Кога американскиот претседател, Доналд Трамп, повеќепати се пожали дека не му се допаѓа начинот на кој работат тушевите, американските власти предложија измени на стандардите, кои ќе овозможат притисокот на водата во главата на тушот да се засили.

По забелешките на Трамп, Министерството за енергетика одлучи да ги олесни регулативите. Трамп рече на еден настан во Белата куќа дека водата не тече доволно брзо од чешмите.

„И што да правите? Останувате таму подолго или подолго се туширате? Мојата коса – не знам за вас – мора да биде совршена“.

Минатиот декември Трамп рече дека службите за животна средина треба да ги проучуваат мијалниците, чешмите и тоалетните школки за да ги променат правилата, чија цел е штедење вода и гориво за греење вода.

„Луѓето сега ја пуштаат водата од казанчето десет или 15 пати наместо еднаш“, изјави Трамп на состанокот со сопствениците на мали бизниси во Белата куќа.

Здруженијата на потрошувачите ги осудија плановите истакнувајќи дека сегашните правила им заштедуваат пари на потрошувачите затоа што штедат вода и гориво.

Предлогот ќе овозможи тушевите да се вратат на стандардот од 1992 година во време кога Џорџ Х.В. Буш беше претседател.

Камера од опремата на полицајка во Калифорнија сними неверојатно спасување во последен миг на лице со попреченост, чијашто инвалидска количка се заглавила во шините додека возот се приближува со застрашувачка брзина.

Полицајката Ерика Орорија го забележала мажот. Како што може да се види на видеото, таа веднаш истрчува од полицискиот автомобил и го спасува човекот, во момент кога возот се приближува со неверојатна брзина.

Таа успева да стигне до него и да го извади од количката во последната секунда.

Возот брза покрај нив додека човекот лежи на земјата. Мажот од инвалидска количка се здобил со повреда на ногата и бил пренесен во болница, но е жив благодарение на брзата и храбра реакција на полицајката.

Претседателот на САД, Доналд Трамп соопшти дека телефонски разговарал со лидерите на Израел и Обединетите Арапски Емирати и дека е постигнат договор за обновување на дипломатските билатерални односи.

„ОГРОМЕН чекор напред денеска! Историски мировен договор меѓу нашите две земји пријатели, Израел и Обединетите Арапски Емирати!“, напиша американскиот претседател.

HUGE breakthrough today! Historic Peace Agreement between our two GREAT friends, Israel and the United Arab Emirates!

— Donald J. Trump (@realDonaldTrump) August 13, 2020

Мировниот договор, како што пишува Трамп, е прифатен од страна на израелскиот премиер Нетанјаху и Мохамед бин Зајед, престолонаследник на Абу Даби.

Израел, на барање на Трамп, се согласил да ги прекине плановите за зафаќање на повеќе области на палестинските територии. Наместо тоа, државата во иднина ќе треба да се фокусира на „проширување на односите со другите држави од арапскиот и муслиманскиот свет“, се вели во заедничката изјава објавена од тројцата претставници.

This peace deal unites two of America's closest and most capable partners in the region. pic.twitter.com/7NlkyBjzix

— The White House (@WhiteHouse) August 13, 2020

Со договорот се овозможува муслиманите да имаат поголем пристап до џамијата Ал Акса во Стариот град Ерусалим, како и можност за отварање на летови од Абу Даби кон Тел Авив, но исто така, двете држави ќе треба ја прошират и забрзаат соработката во лекувањето и развојот на вакцината против Ковид-19.