Свет
Трет пат гори "Хераклеа"

За два дена зградата на поранешната фабрика трипати е опожарувана од непознат пироман, но засега не е познат мотивот на потпалувачот и неговиот идентитет
ПОДМЕТНАТ ПОЖАР ВО ПОРАНЕШНАТА ФАБРИКА ЗА КОЖНА КОНФЕКЦИЈА ВО БИТОЛА
За два дена зградата на поранешната фабрика трипати е опожарувана од непознат пироман, но засега не е познат мотивот на потпалувачот и неговиот идентитет
Поранешната фабрика за кожна конфекција "Хераклеа" што се наоѓа на булеварот 1 мај, кај Црн мост на реката Драгор, за два дена беше трипати опожарена од засега непознат(и) пироман(и). Засега е извесно дека пожарот е намерно подметнат, но не се знаат причините за таквиот чин. Полицијата презеде истрага за откривање на подметнувачот и за утврдување на причините за потпалување на зградата.
Противпожарната служба во Битола за пожарот била известена од граѓаните од соседните куќи. Тие веднаш интервенирале и истиот дури три пати го гаснеле.
Првиот пожар бил подметнат во понеделникот, во 17.30 часот, а вториот само два часа по гаснењето, во 20.30 часот. При второт опожарување, кое било од поголеми размери, изгорел подот од катот и дел од покривната конструкција. Вториот пожар, дежурната противпожарна единица го изгаснала во 23 часот.
Вчера утрото, седум минути по полноќ, објектот по трет пат беше опожарен а огнот беше изгаснат еден час по полноќ.
Објектот, во кој што пред 10-тина години работеше фабриката за кожна конфекција "Хераклеа" е напуштен. Според соседите, во објектот се собираат бездомници и наркомани, кои во ноќните часови го користат просторот за сеанси.
Со Законот за денационализација објектот им бил вратен во сопственост и владение на шест битолски семејства, но и тие, пореди одредени проблеми помеѓу нив, се уште не го имаат преземено.
М. Павлевски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Јас сум претседател-медијатор, сакам да решавам војни

Американскиот претседател Доналд Трамп изјави дека се гледа себеси како претседател-медијатор, нагласувајќи дека неговата цел е да помага во решавањето на конфликти ширум светот.
„Јас сум претседател-медијатор. Сакам да решавам војни“, рече Трамп за време на средбата со украинскиот претседател, Володимир Зеленки, додавајќи дека моменталната ситуација (мисли на Украина) не е лесна за посредување.
„Полесно е кога луѓето се разбираат, кога се среќаваат и кога си се допаѓаат еден на друг. Не сме баш во таква ситуација“, изјави тој пред новинарите, пренесе „Гардијан“.
Трамп спомена дека досега посредувал во осум конфликти, вклучително и на Блискиот Исток, и дека тековните напори се негов „деветти случај“.
„Ова ќе биде број девет за мене. Решив осум, вклучувајќи го Блискиот Исток… Не добив Нобелова награда, и не ми е важно тоа. Важно ми е да се спасувам животи“, изјави Трамп.
Свет
Трамп неодлучен за испорака на ракетите „ Томахавк“ на Украина

Како што објави „Гардијан“, американскиот претседател покажа двоумење во врска со испораката на Томахавк во Украина, велејќи: „Една од причините зошто сакаме да ја завршиме оваа војна е… не ни е лесно да ви дадеме… огромни количини многу моќно оружје… Се надеваме дека нема да им требаат. Се надеваме дека можеме да ја завршиме војната без да размислуваме за ракетите Томахавк“.
„Ќе зборуваме за ракетите Томахавк и многу повеќе би сакале да не им требаат тие ракети. Искрено, многу повеќе би сакале војната да заврши. Бидејќи, знаете, ние сме тука за војната да заврши… Продаваме многу различни видови оружје, како што знаете, на Европската Унија. Не сме тука за тоа. Ние сме тука за војната да заврши“, продолжи тој.
Во одговор на прашање од новинар, украинскиот претседател Володимир Зеленски, претходно изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
Свет
Зеленски: Подготвени сме на Америка да ѝ понудиме дронови во замена за „Томахавк“ ракети

Во одговор на прашање од новинар, украинскиот претседател Володимир Зеленски изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
На прашањето дали таков договор би го интересирал, поранешниот американски претседател Доналд Трамп одговори: „Да, би нè интересирал. Во моментов имаме многу дронови – ги произведуваме сопствените, но купуваме и од други, а Украинците произведуваат многу добри дронови.“
Трамп беше прашан и што мисли за тоа Украина да употребува ракети за напад подлабоко во Русија. „Ќе разговараме за тоа“, рече тој.
„Тоа е ескалација, но ќе разговараме за тоа“.
Украина бара од САД да испорачаат ракети „Томахавк“ кои можат да погодат цели на оддалеченост од речиси 2.000 километри.