Свет
„Дел“ и „Го деди“ ќе го следат Гугл и ќе ја напуштат Кина

Двете огромни американски компании за технологија, „Дел“ (Dell) и „ Го деди“ (Go Daddy), се заканија дека ќе ја напуштат Кина, во време кога „Гугл“ си оди од земјата.
Двете огромни американски компании за технологија, „Дел“ (Dell) и „ Го деди“ (Go Daddy), се заканија дека ќе ја напуштат Кина, во време кога „Гугл“ си оди од земјата.„Го деди“ Групацијата, што продава интернет домејн имиња, рече дека ќе престане да ги нуди новите „cn” домејн регистрации во Кина, поради претставување на нови правила.Кинеската влада изјави дека секој кој сака да купи веб сајт во Кина ќе мора да обезбеди целосна фото идентификација.Кристин Џоунс, потпретседателот на „Го деди“, изјави пред комитетот дека компанијата била „загрижена за безбедноста на индивидуалците“ и дека новите регулации ќе имаат „кулинг ефект“ на новите домејн регистрации на имиња.Крис Смит, Републикански конгресмен во Њу Џерси изјавил дека „Гугл “испукал истрел“ што се слушнал низ светот и сега втора американска компанија започнала да ги брани правата на кинескиот народ“.Во меѓувреме, „Дел“, третата најголема компјутерска компанија (по продажба) во светот, најави дека ја разгледува можноста да ги префрли своите операции од Кина во Индија.Михаел Дел, основачот и главен извршен директор на компанијата, дал предлог да се состане со Премиерот на Индија, Манмохан Синг.„Утрово се сретнав со директорот на „Дел“ корпорацијата и тој ме информираше дека тие купуваат опрема која вреди 25 билиони долари од Кина. Тие би сакале да се преместат во побезбедна средина, со клима што е погодна за претпријатието односно онаму каде има издржан правен систем,“ изјавил Премиерот на Индија, Манмохан Синг, за “Хиндустиан Тајмс“.Вестите за напуштање на кинескиот пазар од страна на двете огромни американски гиганти дојде во време кога „Гугл“ си оди од земјата. Оваа компанија не можеше да изнајде решение со комунистичката влада на Кина, која ги блокираше корисниците на интернет да гледаат „search“ резултати од одредени „забранети“ содржини, како на пример про-демократското движење. /крај/тгф/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Голем број деца исчезнаа во поплавите во Тексас, потврдени 27 жртви

Околу 27 луѓе, меѓу кои и девет деца, загинаа во поплавите во централниот дел на Тексас, соопштија властите денеска, додека спасувачите продолжуваат со потрагата по преживеани, вклучително и десетици исчезнати од летниот камп за девојчиња.
Канцеларијата на шерифот во округот Кер во Тексас соопшти дека повеќе од 800 луѓе се евакуирани од регионот додека нивото на водата се повлекува од подрачјето околу реката Гвадалупе, околу 137 километри северозападно од Сан Антонио.
„Нема да застанеме додека не ја најдеме и последната личност“, изјави шерифот на округот, Лери Леита, на прес-конференција.
Исчезнати девојчиња од летниот камп
Од 23 до 25 лица од летниот камп Mystic Summer се водат како исчезнати, од кои повеќето се девојчиња. Нивото на реката нагло се зголемило за девет метри во близина на кампот.
Американската национална метеоролошка служба соопшти дека вонредната состојба поради поплавите главно е завршена за округот Кер – епицентарот на поплавите, откако бурата донесе околу 30 сантиметри дожд рано во петокот. Но, за поширокиот регион останува во сила предупредувањето за поплави до 19 часот попладне.
Округот Кер се наоѓа во Texas Hill Country – рурална област позната по нерамниот терен, историските градови и други туристички атракции.
Обемна спасувачка операција
Заменик гувернерот на Тексас, Дэн Патрик, изјави дека 500 спасувачи трагаат по непознат број лица кои сè уште се водат како исчезнати, вклучувајќи и многу кои биле во подрачјето покрај реката прославувајќи го Денот на независноста.
Американскиот претседател Доналд Трамп изјави дека федералната влада работи со Тексас и локалните шерифи за одговор на поплавите.
„Меланија и јас се молиме за сите семејства погодени од оваа ужасна трагедија. Нашите храбри спасувачи сè уште се на терен и го прават она што најдобро го знаат“, напиша тој на социјалните мрежи.
Поплави без предупредување
Далтон Рајс, градоначалник на Кервил, центарот на округот, изјави за новинарите во петокот дека екстремните поплави го погодиле подрачјето пред зори, речиси без предупредување, поради што властите не успеале навреме да издадат наредби за евакуација. Реката Гвадалупе за помалку од два часа пораснала над нивото кое се смета за голема поплава.
Фото: ЕПА
Свет
Невреме во Турција: Авион принудно слета по удар од гром

