Свет
Велигденски обичаи низ целиот свет

Велигден е најстариот христијански празник, од средината на вториот век христијаните во целиот свет го слават распнувањето на крстот и Воскресението на Исус Христос, но по доста различен начин.
Велигден е најстариот христијански празник, од средината на вториот век христијаните во целиот свет го слават распнувањето на крстот и Воскресението на Исус Христос, но по доста различен начин.
Во Австралија зајците не се меѓу омилените Велигденски животни таму Велигденски јајца се носат од кенгурите. Многу производители на чоколадо ги нудат своите производи во форма на кенгур.
На Велики петок во Велика Британија јадат лепчиња со суво грозје, на кои им е Нацртан крст, а на Велигден тркалаат бојадисани јајца и победник е оној чие јајце побрзо стигне до целта.
Германците, пак, бараат скриени Велигденски јајца низ градината и јадат чоколадни зајчиња. Со векови тие палат и Велигденски огнови со кои ја бркаат зимата.
Во Страстната недела во грчките цркви се отслужува Литургија, на полноќ на Велика сабота свештеникот прогласува: „Христос воскресе.“, и „Вистина воскресе“, одговараат верниците. Палат и голем оган, во недела прославуваат со печено јагнешко и пијат црвено вино.
Во Франција се произведуваат традиционални чоколади во различни фигури, а секако најзастапени се зајчињата.
Во многу италијански села се имитираат страдањата на Исус, се одржуваат и Велигденски процеси. Во продавниците се продаваат огромни чоколадни јајца.
Еден од специјалитетит е колач во форма на гулаб, наречен „Colomba Pasquale“. На Велики понеделник за појадок по исклучок се јаде и салама, Баница со филовите позната како „torta rustica“ и се пие алкохол.
Во Шпанија за Велигден се одбележува со бројни процеси на верските одликувања.
Православната служба во Русија започнува со процесот, во која верниците ја обиколуваат црквата, носејќи свеќи. Во ноќта на Велигден Московското метро работи до подоцна, за да може сите да се вратат по долгата ноќна Литургија.
Во САД во Белата куќа за најмладите посетители се организира игра во која низ градината треба да се бараат бојадисани јајца, а на крајот претседателот на сите дечиња им подарува дрвени јајца со потпис од него и од првата дама.
Велигденски специјалитет во Јужна Африка се печивата наречени „Hot Cross Buns“ кои се покриени со шеќер во вид на крст, ова е најверојатно британска традиција која се појавила во времето на крстоносците./крај/бг/ин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Украина и Русија разменија заробеници

Украина и Русија денес одржаа нова размена на воени затвореници според јунскиот договор, без да го откријат нивниот број.
Двете земји неколку пати разменија воени затвореници во последните недели, што е единствената област на соработка меѓу двете завојувани страни кои не постигнуваат напредок во мировните преговори, според медиумите.
„На 4 јули, нова група руски војници се врати од територијата контролирана од режимот во Киев“, соопшти руското Министерство за одбрана.
Објави видео на кое се прикажани околу петнаесет војници опкружени со знамиња и извикуваат „Русија“ во автобус.
Украинскиот претседател Володимир Зеленски, исто така, ја потврди размената, велејќи дека повеќето од затворениците биле во руско заробеништво од 2022 година, вклучувајќи и цивили.
„Размените мора да продолжат. Целта на Украина е да ги ослободи сите наши сонародници притворени во Русија“, напиша Зеленски на апликацијата Телеграм.
На 2 јуни, Киев и Москва се согласија да ги ослободат сите воени заробеници под 25 години и тешко ранетите, како и да ги вратат останките на паднатите борци, што беше единствениот позитивен исход од разговорите во Истанбул.
Двете страни неодамна престанаа да откриваат информации за ослободените затвореници.
Свет
(Видео) Трамп на митинг: Демократите ме мразат, но и јас ги мразам, не можам да ги поднесам

Претседателот на САД, Доналд Трамп, повторно предизвика бран реакции со шокантна изјава, пишуваат светските медиуми.
„Тие ме мразат, но и јас ги мразам“.
Зборувајќи на митинг во Ајова, Трамп коментираше за фактот дека демократите не го поддржаа неговиот закон, кој го нарекува „одличен, прекрасен закон“. Во таа пригода, тој рече: „Тие го мразат Трамп, но и јас ги мразам, знаете? Навистина не можам да ги поднесам. Бидејќи верувам дека ја мразат нашата земја“.
BREAKING: In a shocking moment, Trump declares that he is unable to be a President to ALL Americans, as he hates Democrats. "They hate Trump, but I hate them too. I really do, I hate them. I can’t stand them."
What a small, hateful man. pic.twitter.com/hUKIGMs9g5
— Really American 🇺🇸 (@ReallyAmerican1) July 4, 2025
Изјавата веднаш предизвика остри реакции, особено од демократската страна. Ова не е прв пат Трамп да користи слична реторика кон политичките противници. Така, неодамна го нарече демократскиот кандидат за градоначалник на Њујорк, Мамдани, „луд комунист“, според написите во медиумите.
Конгресот вчера го одобри законот на Трамп, кој демократите го нарекоа „одвратна гнасотија“. Трамп тврди дека ќе ја зајакне Америка со даночна реформа и инвестиции во војската и безбедноста, додека демократите предупредуваат на укинување на бројни социјални мерки, даночни олеснувања за најбогатите и дополнително зголемување на огромниот американски јавен долг.
Свет
Зеленски се договорил со Трамп за зајакнување на заштитата на украинското небо

Претседателот на Украина, Володимир Зеленски, изјави дека за време на телефонскиот разговор со неговиот американски колега, Доналд Трамп, се согласил да „ја зајакне заштитата“ на украинскиот воздушен простор по новиот масовен напад од страна на руски беспилотни летала и ракети.
„Разговаравме за опциите за противвоздушна одбрана и се согласивме да работиме заедно за зајакнување на заштитата на воздушниот простор“, рече Зеленски на Телеграм и додаде дека разговорот бил значаен.
Шефот на кабинетот на Зеленски, Андриј Јермак, изјави претходно денес дека телефонскиот разговор меѓу Зеленски и Трамп „бил многу важен и богат“.
Трамп претходно разговараше по телефон со рускиот претседател Владимир Путин, но немаше напредок кон прекинување на руската војна во Украина, пренесуваат светските агенции.