Свет
С.Кореја: Ј.Кореја да не ја посетува заедничката граница

Северна Кореја ја предупреди Јужна Кореја во понеделникот на „ненајавени напади“ доколку Јужна Кореја не прекине со посетите на граничното подрачје помеѓу двете држави.
Северна Кореја ја предупреди Јужна Кореја во понеделникот на „ненајавени напади“ доколку Јужна Кореја не прекине со посетите на граничното подрачје помеѓу двете држави.Предупредувањето е објавено во време на голема напнатост бидејќи во петокот потона еден јужнокорејски брод. Првите извештаи ја споменаа можноста дека во инцидентот била вклучена Северна Кореја, но Сеул потоа објави дека за тоа нема докази, пренесе Ројтерс.Претставник на јужнокорејското министерство за одбрана изјави дека нуркачите трагаат по преживеани, но дека потрагата ја отежнува матната вода на местото на несреќата, во близина на поморската граница со Северна Кореја. Тој додал дека не е исклучена ниедна причина за потонувањето, вклучувајќи ја и можноста бродот да налетал на некоја од 4000 севернокорејски мини заостанати од Корејската војна, 1950. – 1953. година.Северна Кореја во медиумите не го коментираше потонувањето на јужнокорејскиот брод, но предупреди за копнената граница.„Доколку јужнокорејските и американските власти, и покрај нашето предупредување, не престанат да ја злоупотребуваат демилитаризираната зона во меѓукорејските судири, последиците ќе бидат непредвидливи напади, вклучувајќи и губење на човечки животи,“ пренесува севернокорејската новинска агенција, KCNA.Во соопштението се повикува Јужна Кореја да ги прекине посетите на новинарите на подрачјето на демилитаризираната зона, на појасот широк околу четири километри, кој се протега на корејскиот полуостров. /крај/хи/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Захарова: Одлуката на Европската Унија е самоубиствена

Портпартолката на руското Министерство за надворешни работи, Марија Захарова, ја опиша одлуката на Европската Унија (ЕУ) да го намали увозот на руска енергија како „самодеструктивна“, па дури и „самоубиствена“, пренесува Анадолу.
Зборувајќи на прес-конференција во Москва, Захарова рече дека Брисел со години постојано следи деструктивен курс за земјите-членки.
„Верувам дека ова е повеќе како некаков вид самоповредување. Ова е самоубиствено“, рече таа, осврнувајќи се на предлозите во рамките на Европската комисија за забрзување на постепеното укинување на увозот на руски фосилни горива.
Таа додаде дека Брисел ја препознал невозможноста за целосна замена на руската енергија само преку пазарни механизми, што довело до директни законодавни дејствија што ги принудиле земјите-членки да престанат да купуваат руски суровини.
„Се чини дека создавачите на Европскиот економски совет тешко можеле да замислат колку далеку ќе оди оваа институција. Основачите замислувале нешто сосема друго, додека денешните лидери се чини дека се рамнодушни кон европската благосостојба“, предупреди Захарова.
Свет
Нетанјаху: Лага е дека Израел го убил Кирк

Израелскиот премиер Бенјамин Нетанјаху ги отфрли теориите дека Израел е некако поврзан со убиството на конзервативниот активист Чарли Кирк како „монструозна, голема лага“.
Кирк беше убиен минатата среда за време на настап на Универзитетот во Јута Вали. Тајлер Робинсон е обвинет за убиството. Сепак, бројни теории на заговор се проширија на социјалните медиуми, вклучително и дека израелската служба за надворешно разузнавање Мосад стои зад убиството.
„Јозеф Гебелс, нацистичкиот министер за пропаганда, рече дека колку е поголема лагата, толку побрзо ќе се шири. Некој измислил монструозна голема лага, дека Израел имал некаква врска со ужасното убиство на Чарли Кирк. Ова е лудо, лажно и скандалозно“, рече Нетанјаху.
„Чарли Кирк беше гигант, талент што се појавува еднаш во еден век. Тој ја бранеше слободата, Америка и нашата заедничка јудео-христијанска цивилизација. Чарли го сакаше Израел, го сакаше еврејскиот народ, ми го кажа тоа во писмо што ми го испрати пред само неколку месеци“, додаде тој.
Излегувањето на Нетанјаху дојде откако некои истакнати членови на движењето MAGA (Make America Great Again) рекоа дека Кирк приватно бил многу покритичен кон израелската влада на Нетанјаху отколку што јавно покажал.
Израел се соочува со растечка криза на јавна поддршка како што се интензивира војната во Газа, а членовите на движењето MAGA отворено ги критикуваат израелските тактики. Поранешниот водител Такер Карлсон во својата емисија рече дека Кирк „не го сакал Биби Нетанјаху“ и бил „згрозен“ од она што се случувало во Газа.
Фото: ЕПА
Свет
(Видео) Трамп повторно рече дека го решил конфликтот меѓу Албанија и „Абербајџан“

Претседателот на САД, Доналд Трамп, се обрати пред медиумите по средбата со британскиот премиер Кир Стармер.
Тој зборуваше за своите успеси во завршувањето на војните низ целиот свет. Тој повторно рече дека го решил конфликтот меѓу Албанија и „Абербајџан“. Ова е трет пат во последните неколку недели Трамп да ја помеша Албанија со Ерменија.
😂Trump claimed he settled the conflict between “Aber-baijan” and Albania
Well, that’s a new one! pic.twitter.com/hqH7fUhpDr
— NEXTA (@nexta_tv) September 18, 2025
На 8 август, Азербејџан и Ерменија потпишаа мировен договор, постигнат со посредство на САД. Договорот вклучува ексклузивни права на САД за развој на стратешки транзитен коридор низ Јужен Кавказ, за кој Белата куќа тврди дека ќе овозможи поголем извоз на енергија и други ресурси.
„Тие се бореа долго време, 35 години, а сега се пријатели и ќе бидат долго време“, рече Трамп на церемонијата на потпишување во Белата куќа, на која присуствуваа азербејџанскиот претседател Илхам Алиев и ерменскиот премиер Никол Пашинјан.
Ерменија и Азербејџан се во конфликт од крајот на 1980-тите, кога планинскиот регион Нагорно-Карабах на Азербејџан, претежно населен со етнички Ерменци, се отцепи од Азербејџан со поддршка на Ерменија. Азербејџан ја врати целосната контрола врз регионот во 2023 година, што ги натера речиси сите сто илјади етнички Ерменци од таа територија да избегаат во Ерменија.
Фото: ЕПА