Свет
Пратениците се закануваат со штрајк
Гневни реакции во парламентот по укинувањето на нивните привилегии
Гневни реакции во парламентот по укинувањето на нивните привилегии
Одлуката на Уставниот суд за укинување на спорните одредби од Законот за пратеници кои им овозможуваа бенефициран стаж, пензии во висина 80 отсто од платата и дневници за собраниските и за комисиските седници предизвика гневни реакции во парламентот, а некои парламентарци толку се разлутија што "ги повикаа нивните колеги на штрајк, бидејќи од 5 јули ќе биле во стечај!" Пратениците го критикуваа судот дека "донел политичка и предизборна популистичка одлука", а кон ваквото мислење се приклучи и претседателот на Собранието, Љупчо Јордановски. Некои парламентарци најавија дека ќе бараат и "укинување на привилегиите на шефот на државата", бидејќи сега тој се одделувал од другите граѓани. Од одлуката на уставните судии беа задоволни само пратениците од ВМРО-ДПМНЕ, кои го поздравија нивниот потег. Со Законот за пратеници, кој се однесува и на претходните парламентарни состави, предвидено е дека парламентарците може да одат во пензија со 25 години стаж и 55 години старост за мажи, 52 години за жени и со две години поминати во парламентарните клупи. Пензијата е димензионирана на 80 отсто од платата (43.600 денари), односно околу 36.000 денари, или 600 евра
ОЛИВЕРА ВОЈНОВСКА
Одлуката на Уставниот суд за укинување на спорните одредби од Законот за пратеници кои им овозможуваа бенефициран стаж, пензии во висина 80 отсто од платата и дневници за собраниските и за комисиските седници предизвика гневни реакции во парламентот, а некои парламентарци толку се разлутија што „ги повикаа нивните колеги на штрајк, бидејќи од 5 јули ќе биле во стечај!"
Пратениците го критикуваа судот дека „донел политичка и предизборна популистичка одлука", а кон ваквото мислење се приклучи и претседателот на Собранието, Љупчо Јордановски. Некои парламентарци најавија дека ќе бараат и „укинување на привилегиите на шефот на државата", бидејќи сега тој се одделувал од другите граѓани. Од одлуката на уставните судии беа задоволни само пратениците од ВМРО-ДПМНЕ, кои го поздравија нивниот потег.
Со Законот за пратеници, кој се однесува и на претходните парламентарни состави, предвидено е дека парламентарците може да одат во пензија со 25 години стаж и 55 години старост за мажи, 52 години за жени и со две години поминати во парламентарните клупи. Пензијата е димензионирана на 80 отсто од платата (43.600 денари), односно околу 36.000 денари, или 600 евра. Пратениците велат дека ова право досега не го искористил ниту еден нивни колега.
Најреволтиран од сите пратеници изгледаше Слободан Чашуле од ВМРО-Народна, кој потенцираше дека одлуката не го погодува лично, бидејќи пензија ќе зема по друга основа, но се солидаризира со другите колеги. „Денеска ќе прогласиме генерален штрајк во Собранието поради немање услови за работа и затоа што сметаме дека сме деградирани, а со прогласувањето на изборите сме ставени во ситуација да бидеме стечајци. Бидејќи елементарната сигурност на пратениците се смета за привилегија, ако се согласат и другите колеги, ќе штрајкуваме. Ја повикувам госпоѓата Ингилизова, која решаваше не според Уставот, туку според оној дел од јавноста кој манипулира со социјалниот карактер на пратениците, да дојде да ја избере ДИК", рече Чашуле.
Пратеникот Жарко Караџоски вели дека „со ваквите одлуки, не само за Законот за пратеници туку и за откупот на затворската казна се потврдува дека Уставниот суд не ја познава уставната материја и работи под политички притисок и популистички. Според неговото толкување, пратениците се ставаат во повисока категорија од другите граѓани. Сега по аналогија очекувам да биде укинат и Законот за претседател, бидејќи и претседателот на државата е нееднаков со другите граѓани. Ако тоа не го направи судот, ќе го направиме ние, ќе поднесеме иницијатива за негово укинување" .
И координаторот на пратеничката група на СДСМ, Јани Макрадули, смета дека потегот на Уставниот суд е популистички. „Популизмот и политиката влегоа и во Уставниот суд. Во Законот за пензиско осигурување постои член кој вели дека сите избрани функционери одат во пензија со посебен закон. Уставниот суд треба да ја цени уставноста на законот, не е повикан да ја цени социјалната ситуација во државава", вели Макрадули.
