Вчера во Основниот суд Скопје 1 на обвинителна клупа седна поранешниот директор на Фондот за здравство

Вчера во Основниот суд Скопје 1 на обвинителна клупа седна поранешниот директор на Фондот за здравство

Шестемина обвинети се товарат дека го оштетиле Фондот за здравство за 240 милиони денари

ЉубиШа СТАНКОВИЌ

Во Основниот суд Скопје 1 вчера почна судењето на поранешниот директор на Фондот за здравствено осигурување, Војо Михајловски (51), на ексдиректорката на Медицинскиот центар во Гевгелија, Слободанка Шуклева (57), браќата Љупче(36) и Звонко Трпковски(39), сопственици на фирмите „Атлантик комерцци и „Атлантикки, поранешниот директор на Медицинскиот центар во Велес, Оливер Зографски(44) и некогашниот заменик-генерален директор на АД „Алуминааи, Илија Јаќовски (56) од Скопје. Сите шестмина се товарат за злоупотреба на службената должност и овластување, а штетата што му е нанесена на Фондот за здравство се проценува на над 240 милиони денари.

Судењето почна со констатација дека сите обвинети се присутни во судницата и со измените на нивните бранители. Адвокатот Саво Коцарев и обвинетиот Љупче Трпковски рекоа дека не примиле обвинителен акт, но Судскиот совет, со кој претседава судијката Гордана Спиркоска, рече дека судот поседува докази според кои сите заинтересирани го примиле обвинението. По овие констатации, судот пристапи кон распит на обвинетите.

Првообвинетиот Војо Михајловски изјави дека го прочитал обвинителниот акт, но дека ќе го користи своето право да се брани со молчење. Поранешната директорка на Медицинскиот центар во Гевгелија, Слободанка Шуклева, изјави дека не се чувствува виновна за делото за кое се товари. Шуклева рече дека никогаш не се сретнала со Војо Михајловски и дека немала намера да го оштети Фондот за здравство, но дека се трудела да ги задоволи потребите на стотиците пациенти и на 500-те вработени. Таа потврди дека Медицинскиот центар во Гевгелија во 1996 година од Фондот добивал средства во висина од 1,6 милиони и дека во периодот, за кој се товари таа, односно цели пет месеци, Михајловски овој износ го намалил на 300.000 денари.

И покрај нејзините реакции, од Фондот не пристигале средства, но следувале упатства дека треба да прифати да работи со фирми, како што се „Атлантикки и „Атлантик комерцци. Набргу потоа во Гевгелија се појавиле сопствениците на спомнатите фирми и тогашниот директор на Медицинскиот центар од Кавадарци, Блашко Клинчарски. Следувале објаснувања дека набавките требало да одат преку скопските фирми и дека тие, по пат на цесии, ќе си ги наплателе побарувањата од Фондот, како и тоа дека на овој начин се работело со сите медицински центри подолго од две години.

Шуклева потврди дека фактурите кои пристигнале по еден месец биле „напумпаниии, но дека храната им била неопходна на пациентите. Таа рече дека медицински материјали не побарувала, бидејќи самата ги обезбедувала преку грчката влада, ЕУ и невладини организации, но дека одредени набавки биле крајно неопходни.

Шуклева рече дека Михајловски с се јавил по телефон, но дека лажно се претставил. Во разговорот с било кажано дека не сака повеќе ургенции за гевгелискиот Медицински центар и оти ќе работи „како што ќе с се каже или може да се сликааи. Михајловски, во разговорот с спомнал и „црна вреќааи во која можела да заврши. Под такви закани Шуклева ги потпишувала договорите.

Обвинетиот Љупче Трпковски одлучи да се брани со молчење, а неговиот брат Звонко Трпковски, со оглед на тоа што не поседува обвинителен акт, изјави дека во оваа фаза од постапката и тој ќе се брани со молчење. Сведочењето на Оливер Зографски, тогашен директор на Медицинскиот центар во Велес, во многу потсетуваше на она на Слободанка Шуклева. И тој потврди дека бил присилен да соработува со фирмите „Атлантикки и „Атлантик комерцци, но се работело и со „Здравецци, „Ветфармми, „Битола прометти и охридски „Виор ростфрајји. Зографски негираше дека препродавал од стоката што и онака била скапо платена. Тој рече дека не продавале, но дека со дел од стоката пребивале долг што го имале спрема „Жито Вардарри. Според Зографски, долгот бил четири милиони денари, а тие имале уште други 140 доверители. И тој реагирал на високите цени, но од стручните служби му било кажано дека цесијата ја затвора Фондот и дека така работеле и другите медицински центри во државава.

Илија Јаќовски пред Судскиот совет пристапи со објаснување дека тој не треба да биде обвинет и оти наместо него треба да дојде некој друг, иако не кажа кој е тоа лице. Иако видно збунет, Јаќовски се обидуваше да го објасни односот што АДДД“Алуминааи го имала со кичевскиот Медицински центар и за набавката на локал во палата „Алуминкааи, а за потребите на сведокот Сашо Андоновски. Јаќовски не беше во состојба да потврди дали предметната фактура била потпишана од него или од некој друг, како и тоа дали има уште една идентична фактура. Нему не му е познато дали Андоновски добил локал во палатата, но е сигурен дека таа била прокнижена.

Судењето продолжува в понеделник со распит на сведоците предложени од Јавното обвинителство на Скопје.