Свет
Израел се закани дека ќе упадне на „Рејчел Кори“

Израелската армија предупреди дека ќе се истовари на ирскиот хуманитарен брод „Рејчел Кори“, ако тој продолжи да плови кон Газа наместо кон израелското пристаниште Ашдод.
Израелската армија предупреди дека ќе се истовари на ирскиот хуманитарен брод „Рејчел Кори“, ако тој продолжи да плови кон Газа наместо кон израелското пристаниште Ашдод.
„Ако тоа биде нужно, ако бродот не ја промени насоката, нема да имаме избор“ изјави портпаролот на армијата, Авитал Лејбович, цитиран од израелското радио.
Според израелската армија, „Рејчел Кори“, не одговорил на радио пораките, со кои му се наредува да се пренасочи кон израелското пристаниште Ашдод и да продолжи да плови кон појасот Газа.
Израелските власти неколку пати изјавија дека се решени да му го забранат пристапот на овој брод до пристаништето Газа.
Посадата на бродот досега ги одбиваше барањата да се пренасочи кон Ашдод, околу 30 километри северно од појасот Газа, и таму да ја истовари својата хуманитарна помош.
Израелската морнарица со најмалку три брода почнала да го следи ирскиот брод на 65 километри од Газа.
На него се наоѓаат 15 луѓе, ирски и малезиски пропалестински активисти меѓу кои и добитник на Нобелова награда за мир.
По насилниот упад на израелската војска на турскиот хуманитарен брод „Мари Мармара“ во понеделникот, кога загинаа девет цивили и меѓународните критики, Израел нема намера да попушти и да допушти пробивање на блокадата на појасот Газа. /крај/хи/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата Франциско: Болеста ми помогна појасно да ја видам апсурдноста на војната

Папата Франциско, кој беше хоспитализиран поради пневмонија, преку писмо повика на прекин на војните и на дипломатски решенија за конфликтите.
Во писмото до весникот „Кориере дела сера“ папата рече дека неговата долга болест му помогнала да му стане уште појасна апсурдноста на војната и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска, Бакингемската палата потврди дека кралот Чарлс ќе се сретне со папата Франциско меѓу 7 и 10 април и покрај болеста на католичкиот водач.
Папата (88) беше примен во римската болница „Гемели“ на 14 февруари со тешка респираторна инфекција и оттогаш не е виден во јавноста, пренесува „Танјуг“.
Регион
Во хрватскиот Сабор едноминутно молчење за загинатите во Македонија

Хрватскиот Сабор, денеска, со едноминутно молчење им оддаде почит на 59-те лица што завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието, Гордан Јандроковиќ.
Во пожарот што завчера избувна во „Пулс“ во Кочани загинаа 59 млади лица, а повеќе од 150 се повредени.
Свет
Кремљ го објави времето за почеток на разговорите Трамп – Путин

Кремљ потврди дека телефонскиот разговор меѓу Владимир Путин и Доналд Трамп ќе се одржи денеска, со почеток во 14 часот по македонско време (16 часот по московско време).
Американскиот претседател пред телефонскиот разговор со Путин изјави дека многу елементи од мировниот договор во Украина се веќе договорени со неговиот руски колега.
Во своето ноќно обраќање во понеделникот украинскиот претседател Володимир Зеленски го обвини Путин за продолжување на војната. „Овој предлог можеше одамна да се спроведе“, рече тој додавајќи дека „секој ден во време на војна значи човечки животи“.