Свет
Нови жртви во серијата напади во Ирак
Серија од над десет напади врз локални функционери и врз полициските сили низ целиот Ирак досега однесе 43 животи, но бројката постојано расте, соопшти ирачката полиција, пренесува Асошиејтед прес.
Серија од над десет напади врз локални функционери и врз полициските сили низ целиот Ирак досега однесе 43 животи, но бројката постојано расте, соопшти ирачката полиција, пренесува Асошиејтед прес. Засега никој не ја презеде одговорноста, но нивото и опсегот на насилство, кое се случува на само ден откако бројот на американски војници во Ирак падна на под 50.000, посочува на намерата на бунтовничките групи да ја истакнат својата моќ откако американското присуство во земјата се намали. Цел на нападите во најголем дел беа владини институции кои се неопходни за секојдневното функционирање на државата и за нејзината стабилност. Најсмртоносниот напад се случи во северен Багдад, каде што бомбаш-самоубиец детонираше автомобил-бомба на паркингот зад полициска станица. Петнаесет луѓе беа убиени, вклучувајќи шест полицајци. Полициски извори велат дека уште 58 биле ранети во експлозијата, која создала кратер од три метри, а повеќе луѓе биле затрупани во урнатините на околните куќи. Висок офицер на ирачкото разузнавање, кој побарал да остане анонимен, вели дека напаѓачите, најверојатно, имале помош однатре од полицијата, како и дека бомбашкиот напад носи ознаки на ал-Каеда. Други, помали фракции помогнале при другите напади, тврди офицерот, но одби да изнесе повеќе детали. Сепак, не успеале сите напади. Во северниот ирачки град Мосул, ирачки војници забележале и убиле бомбаш-самоубиец, пред тој да успее да ја активира бомбата пред една армиска база. Речиси истовремено, 16 луѓе, сите освен еден полицајци, биле убиени, а 90 ранети кога бомбаш-самоубиец се разнел во гратче југоисточно од Багдад. Уште четири напади се случиле ширум, Ирак, сите со огромен број на жртви. Од 7 март годинава, кога парламентарните избори не донесоа убедлив победник кој ќе основа цврста влада, меѓународната заедница, а особено САД, стравуваат дека политичката нестабилност може да предизвика насилства кои ќе поништат се што беше постигнато во последниве две години на безбедносен план. Иако секташкото насилство значително се намали од зенитот на крвопролевањето во 2006 и 2007 година, милитантите и натаму се обидуваат со чести напади врз се уште недооформените ирачки безбедносни сили да ја намалат нивната способност да ја бранат земјата и внатрешниот поредок. /крај/ап/ссе/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.