Свет
Фијон: Итно да се разгледа идејата за формирање на Европски монетарен фонд
Идејата за создавање на Европски монетарен фонд (ЕМФ) кој ќе им помага на државите во еврозоната мора итно да се разгледа. Ова денеска го изјави францускиот премиер Франсоа Фијон на Хумболтовиот универзитет во Берлин.
Идејата за создавање на Европски монетарен фонд (ЕМФ) кој ќе им помага на државите во еврозоната мора итно да се разгледа. Ова денеска го изјави францускиот премиер Франсоа Фијон на Хумболтовиот универзитет во Берлин.
„ Сметам дека оваа идеја треба да биде разгледана од експертите што е можно поскоро за да се создадат механизми со кои на земјите-членки на еврозоната ќе им се помогне во случај на финансиски проблеми и ќе се одржува стабилноста на еврото“, изјави Фијон.
Според францускиот премиер оваа форма на поткрепа е можна само доколку државите од еврозоната успешно се соочат со финансиските потешкотии и ги направат сите можни напори за балансирање на буџетите.
Фијон додаде дека сите членки на еврозоната кои ќе побараат помош од сеуште неформираниот Европски монетарен фонд, ќе мора да дадат ветување дека секогаш ќе бидат максимално ангажирани и ќе дадат гаранција дека ќе прават големи напори за економската стабилност на нивните држави.
На агендата на Фијон вечерва е и средбата со германската канцеларка Ангела Меркел./крај/бгн/ит
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.

