Европа
Шнајдер: Путин, по примерот на Сталин и Хитлер, има план за глад во 21. век

Русија има план за глад. Владимир Путин се подготвува да го изгладне најголемиот дел од светот како следна фаза од неговата војна во Европа, истакнaл угледниот историчар Тимоти Шнајдер, пренесуваат медиумите во регионот.
Во нормални времиња, посочил тој, Украина е водечки извозник на прехранбени производи. Руската поморска блокада сега ја спречува Украина да извезува жито.
„Ако продолжи руската блокада, десетици милиони тони храна ќе скапуваат во силоси, а десетици милиони луѓе во Африка и Азија ќе гладуваат.
„Ужасот на планот на Путин за глад е толку голем што ни е тешко да го разбереме“, навел историчарот.
„Идејата дека контролата на украинското жито може да го промени светот не е нова. Тоа го сакаа и Сталин и Хитлер. За Сталин, украинската црна земја требаше да се искористи за изградба на индустриска економија за СССР. Всушност, колективизираното земјоделство уби околу четири милиони Украинци.
Луѓето почнаа да умираат во голем број, Сталин ги обвини самите Украинци. Советската пропаганда ги нарече „нацисти“ оние кои привлекоа внимание на гладот, подвлекол Шнајдер.
Според него „вистинските нацисти имале слични идеи“.
„Им се допадна идејата за контрола на украинското земјоделство. Ова всушност била централната воена цел на Хитлер. Хитлер сакаше да го пренасочи украинското жито од Советскиот Сојуз во Германија, надевајќи се дека ќе изгладне милиони советски граѓани. Втората светска војна се водеше за Украина и главно во Украина, меѓу диктаторите кои сакаа да ги контролираат резервите на храна. Руската политика на сеќавање го отвори патот за план за глад во 21 век. Верувам дека планот за глад на Путин треба да функционира на три нивоа.
Прво, тоа е дел од поголем обид да се уништи украинската држава со прекин на нејзиниот извоз. Планот на Путин за глад, исто така, има за цел да создаде бегалци од Северна Африка и Блискиот Исток, области кои вообичаено се хранат од Украина. Тоа би предизвикало нестабилност во ЕУ. Конечно, и што е најстрашно, гладот во светот е неопходна позадина за руската пропагандна кампања против Украина.
Кога ќе започнат немирите за храна и ќе се прошири гладот, руската пропаганда, посочил тој, ќе ја обвини Украина и ќе повика на признавање на територијалната придобивка на Русија во Украина и укинување на сите санкции. Русија планира да ги изгладнува Азијците и Африканците за да ја добие својата војна во Европа. Ова е ново ниво на колонијализам и последно поглавје во политиката на глад“, кажал Шнајдер, според написите во медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Колона долга околу 700 километри забележана на автопат во Франција

Колона долга речиси 700 километри е забележана денеска на автопат во Франција, додека вкупната должина на сите колони на патиштата во земјата изнесуваше 1.051,6 километри во време на зголемен сообраќаен интензитет поради летните одмори и смената на туристи, што колоквијално се нарекува „Црна сабота“.
Како што извести BFM TV, сообраќајот на патиштата во Франција дополнително бил забавен поради две сообраќајни несреќи на автопатот кон Медитеранот и Атлантскиот Океан.
Според податоците на Bizon Futé, француската агенција за следење на состојбата на патиштата, до 7 часот утрово колоните биле подолги од 200 километри, а до 10 часот веќе надминале 570 километри.
Како што беше соопштено, гужвите се во согласност со прогнозите на агенцијата, која предупреди на „исклучително тешки сообраќајни услови“ за оваа сабота, а врвот на метежот се очекува околу пладне.
Сообраќајот во правец кон Алпите исто така е интензивен и загушен, со задржувања од час и 45 минути во тунелот Мон Блан во правец кон Италија
Европа
Финска, Норвешка и Шведска под жештина невидена од 1961 година

Земјите од Северна Европа, познати по својата студена клима, се соочуваат со интензивни топлотни бранови, со температури над 30 степени Целзиусови во подолг временски период.
Во норвешкиот дел од Арктичкиот круг, метеоролошките станици регистрирале температури над 30 степени Целзиусови дури 13 дена во јули, додека Финска имала три последователни недели со температури од 30 степени, пишува денес британскиот „Гардијан“.
Според научниците, тоа е најдолгиот период според историските податоци од 1961 година, а трае 50 проценти подолго од претходниот рекорд.
„Топлотниот бран е сè уште во полн ек, со максимални температури денес околу 32-33 степени. Дури и арктичките региони забележаа три недели со температури над 25 степени и може да ги соборат своите августовски температурни рекорди утре“, изјави Мика Рантанен, климатолог во Финскиот метеоролошки институт, во објава на социјалните мрежи.
Норвешкиот метеоролошки институт соопшти дека температури над 30 степени се регистрирани 12 дена во јули во најмалку една станица во трите најсеверни покраини на Норвешка.
Во Шведска, метеоролозите, исто така, регистрираа продолжени топлотни бранови во неколку северни градови, при што метеоролошката станица во Хапаранда регистрираше температури од 25 степени или повеќе 14 дена по ред.
Овие топлотни бранови, кои ја погодија северна Европа кон средината на јули, беа предизвикани од топлите води покрај северниот брег на Норвешка, кои ги покачија температурите во нордиските земји за осум до 10 степени над сезонските норми.
Поради интензивен топлотен бран, лизгалиште на мраз во северна Финска ги отвори вратите за луѓе кои бараат засолниште од жештината, откако локалните болници беа преполни, а сточарите предупредија дека нивните ирваси се на работ на смртта од жештината.
Европа
Зеленски: Подготвени сме да купиме 10 системи „Патриот“, само треба да најдеме средства

Украина работи на обезбедување испорака на десет системи за воздушна одбрана „Патриот“, а исто така е важно системите веднаш да пристигнат со ракетите, изјави украинскиот претседател Володимир Зеленски, како што објави УНН.
„Имаме барање за десет системи. Ова го кажав јавно. Моментно работиме со партнери за да ги обезбедиме овие десет. Исто така, работиме на прашањето за ракетите, ги имаме“, рече Зеленски.
Украинскиот претседател додаде и дека САД ќе ѝ продадат системи „Патриот“ на Украина. Украина мора да најде средства за сите десет системи.
„Трамп, претседателот на САД, ќе ни ги пренесе системите, ќе ни ги продаде. Наша задача е да најдеме пари за сите десет системи. Би сакале веднаш да имаме пакет ракети за секој систем“, истакна претседателот.
Тој исто така истакна дека Германија моментно ја потврдила испораката на два система „Патриот“, а Норвешка – еден.
„Официјално добив потврда од Германија за два система, од Норвешка – еден. Сега работиме со холандски партнери“, додаде Зеленски.
Фото: принтскрин