Пратеничката Ганка Самоиловска-Цветанова, која заедно со нејзиниот партиски колега Ефтим Манев, наспроти партискиот став на ВМРО-ДПМНЕ, гласаше за Законот, и натаму смета дека пратениците треба да имаат некакви бенефиции. „Пратениците се најекспонирани на политичката сцена, најжешките политички прашања се решаваат токму во Собранието, особено во овој период низ кој поминува државата, така што треба да имаат одредени привилегии", вели таа. Пратеникот Исмет Рамадани од ПДП се надева дека „одлуката на Уставниот суд не е мотивирана од некои други намери". Тој напомнува дека треба да има законска рамка која ќе го дефинира статусот на пратеникот и по завршувањето на мандатот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Планот на Трамп да стави крај на војната во Украина наскоро ќе биде откриен, познати се првите детали
Блумберг објави дека Кит Келог, специјалниот пратеник на американскиот претседател за Украина и Русија, потврдил дека следната недела во Минхен ќе го претстави планот на Трамп за мир во Украина. Келог ќе учествува на безбедносна конференција во Германија и таму ќе ги претстави главните точки на предлогот.
Во објава на социјалните мрежи во вторникот, Келог напиша дека целта на Трамп да стави крај на крвавата и скапа војна во Украина ќе биде тема во Минхен. Тој додаде дека таму ќе се сретне со американските сојузници кои се подготвени да соработуваат со нив.
Pleased to announce my participation @MunSecConf 2025. As @POTUS's Special Envoy for Russia & Ukraine, I look forward to speaking about @realdonaldtrump's goal to end the bloody and costly war in Ukraine. I’ll meet with America’s allies who are ready to work with us. #MSC2025 pic.twitter.com/GLUhgI46H7
— Gen. Keith Kellogg (@SPE_Kellogg) February 4, 2025
За време на неговата претседателска кампања, Трамп вети дека ќе стави крај на руско-украинската војна „во рок од 24 часа“ по преземањето на функцијата, или дури и пред да стане претседател. Поминаа речиси три недели откако положи заклетва како 47-ми претседател на САД.
Конференцијата во Минхен ќе се одржи од 14 до 16 февруари, а потоа се очекува да бидат објавени и детали за планот на Трамп, пишува Блумберг.
Според Радио Слободна Европа, планот на Трамп би можел да вклучи замрзнување на конфликтот и оставање на териториите окупирани од Русија „во неизвесност“, додека Украина ќе добие безбедносни гаранции. Но, не е јасно како би изгледале тие гаранции.
Украинскиот претседател Володимир Зеленски во вчерашното видео обраќање рече дека неговата администрација во последните денови ги интензивирала контактите со Вашингтон во врска со можните мировни преговори.
We continue working on sanctions against Russia, targeting those who help finance its war against Ukraine. Today, I discussed this with the UK Foreign Secretary during his visit to Ukraine.
It is crucial to keep pressuring Putin’s shadow tanker fleet, which moves oil around the… pic.twitter.com/hLr2AMPTqx
— Volodymyr Zelenskyy / Володимир Зеленський (@ZelenskyyUa) February 5, 2025
„Имаме значително интензивирана комуникација со американската администрација. Имаме и многу интензивни разговори со другите партнери. На Украина и треба вистински, траен и гарантиран мир и средства за да се осигура дека Русија секогаш знае што ги чека оние што сакаат да и нанесат штета на Украина. Отворени сме за силна дипломатија и сега подготвуваме токму таква дипломатија. И за ова ни е потребна издржливоста на нашите војници, ефикасноста на нашата армија и нејзината модернизација“, рече Зеленски.
Европа
(Видео) Русите преку ноќ уништија еден од најголемите пазари во Европа
Руската војска доцна синоќа изврши напад со беспилотни летала на голем пазар во киевскиот кварт во Харков.
„Нападот беше насочен кон еден од најголемите пазари во Харков, лоциран во областа Киевски, во близина на транспортната инфраструктура. Продавниците се во пламен. Засега нема информации за жртви“, објави градоначалникот на Харков, Ихор Терехов на Телеграм.
