Свет
Ќе завршат бенефициите за големите потрошувачи на струја
МЕПСО ќе бара прво банкарска гаранција, па потоа ќе испорачува електрична енергија
МЕПСО ќе бара прво банкарска гаранција, па потоа ќе испорачува електрична енергија
"Силмак", "Фени, "Макстил", "Митал стил" веќе не можат да се надеваат дека ќе плаќаат струја по привилегирани цени
МАЈА ТОМИЌ
Од почетокот на годинава за големите потрошувачи на струја требаше да престанат да важат досегашните повластени цени за струјата, за што тие склучуваа договори со ЕСМ. Според законските решенија, за сите потрошувачи на електрична енергија ќе важат исти цени зависно од тоа во која група се тие класифицирани. Но, иако овие одредби од Законот за енергетика требаше да започнат да се применуваат од јануари 2006 година, тоа сў уште не се случило и големите компании уште ја плаќаат струјата по претходно договорена, привилегирана цена. Неофицијално, таа изнесува 22 евроцента за еден мегават, а се најавува нејзина корекција за неколку центи повеќе.
Големите потрошувачи се класифицирани во Законот во групата на оние што трошат или планираат да потрошат над 20 гигавати струја годишно. Од почетокот на годинава тие требаше за потребните количества струја, неопходни за процесот на производството, да склучуваат нови договори со МЕПСО, ,,Македонскиот преносен систем оператор", но тоа сў уште не се случува. Според законските одредби, ако сакаат да набават струја, компаниите прво ќе мораат да приложат банкарска гаранција. Од овој месец требаше и практично да профункционира новиот начин на соработка меѓу МЕПСО и домашните компании, но работите уште се статус кво. Односно, испораките на струја течат според претходните договори склучени со некогашно ЕСМ и според старите, бенефицирани цени, а сў уште не е избрана банка која ќе биде подготвена да ја гарантира наплатата на струјата.
Примената на новите законски решенија во практика ќе значи дека “Силмак", “Фени, “Макстил", “Митал стил" и уште пет други домашни компании во иднина не можат да се надеваат дека ќе плаќаат струја по привилегирани цени, ниту пак дека, како досега, државата ќе им ги простува направените долгови и ќе им испорачува струја непречено.
Во МЕПСО велат дека уште не е најдена домашна банка која ќе се нафати да даде гаранција, бидејќи не е баш мал ризикот во кој треба да влезе, ако се има предвид дека за месечни набавки на струја една компанија треба да издвои околу милион евра. Со приложувањето на банкарската гаранција, всушност треба да се избегне досегашната ситуација на трупање долгови поради неплатена струја.
А, колку точно изнесува повластената цена на еден мегават-час, ниту големите компании ниту надлежните не откриваат. Неофицијално, станува збор за цена од околу 22 евроцента за мегават-час, а во тек се преговори за нејзино зголемување меѓу 25 и 30 евроценти. Сепак, и покрај привилегиите, компаниите не ја плаќаа редовно струјата. На некогашно ЕСМ по оваа основа тие му должат околу 15 милиони евра, од кои само долгот на “Силмак" изнесува 7 милиони евра. Засега е неизвесно дали воопшто средствата ќе бидат наплатени. Само во последните неколку месеци по поделбата на ЕСМ на три друштва, долгот за неплатените сметки достигна околу 8 милиони евра.
Инаку, побарувачката на струја од увоз расте од година на година. Додека лани беа увезени околу 2 милијарди киловат-часа, што беше двојно повеќе од 2004 година, за оваа 2006 година се планира потрошувачка од околу 4 милијарди киловат-часа, за што ќе бидат потрошени околу 120 милиони евра. Тоа е резултат на зголемената побарувачка на струја кај сите категории потрошувачи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.