Авионот, кој летал од Анкара до Бингол во Турција, извршил итно слетување на аеродромот Елазиг откако бил погоден од гром.
Пилотот, откако гром удрил во опашниот дел од авионот, ја променил рутата и од безбедносни причини слетал на аеродромот во градот Елазиг, објави Хабер.
Авионот слета без никакви проблеми, а патниците беа транспортирани од аеродромот до Бингол по копнен пат, објавија турските медиуми.
Свет
Голема свадба на синот на Рамзан Кадиров: Дијамантски часовник од 27 милиони долари, златен пиштол и луксузен Мерцедес

Седумнаесетгодишниот син на лидерот на Чеченија, Рамзан Кадиров, Адам Кадиров, се ожени со девојка по име Медни, за која се верува дека е роднина на пратеникот во Думата, Адам Делимханов, близок сојузник на Кадиров.
Свадбата траела три дена, од четврток до сабота, и се одржала во селото Ахмат-Јурт , родното место на семејството Кадиров.
Според неофицијални информации, Медни е ќерка на чеченскиот сенатор Сулејман Геремеев, исто така близок сојузник на Кадиров и роднина на Делимханов. Наводно, бракот бил склучен уште на 8 јуни 2024 година.
Подготовките за прославата траеле со месеци, а покани биле испратени и до делегации од Блискиот Исток, вклучувајќи го и амбасадорот на ОАЕ во Русија, Мохамед Ахмед Ал Џабер, кој го прекинал одморот во Абу Даби за да присуствува на настанот во Грозни, пишува „Новаја Газета“, повикувајќи се на извор од руското Министерство за надворешни работи.
Свадбата наводно била одложувана двапати, при што една од причините била желбата на Рамзан Кадиров неговиот син Адам да има приватна средба со претседателот на Русија, Владимир Путин. Се споменува и дека првично била планирана заедничка свадба со постариот син Зелимхан (Ели) минатото лето, но Кремљ тоа не го одобрил поради возраста на Адам.
Рамзан Кадиров преку својот канал на Телеграм соопшти дека претседателот Путин лично му честитал на семејството за свадбата, за што изразил „искрена благодарност“.
Сепак, најголемо внимание привлекоа луксузните детали: на раката на Адам Кадиров бил забележан скап часовник Jacob & Co. Billionaire Ashoka со 320 дијаманти, проценет на околу 27,7 милиони долари. Според пресметките на Марија Певчих од руската антикорупциска организација ФБК, просечен граѓанин на Чеченија би требало да работи повеќе од 1.500 години без да потроши ни денар за да може да си го дозволи тој часовник.
Командантот на специјалната единица „Ахмат“, Апти Алаудинов, исто така го привлекол вниманието со својот часовник, за кој се претпоставува дека е Badollet Observatoire 1872 Chronograph, со цена до 320.000 долари.
Видеа од свадбата го прикажуваат Адам Кадиров како вози специјална верзија на Mercedes G-класа, модел кој е забранет за увоз во Русија и чини околу 190.000 долари. На истите снимки се гледа и како пука со златен пиштол во воздух – што е забрането со рускиот закон, особено бидејќи се работи за малолетник и за употреба на вистинско оружје во свечени прилики.
Иако е малолетен, Адам Кадиров веќе извршува повеќе функции: тој е шеф на безбедносната служба на својот татко, од април 2025 година е секретар на Советот за безбедност на Чеченија и надзорник на Министерството за внатрешни работи и универзитетот за специјални сили. Тој е и носител на бројни државни одликувања и титулата Херој на Чеченската Република.