Overnight, Russian drones destroyed Barabashovo Market in Kharkiv — one of the largest in Ukraine and Europe.
With casualties still being ascertained, countless trading pavilions have been reduced to ruins. pic.twitter.com/vuc3qQNh8L
— KyivPost (@KyivPost) February 6, 2025
Олех Синјехубов, шеф на воената управа на Харковската област, рече дека остатоци од дрон Шехид паднале врз продавниците на пазарот.
Пазарот Барабашов беше најголемиот пазар во источна Украина и 14-ти најголем пазар во светот. На 75 хектари посетителите можеа да најдат сè, од облека, електроника и покуќнина до свеж зеленчук, храна и земјоделски производи.
Tragedy in #Kharkiv: The ‘Barabashovo’ Market Destroyed 🤬🤬🤬🤬🤬
One of the largest markets in Ukraine and Europe has been reduced to ruins.
Rows of shops and dozens of pavilions were engulfed in flames. The third video captures the moment of the drone strike. pic.twitter.com/biUITvseQ1
— Aurora Borealis 🤫 (@aborealis940) February 6, 2025
Пазарот привлекува купувачи од Украина и од соседните земји поради големиот избор и пристапните цени.
Русите од почетокот на војната неколку пати го нападнаа пазарот. Во првите неколку месеци од инвазијата, беше гранатиран најмалку три пати. Големи делови од пазарот беа уништени, но трговците секој пат се враќаа.
Свет
Америка: Панама попушта со нашите бродови; Панама: Тоа е лага
Американскиот Стејт департмент вчера објави дека бродовите на американската влада сега можат да минуваат низ Панамскиот канал без надомест. „Владата на Панама се согласи повеќе да не наплаќа такси од бродовите на американската влада за транзит низ Панамскиот канал“, објави Стејт департментот на Икс.
U.S. government vessels can now transit the Panama Canal without charge fees, saving the U.S. government millions of dollars a year. pic.twitter.com/G4gV2mHu7O
— Department of State (@StateDept) February 6, 2025
Договорот, наводно, ќе и заштеди на американската влада милиони долари секоја година. Управата на Панамскиот канал не одговори веднаш на барањето за коментар. Американскиот државен секретар Марко Рубио се сретна со панамскиот претседател Хозе Раул Мулино пред четири дена за време на патувањето во Централна Америка.
Американскиот претседател Доналд Трамп ја обвини централноамериканската земја дека наплатува високи цени за користење на нејзиниот премин.
„Доколку не се почитуваат принципите, морални и правни, на овој великодушен гест на отстапка, тогаш ќе бараме Панамскиот канал да ни биде вратен во целост и без прашање“, рече Трамп минатиот месец.
Мулино ја отфрли заканата на Трамп дека САД повторно ќе ја преземат контролата врз каналот, кој во голема мера го изградија. Областа под управа на САД го опкружуваше преминот со децении.
САД и Панама потпишаа неколку договори во 1977 година кои го отворија патот каналот да се врати под целосна панамска контрола. САД го предадоа во 1999 година по период на заедничка администрација.
Управата на Панамскиот канал ја негира најавата на Стејт департментот и вели дека нема да дозволи на бродовите на американската влада слободно да минуваат низ меѓуокеанскиот воден пат.
#UPDATE The Panama Canal Authority denies it will allow US government vessels to transit the interoceanic waterway for free, as the US State Department announced earlier.
"The Panama Canal Authority, which is empowered to set tolls and other fees for transiting the canal,…
— AFP News Agency (@AFP) February 6, 2025
„Управата на Панамскиот канал, која има овластување да одредува патарини и други такси за минување низ каналот, известува дека не направила никакви прилагодувања на овие такси“, се вели во соопштението на агенцијата.
(Видео) Русите преку ноќ уништија еден од најголемите пазари во Европа
Руската војска доцна синоќа изврши напад со беспилотни летала на голем пазар во киевскиот кварт во Харков. „Нападот беше насочен...
Америка: Панама попушта со нашите бродови; Панама: Тоа е лага
Американскиот Стејт департмент вчера објави дека бродовите на американската влада сега можат да минуваат низ Панамскиот канал без надомест. „Владата...
(Видео) Црвената плажа повеќе не постои по големото лизгање на земјиштето: земјотресите го менуваат изгледот на Санторини
Серијата земјотреси кои го потресуваат архипелагот Додеканези трајно го менуваат изгледот на Санторини, еден од најубавите острови во Грција, кој...
