Свет
Успешно се приземји капсулата со тројца космонаути
Капсулата „Сојуз“ во која се наоѓаа двајца руски и еден американски космонаут од Меѓународната вселенска станица безбедно слета во Казахстан, јавува Ројтерс
Капсулата „Сојуз“ во која се наоѓаа двајца руски и еден американски космонаут од Меѓународната вселенска станица безбедно слета во Казахстан, јавува РојтерсФункционери од американската вселенската агенција НАСА соопштија дека капсулата слетала исправена, на време и точно на определеното место во близина на Аркалук во казахстанските степи. Капсулата требаше да се спушти вчера, но тоа беше одложено откако држачите на пристанишниот дел на орбиталната станица, кои го држеле вселенското летало, не се отвориле, што предизвикало паника кај инженерите. НАСА подоцна соопшти дека членовите на екипажот сами го решиле проблемот со тоа што со помош на кабли ги премостиле држачите. Престојот на трочлениот екипаж во вселенската станица беше исполнет несреќни случаи, меѓу кои е и дефектот на системот за ладење во август и неисправниот систем за комуникации, поради кои шатлот со намерници ја промаши станицата . Шатлот успешно слетал дури два дена по инцидентот. /крај/ројтерс/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.