пукаат. Мислеше дека ќе умре. Два часа подоцна конечно дознав дека е жив“, рече таа.
Mother of a student who was caught up in a deadly school shooting in Austria speaks about the moment she heard of the incident.
Follow our live blog for more updates: https://t.co/OZqUGhULqR
📺 Sky 501, Virgin 602, Freeview 233 and YouTube pic.twitter.com/u6NBXCmIjo
— Sky News (@SkyNews) June 10, 2025
Според австриските медиуми, вооружениот напаѓач е 21-годишен поранешен ученик во училиштето. Тој отворил оган во две училници, а потоа се заклучил во училишниот тоалет, каде што властите велат дека бил пронајден мртов.
Најмалку 12 лица се повредени во нападот, од кои неколку се борат за живот.
Европа
(Видео) Убиецот оставил писмо пред масакрот во училиштето во Грац: расте бројот на жртвите

Масовниот убиец Артур А. (21) кој денес уби девет лица со пиштол и пушка во училиште во Грац, потоа изврши самоубиство. Истражителите пронајдоа самоубиствена порака во неговиот дом.
Полицијата претходно објави дека 21-годишниот австриски напаѓач бил пронајден мртов во училишниот тоалет и дека дејствувал сам. Влегол во училиштето со пушка и пиштол и отворил оган.
Тие не можеле да дадат информации за мотивот бидејќи сè уште се потребни обемни кривични истраги.
Exklusives Video:💥Hier hört man die Schüsse in der Grazer Schule
Schockierend! AUF1 hat soeben ein exklusives Video erhalten, in dem die Schüsse in der Grazer Schule zu hören sind. Das Video wurde in einem Klassenzimmer des BORG gefilmt.
👉🏻 AUF1 bleibt für Sie dran – folgen… pic.twitter.com/xJ0r7glyCK
— AUF1 (@AUF1TV) June 10, 2025
Бројот на жртви расте
Уште едно лице кое беше повредено во пукотницата почина, соопшти Универзитетската болница во Грац.
Тие рекоа дека станува збор за возрасно лице.
„Еден од двајцата тешко повредени возрасни лица за жал почина во Универзитетската болница во Грац“, се вели во соопштението на болницата.
Со ова, бројот на жртви се искачи на 11, вклучувајќи го и напаѓачот.
Свет
Трамп: Демонстрантите низ САД ќе се соочат со иста или поголема сила отколку во Лос Анџелес

Претседателот на САД, Доналд Трамп, им рече на новинарите во Овалната соба дека ако протестите против имиграциските политики продолжат во градовите освен Лос Анџелес, тие ќе се соочат со „истата или поголема сила“.
Трамп рече дека Националната гарда ќе биде распоредена во Калифорнија онолку долго колку што е потребно.
Потоа, според Би-би-си, тој повторно тврдеше, без докази, дека демонстрантите биле „платени бунтовници“, нарекувајќи ги „предизвикувачи на неред“. Тој, исто така, повтори претходно тврдење дека Лос Анџелес ќе „изгорел“ доколку Националната гарда не била испратена.
„Имаме луѓе што ве гледаат и ви плукаат право во лице, тие се животни, и тие се платени бунтовници, тие се платени предизвикувачи на неред, тие се агитатори, тие се платени“, им рече тој на новинарите во Овалната соба.
Тој не даде докази за тоа тврдење.
„Дали мислите дека некој само така оди до тротоарот и почнува да го крши, ја има целата опрема што му е потребна и почнува да им ја дели на други за да ја користат како оружје?“ додаде тој.
Американскиот претседател, исто така, рече дека „некои многу лоши луѓе“ се во притвор.