Свет
Полска избира претседател
Околу 30, 5 милиони Полјаци денеска ќе излезат на избори за нов претседател, по загинувањето на претходникот Лех Качински во авионска несреќа кај Смоленск Русија.
Околу 30, 5 милиони Полјаци денеска ќе излезат на избори за нов претседател, по загинувањето на претходникот Лех Качински во авионска несреќа кај Смоленск Русија. Главна битка ќе се води меѓу сегашниот претседател на Сејмот, привремен шеф на државата и претставник на либералната партија на власт Граѓанска платформа Бронислав Коморовски (58) и братот близнак на загинатиот претседател Јарослав Качински (61) кој е кандидат на десничарската партија Закон и правда. И двајцата кандидати се конзервативни католици. Коморовски вети дека доколку стане шеф на државата, ќе ги повлече полските трупи од Авганистан затоа што минатиот викенд загина полски војник и според него тоа е сериозна состојба. За него , актуелниот премиер Доналд Туск ги кажал најубавите зборови, истакнувајќи дека е човек за компромис. Јарослав Качински е познат како “тврдокорен националист“ кој секогаш се противи на оние одлуки кои се донесени од Европската унија (ЕУ) а ја бранат Русија. Но по несреќата, Качински реши да и подаде на Русија рака на помирување. Тој дури изјави дека за Полска, Москва секогаш ќе биде пред Брисел и Вашингтон. Според аналитичарите, многу се мали шансите да биде избран претседател уште во првиот круг од изборите. Последната анкета на Агенцијата МБ СМГ/КРЦ (MB SMG/KRC) предвидува дека Коморовски ќе освои 44, а Качински 29 отсто од гласовите. Според анкетата на агенцијата ТНС БОР (TNS BOR) Коморовски ќе освои 40 а Качински 35 проценти од гласовите. И Коморовски и Качински ја завршија кампањата во истиот град – Гдањск . Вториот круг од претседателските избори ќе се одржи по две недели. Лех Качински, неговата сопруга Марија и 95 претставници на полскиот државен врв загинаа на 10 април годинава, а нивната крајна дестинација требаше да биде Катинската шума каде пролетта 1940 година Советската тајна служба стрелала 22.000 полски војници. Падот на авионот предизвика многу сомнежи и причината за смртта на полскиот политички врв се уште не е разјаснета./крај/deutschewelle/ бета/ит
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка и испраќа на Украина скап пакет оружје, откриeно што може да има во него
Веќе во петок, САД би можеле да објават нов пакет оружје за помош на Украина во вредност од шест милијарди долари, објави порталот Политико, цитирајќи неименуван американски функционер.
Според официјални лица, пакетот оружје вклучува контраартилериски радар, тактички возила, пресретнувачи Патриот, беспилотни летала, артилерија, прецизна муниција и системи против беспилотни летала.
На почетокот на неделава Претставничкиот дом на американскиот Конгрес донесе закон за пакет воена помош за Украина, Израел и кинескиот регион Тајван во вредност од 95 милијарди долари, од кои 61 милијарда долари се наменети за помош на Украина.
Лидерот на Демократите во Сенатот Чак Шумер изјави дека оставил порака за украинскиот претседател Володимир Зеленски, која гласи: „Завршивме. Сега – победи“.
„Овој предлог-закон е една од најважните мерки усвоени од Конгресот долго време за заштита на американската безбедност и безбедноста на западните демократии“, рече Шумер.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.
Свет
Русите уапсија двајца нивни војници за грозоморни злосторства
Двајца руски војници се приведени под сомнение дека убиле пет лица во окупираниот дел од областа Херсон. Александар Осипов и Александар Кајгородцев веќе ги признале злосторствата што ги направиле во селата Подо-Калиновка и Абрикосовка, пишува рускиот медиум Ура.ру.
Меѓу жртвите се двајца полицајци и началникот на селото Љубов Тимчак, кој е назначен од Русија. Телото на началникот било пронајдено во средата, а на него биле видливи рани од огнено оружје, оган и експлозивни направи.
Полицијата набрзо добила дојава од заменик началникот на округот Алешински за откривање на уште две изгорени и осакатени тела на маж и жена. Безбедносните сили ги уапсиле осомничените истиот ден, а набрзо се испоставило дека станува збор за руските војници Александар Осипов и Александар Кајгородцев.