Свет
И малолетниците перат пари
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-8652.jpeg)
Малолетниците во Македонија лани извршиле 1.132 тешки кражби, 567 обични кражби, 137 разбојништва со насилство, 24 дела со нанесување тешки телесни повреди, учествувале во тепачки, во убиства, во трговија со дрога, па дури и во перење пари
ПОЛИЦИЈАТА ОТКРИВА:
Малолетниците во Македонија лани извршиле 1.132 тешки кражби, 567 обични кражби, 137 разбојништва со насилство, 24 дела со нанесување тешки телесни повреди, учествувале во тепачки, во убиства, во трговија со дрога, па дури и во перење пари
Од вкупниот број кривични дела направени лани во Македонија, дури 2.399 ги извршиле малолетници од кои 652 дела ги извршиле деца под 14 години . Тоа според полициската статистика, тоа е 11 проценти од сите сторени криминални акти. За тие дела кривично се товарат 1.451 малолетник.
Според полициската статистика, поголем дел од осомничените и обвинетите малолетни деликвенти се регистрирани како сторители на по неколку дела. Поради тоа полицијата констатира дека меѓу главните карактеристики на малолетничкиот криминал е повторување на криминалното дело.
Малолетниците во Македонија лани извршиле 1.132 тешки кражби во станови, куќи, автомобили, дуќани и училишта. Извршиле и 567 обични кражби, 137 разбојништва со насилство, 24 дела со нанесување тешки телесни повреди, учества во тепачки и три убиства.
Во областа на организираниот криминал учинокот на малолетниците во 2005 е 49 случаи на фалсификување пари, една изнуда и едно перење пари, а во доменот на нелегална трговија малолетници биле фатени во трговија со дрога, овозможувале употреба на наркотици и илегално поседувале оружје и распрскувачки материи.
Лани малолетниците учествувале или поттикнале над 600 тепачки за што биле пријавени над 20.000 лица.
Од вкупно регистрираните 2.399 дела, околу 96 проценти или 2.310 дела се од областа на класичниот криминал, околу два проценти или 51 дело се од доменот на организираниот криминал, а останатите се третирани како недозволена трговија и економски криминал. Најбројни се делата од областа на имотните деликти, потоа загрозување на безбедноста во сообраќајот, нарушување на јавниот ред и мир и дела против половата слобода.
Најголем дел од кривичните дела биле извршени во Скопје, вкупно 1.112. Потоа следуваат Битола со 259 случаи, Куманово со 122 случаи, Штип со 115, Тетово со 97, Кочани со 80 дела и Гостивар со 77 регистрирани дела чии извршители се малолетници.
Малолетниците лани освен тоа што учествувале во криминалот, во голема мера биле и жртви на криминалот. Лани се регистрирани 53 полови напади врз дете, од кои во 38 случаи жртви биле женски, а 15 машки. (Е.З.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.