Милитантите во Пакистан извршија уште еден напад на цистерна со гориво за силите на НАТО во Пакистан, втор во еден ден, со што се истакна ранливоста на логистиката на оваа мисија, еден ден откако Пакистан го затвори граничниот премин преку кој минуваат конвоите, јавува Асошиејтед прес

Милитантите во Пакистан извршија уште еден напад на цистерна со гориво за силите на НАТО во Пакистан, втор во еден ден, со што се истакна ранливоста на логистиката на оваа мисија, еден ден откако Пакистан го затвори граничниот премин преку кој минуваат конвоите, јавува Асошиејтед пресВо вториот напад возачот на цистерната и неговиот помошник изгореле живи во камионот. Камионот бил сам, а не во конвој и бил паркиран пред еден ресторан во провинцијата Балучистан, на југоистокот на Пакистан. Претходно, изутрината милитанти нападнаа и запалија конвој со 27 цистерни со гориво за НАТО мисијата во Авганистан. Околу 80 проценти од горивото, резервните делови, облеката и другите несмртоносни материјали потребни за мисијата ИСАФ  минуваат низ Пакистан, по пристигнувањето во пакистанското пристаниште Карачи. Алијансата користи и други рути за снабдување, но таа низ Пакистан е најевтина и најзгодна. Вчера пакистанската влада затвор еден од двата гранични премини кон Авганистан, во очигледен протест поради загинувањето на тројцата пакистански војници во хеликоптерски напад на НАТО на територијата на Пакистан. Овие настани ги зголемија тензиите помеѓу Пакистан и САД, кој имаат блиска, но честопати проблематична соработка во борбата против исламистичките милитанти и во Пакистан и во Авганистан. /крај/ап/сс/