(Видео) Се урна хеликоптер во Италија: познат бизнисмен меѓу загинатите
Во хеликоптерска несреќа во близина на Парма во северна Италија вчера загинаа три лица, меѓу кои и директорот на компанијата...
(Видео) Трамп, опкружен со деца, потпиша забрана за трансродовите жени во женскиот спорт
Американскиот претседател Доналд Трамп потпиша извршна наредба за забрана на трансродовите жени да се натпреваруваат во женски спортови. Регулативата содржи...
Кривичниот суд за случајот со Фросина: Јавноста да не подлегнува на провокации и шпекулации, како и стигматизирање и линч на еден судија
Судиите и подружницата на Здружението на судиите на РСМ при Основниот кривичен суд Скопје изразува длабоко жалење за загубениот млад...
Кривична за поранешниот директор на СОЗР за поткуп, фалсификување, проневера: Финансиската полиција со детали
Управата за финансиска полиција до Основното јавно обвинителство Скопје поднесе кривична пријава против едно физичко лице, поранешен директор на Службата...
Судскиот совет ќе формира комисија за постапките што се воделе против Јованов, кој ја прегази Фросина: „По увидот во сите списи, ќе кажеме дали има пропуст“
Судскиот совет ќе формира комисија, која ќе утврдува дали имало пропусти во претходните постапки што се воделе против 20-годишникот Васил Јованов,...
Денес во 16.30 часот тргнува првиот воз од Скопје за Куманово, ќе се патува 41 минута
Скопје и Куманово, по две и пол години прекин, повторно ќе бидат железнички поврзани. Министерот за транспорт и врски Александар...
Акција во МВР: се истражува Одделот за општи и заеднички работи
МВР со потврда дека се спроведува полициска акција поврзана со работењето на Одделот за општи и заеднички работи во ова...
Претрес во домот на поранешниот директор на СОЗР, се обезбедуваат докази за поткуп и проневера
Основното јавно обвинителство Скопје заедно со Управата за финансиска полиција презема дејства за обезбедување докази во предмет за кривични дела...
Фросина била прегазена заедно со нејзиното куче Аја, кое било пронајдено под автомобилот на Васил
Здружението од Кавадарци, „Лина – спаси живот, добиј живот, помогни им на животните“, на социјалните мрежи објави статус во кој...
В сабота протест во Неготино за правда на Фросина: „Стоп за сообраќајното насилство“
Протестен марш под мотото „Стоп за сообраќајното насилство“ ќе се одржи в сабота во Неготино, објавија организаторите на настанот на...
„Тој сѐ уште не е правосилно осуден, и да добил затвор, ништо немало да се промени“, вели професорот Калајџиев
Професорот по кривично право, Гордан Калајџиев, на социјалните мрежи ја коментираш тезата дека сообраќајната несреќа во која смртно беше прегазена...
Австралискиот премиер: Остануваме посветени на решение со две држави
Австралискиот премиер Ентони Албанез ја повтори „долгогодишната“ поддршка на неговата земја за решение за две држави на Блискиот Исток, по...
Пристигна првата реакција на Хамас откога Трамп рече дека САД сакаат да го преземат Појасот Газа
Официјалниот претставник на Хамас, Сами Абу Зухри, изјавите на Доналд Трамп за преземање на Појасот Газа ги опиша како „смешни“...
Американската војска почна да транспортира мигранти во Гвантанамо, објавени фотографии
Првиот американски воен авион со приведени мигранти полета синоќа за заливот Гвантанамо, соопштија американски официјални лица, додека администрацијата на претседателот...
Трамп: САД сакаат да го преземат Појасот Газа
Американскиот претседател Доналд Трамп изјави дека САД ќе го преземат разурнатиот од војна Појасот Газа и ќе го развијат економски...
(Видео) Зеленски го изнесе главниот услов за преговори за крајот на војната
Украинскиот претседател Володимир Зеленски изјави дека Украина ќе биде подготвена да се вклучи во преговори за ставање крај на нејзината...
(Видео) Мицкоски: Нови 15 милијарди денари капитални инвестиции за општините, историски најголема инвестиција
Денеска, на редовна седница на Владата практично почнавме со постапката за објавување на вториот повик преку Министерството за локална самоуправа,...
