Свет
Талибанската закана за хуманитарните напори во Пакистан
Странските хуманитарни работници во Пакистан имаат скриена агенда која го надминува нивниот мандат на распределба на помош на цивилите погодени од поплавите и затоа се „неприфатливи“, изјави за Асошиејтед прес портпаролот на талибанското движење „Техрик-и-талибан“, Азим Тарик.
Странските хуманитарни работници во Пакистан имаат скриена агенда која го надминува нивниот мандат на распределба на помош на цивилите погодени од поплавите и затоа се „неприфатливи“, изјави за Асошиејтед прес портпаролот на талибанското движење „Техрик-и-талибан“, Азим Тарик. „Ние велиме дека некој е неприфатлив за нас, а вие самите извлечете заклучок што значи тоа“, појаснил Тарик, одговарајќи на прашањето дали изјавата значи дека странските хуманитарни организации ќе станат цел на нападите на талибанците во Пакистан. Лошо прикриената закана на талибанците доаѓа на само еден ден откако анонимен американски функционер изјави дека милитантите планираат да почнат да ги напаѓаат странските хуманитарни работници кои помагаат при справувањето со последиците од уништувачките поплави. Стратегијата на ТТП е да ја поткопа пакистанската држава со тоа што ќе создадат хаос во земјата и ќе ги исплашат странците, кои играат клучна улога во одржувањето на ослабнатата држава на нозе и на нејзината способност да му се спротивстави на ТТП, сметаа во институтот „Стратфор“. ТТП, според „Стратфор“, воопшто нема потреба фактички да ги изведе нападите; доволно е само да го експлоатира меѓународниот страв дека ќе го стори тоа и ќе го постигне истиот резултат. На почетокот на август, ТТП воведе мораториум на нападите со цел да се олеснат напорите за помош по поплавите, но не го одржа ветувањето. На 23 август беа извршени три напади со импровизирани експлозивни направи, за кои беше осомничен ТТП. Овие напади покажаа дека милитантите се активни И покрај оштетувањата на нивната организациска инфраструктура предизвикана од поплавите. Во март годинава ТТП изврши неколку напади врз седишта и вработени во хуманитарни организации, а меѓу загинатите имаше и странци. Со оглед на репутацијата на ТТП, тие повеќе не треба да извршуваат напади за да ги постигнат своите цели. Доволно е да објават некоја нејасна закана за да ги присилат хуманитарните организации или да ги намалат своите операции, или да ги пренаменат финансиите за да платат за зголеменото обезбедување. Како резултат на нападите во август, Светската здравствена организација соопшти дека безбедносната ситуација веќе придонела кон тоа да се намалат операциите во провинциите Кибер-Пактунква и Балучистан. Какви и да е понатамошни закани најверојатно ќе ги присилат хуманитарните организации кои оперираат во Пакистан повеќе да се фокусираат на безбедноста, наместо на обезбедувањето на помош. Колку и да се маргинални овие поместувања на фокусот на меѓународната хуманитарна помош, секое од нив ја намалува ефективноста на централната влада при обезбедувањето на помошта за жртвите од поплавите. Дури и најмалите намалувања на хуманитарните операции ја продолжуваат кризата, со што централната влада станува поранлива кон јавното незадоволство за тоа како се справува со ситуацијата. /крај/ап/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Саливан: САД нема на располагање ниту еден „Патриот“ систем за противвоздушна одбрана што би можел да го достави до Киев
Советникот за национална безбедност на американскиот претседател, Џејк Саливан, рече дека Вашингтон во моментов нема достапни системи за противвоздушна одбрана „Патриот“ што би можел да му ги достави на Киев.
„Американските системи „патриот“ се распоредени низ целиот свет, вклучително и на Блискиот Исток, за да ја заштитат американската војска. Доколку има можност да се ослободи батерија, ќе ја испратиме во Украина“, рече тој, а пренесе телевизијата „Ем-ес-ен-бси“.
Истовремено, Саливан додаде дека Америка, додека не дојде во ситуација да испрати свои „патриотски“ системи во Украина, ќе работи да ги убеди своите сојузници од Европа да ги испратат своите системи за противвоздушна одбрана.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.