Свет
ЦИА планирала Садам Хусеин да го претстави како хомосексуалец
Американската централна разузнавачка агенција (ЦИА) настојувала што повеќе да го оцрни името на поранешниот ирачки лидер Садам Хусеин, пред нападот на Ирак во 2003 година. Имала идеја да го прикаже како хомосексуалец, пренесува Вашингтон Пост.
Американската централна разузнавачка агенција (ЦИА) настојувала што повеќе да го оцрни името на поранешниот ирачки лидер Садам Хусеин, пред нападот на Ирак во 2003 година. Имала идеја да го прикаже како хомосексуалец, пренесува Вашингтон Пост.
Предлогот бил дел од ирачката операциона група, специјалните ќелии на ЦИА, да направи лажна снимка во која ирачкиот диктатор има сексуален однос со некој млад човек и таа снимка да ја пушти на ирачкиот народ.
Еден поранешен вработен во ЦИА кој сака да остане анонимен, изјави дека филмот би требало да изгледа како да е снимен со скриена камера, како да се работи за тајна снимка.
Останатите предлози на ЦИА биле и да се изврши напад во ирачкиот телевизиски програм со лажни информативни емисии во кој Садам им соопштува на граѓаните дека се повлекува од власта во корист на својот син Удаја.
Американската агенција имала геј планови и за водачот на терористичката мрежа Ал Каеда, Осама бин Ладен, во која на снимката двојникот на Бин Ладен се фали со голем број на љубовници додека пие алкохол.
„Не дошло до реализација на овие проекти затоа што не му се допаднале на Џејмс Павит директор на операциите на ЦИА.
Прикажување на Садам како се забавува со млад човек не би го вознемириле Блискиот исток затоа што никој не се грижи за тоа“, тврди анонимен пензионер од агенцијата.
ЦИА засега не ги потврдува ниту ги демантира информациите.
Според мислењето на повеќе поранешни вработени во ЦИА, агенцијата се откажала од овие проекти затоа што немала доволно средства и експерти./крај/блиц/мт
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Камала Харис: Путин може да ја заврши војната утре
По претставувањето на неговиот план за победа пред Бајден во Белата куќа, украинскиот претседател Володимир Зеленски одржа прес-конференција со демократската претседателска кандидатка Камала Харис.
Американската потпретседателка почна со ветување за поддршка на Украина во нејзината борба против Русија и дека ќе продолжи да го прави тоа доколку биде избрана на претстојните избори.
Таа рече дека Америка мора да се спротивстави на агресорите како рускиот претседател Владимир Путин.
Харис предупреди дека другите потенцијални агресори ќе следат што се случува во Украина и дека мора да им се покаже дека постапките на Путин не се прифатливи.
Додаде дека Путин утре би можел да ја заврши војната доколку ја повлече војската од Украина.
„Украина се спротивстави на руската агресија и денес Киев е слободен и силен“, рече Камала Харис.
„Претседател Зеленски, разбирам. Путин ја започна оваа војна и може да ја заврши утре ако едноставно ја повлече својата војска од украинската суверена територија“.
Без да го именува директно, Камала Харис го повика својот противкандидат на претстојните избори, републиканскиот кандидат Доналд Трамп, велејќи дека има некои луѓе во Америка кои ќе бараат Украина да прифати неутралност и да се откаже од безбедносните односи со другите нации.
„Ова не се предлози за мир. Наместо тоа, тие се предлози за предавање“, додаде таа.
Свет
Палестинскиот претседател повика на прекин на огнот во Газа и Либан
Палестинскиот претседател Махмуд Абас повторно повика на прекин на израелската офанзива на Појасот Газа и побара запирање на испораката на американско оружје за Израел.
Абас излезе на говорницата на Генералното собрание на Обединетите нации во Њујорк и, пред официјално да им се обрати на делегатите, трипати ги повтори зборовите „нема да заминеме“, мислејќи на палестинската определба да не бидат принудени да ја напуштат Палестина среде војната во Газа и нападите од израелски доселеници на окупираниот Западен Брег.
Тој постојано го критикуваше Израел, велејќи дека тој врши геноцид во Газа, кој според него сега се подготвува и за Либан.
Во жестоките забелешки до Вашингтон, кој ја поддржува Палестинската управа што тој ја предводи, Абас го критикуваше континуираното снабдување со американско оружје за Израел, истовремено блокирајќи ги резолуциите на Советот за безбедност на ОН кои повикуваат на прекин на огнот претходно во конфликтот.
Тој не ги спомна Хамас, лутите ривали на секуларната партија Фатах предводена од Абас, но се осврна на нивните напади врз Израел на 7 октомври и рече дека го осудува убиството на цивилите од двете страни.
Свет
Ердоган: Израелските напади врз Либан ќе продолжат се додека Западот молчи
Турскиот претседател Реџеп Таип Ердоган изјави дека израелските напади врз Либан ќе продолжат се додека Западот молчи.
Ројтерс јавува дека Ердоган разговарал со турски новинари во Њујорк пред да го напушти Генералното собрание на ОН.
Се наведува дека турскиот лидер рекол дека воздушните напади на Израел врз Либан се доказ дека се обидува да се прошири војната од Газа во поширокиот регион, додавајќи дека ОН се немоќни да го запрат.
„Додека светот молчи и западните земји го поддржуваат израелското раководство со оружје, овие масакри, за жал, ќе продолжат. Ние го истакнавме тоа на нашите состаноци“, рече турскиот претседател.