Свет
БП постави купола над изворот на нафта во Мексиканскиот залив

Експертите на британската нафтена компанија Бритиш Петрол (БП) денеска поставија купола над изворот на нафта, од кој веќе 1,5 месеци тече нафта во Мексиканскиот залив
Експертите на британската нафтена компанија Бритиш Петрол (БП) денеска поставија купола над изворот на нафта, од кој веќе 1,5 месеци тече нафта во Мексиканскиот залив.
Засега не е познато дали куполата, која е поставеа со помош на далечински водени подморници, го запрела испекувањето на нафта.
Командантот на американската крајбрежна страна Тад Ален изјави дека ова е позитивен развој во обидите на БП за запирање на истекувањето на нафта.
Тој додаде дека со куполата се фаќаат околу илјада барели нафта на ден, но од отворот истекуваат меѓу 12 и 19 илјади барели дневно.
Американскиот претседател Барак Обама денеска повторно го посети загрозеното подрачје во Мексиканскиот залив, а синоќа изјави дека е лут поради целата ситуација и повтори дека БП мора да ја плати штетата што настана со излевањето на нафтата.
Нафтената дамка, по Лујзијана, Алабама и Мисисипи го зафати и брегот на Флорида, а веќе се пронајдени над 500 мртви птици, 222 угинати желки и 38 умрени делфини.
Во морето, од експлозијата и тонењето на нафтената платформа на БП досега истекоа до 170 милиони литри нафта, а сите обиди за запирање досега се изјаловија. /крај/ста/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата Франциско: Болеста ми помогна појасно да ја видам апсурдноста на војната

Папата Франциско, кој беше хоспитализиран поради пневмонија, преку писмо повика на прекин на војните и на дипломатски решенија за конфликтите.
Во писмото до весникот „Кориере дела сера“ папата рече дека неговата долга болест му помогнала да му стане уште појасна апсурдноста на војната и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска, Бакингемската палата потврди дека кралот Чарлс ќе се сретне со папата Франциско меѓу 7 и 10 април и покрај болеста на католичкиот водач.
Папата (88) беше примен во римската болница „Гемели“ на 14 февруари со тешка респираторна инфекција и оттогаш не е виден во јавноста, пренесува „Танјуг“.
Регион
Во хрватскиот Сабор едноминутно молчење за загинатите во Македонија

Хрватскиот Сабор, денеска, со едноминутно молчење им оддаде почит на 59-те лица што завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието, Гордан Јандроковиќ.
Во пожарот што завчера избувна во „Пулс“ во Кочани загинаа 59 млади лица, а повеќе од 150 се повредени.
Свет
Кремљ го објави времето за почеток на разговорите Трамп – Путин

Кремљ потврди дека телефонскиот разговор меѓу Владимир Путин и Доналд Трамп ќе се одржи денеска, со почеток во 14 часот по македонско време (16 часот по московско време).
Американскиот претседател пред телефонскиот разговор со Путин изјави дека многу елементи од мировниот договор во Украина се веќе договорени со неговиот руски колега.
Во своето ноќно обраќање во понеделникот украинскиот претседател Володимир Зеленски го обвини Путин за продолжување на војната. „Овој предлог можеше одамна да се спроведе“, рече тој додавајќи дека „секој ден во време на војна значи човечки животи“.