Свет
Битолски основци консументи на дрога
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-2365.jpeg)
Битолските основци од седмо и од осмо одделение признаа дека користат дроги.
Алармантни показатели на една анкета во осумгодишните училишта во Битола
Битолските основци од седмо и од осмо одделение признаа дека користат дроги. Спроведената анкета меѓу 500 ученици во девет основни училишта во градот покажа дека 3 проценти од анкетираните ученици на возраст од 12 до 14 години експериментираат со марихуана, екстази, хероин и други дроги. "Анкетиравме ученици од двата пола како репрезентативна група за добивање релевантни податоци. На првото прашање дали сте имале контакт и дали сте користеле каква било дрога, 15 ученици потврдно одговорија, потенцирајќи дека продолжуваат со нејзина употреба°, вели Сања Мучкаева-Фидановска од битолската Организација на жени, учесничка во проектот што беше спроведен во првото полугодие од оваа учебна година. Резултатите од анонимната анкета уште покажаа дека учениците кои потврдија дека употребуваат дроги не сакаа да прецизираат кога првпат пробале дрога и од каков вид, а истите тие, од друга страна, бараат легализирање на марихуаната
БИТОЛА – Битолските основци од седмо и од осмо одделение признаа дека користат дроги. Спроведената анкета меѓу 500 ученици во девет основни училишта во градот покажа дека 3 проценти од анкетираните ученици на возраст од 12 до 14 години експериментираат со марихуана, екстази, хероин и други дроги. “Анкетиравме ученици од двата пола како репрезентативна група за добивање релевантни податоци. На првото прашање дали сте имале контакт и дали сте користеле каква било дрога, 15 ученици потврдно одговорија, потенцирајќи дека продолжуваат со нејзина употреба°, вели Сања Мучкаева-Фидановска од битолската Организација на жени, учесничка во проектот што беше спроведен во првото полугодие од оваа учебна година.
Резултатите од анонимната анкета уште покажаа дека учениците кои потврдија дека употребуваат дроги не сакаа да прецизираат кога првпат пробале дрога и од каков вид, а истите тие, од друга страна, бараат легализирање на марихуаната. “Нў фрапира и податокот што 14 проценти од анкетираните седмоодделенци и осмоодделенци не ја сметаат марихуаната за дрога, туку бараат нејзина легализација. Дури 35 проценти одговорија потврдно дека во нивната најблиска околина познаваат уживатели на дроги, а згора на сў, 51 процент од овие малолетници се убедени дека зависникот може лесно да излезе од проблемот на зависност. Тоа укажува на фактот дека учениците се недоволно едуцирани и информирани, залажувајќи се дека зависноста од дроги е проблем од кој има излез°, вели Светлана Петковска, координаторка на проектот.
Според Организацијата на жени во Битола, порастот на бројот на зависници од дрога се должи и на тоа што во изминатите години стагнираат кампањите за борба против ова зло, не само тука ами воопшто и во целата држава, што посочува на неуспехот на државните институции и нивната координација во спречувањето и справувањето со овој проблем. Само во последната година во градот под Пелистер починаа шест лица од предозираност со дрога, извршувајќи самоубиство во моменти на криза. Најстариот од нив имаше 31 година. Моментно тројца битолчани на возраст од 25 до 30 години се на лекување во наркоцентарот во Конопиште, Кавадаречко, а други двајца се на рехабилитација во Хрватска и во Словенија.
“Битола не е веќе град каде што зависниците од дрога се бројат на прсти. Регистрирани се близу 4.000 зависници, 400 од нив се на игла, односно интровенска зависност, а стотина се заболени од вирусот хепатит Ц. Замислете го тоа што секој од овие лица се стреми да навлече на дрога уште шест-седум пријатели или познајници. Состојбата е алармантна, а излез, барем засега, нема", вели прим. д-р Стевче Бојаџиев, специјалист по неврологија и психијатрија во битолската клиничка болница.
Досегашните анализи на невладините организации потврдуваат дека границата на консументи на дрога се поместува на сў помала возраст. “Според резултатите од анкетите спроведени во периодот од 1999 до 2001 година, процентот на зависници од дроги во седмо и во осмо одделение беше речиси нула отсто, што значи за време од пет години со неговото покачување од три проценти меѓу оваа популација сме добиле поразителни податоци за нас како родители, но и како граѓани°, вели Билјана Опашинова, претседателка на Организацијата на жени во Битола. Оттаму порачуваат “да си ги гледаме сопствените деца в очи зашто само очите не лажат, така ќе можеме навреме да откриеме дали пробале дрога и да не бегаме од вистината кога ќе се соочиме со фактот дека нашето дете завлегло во вителот на дрогата°. Проектот на оваа невладина организација продолжува во средните училишта во градот, а резултатите се очекуваат кон крајот на учебната година.
(Е.М.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.