Свет
Транснационален одговор на „криминалците без граници"
Потпишан Меморандум за разбирање за воспоставување регионална обвинителска мрежа
Потпишан Меморандум за разбирање за воспоставување регионална обвинителска мрежа
Потписниците на документот се обврзуваат тесно да соработуваат во потиснувањето, истражувањето и судското гонење на извршителите на организираниот криминал, криминалните групи и криминалните здруженија
Гордана Дувњак
Земјите од регионот се упатени едни на други на соработка, бидејќи се немоќни сами да се справат со криминалот. Македонија, Хрватска, Босна и Херцеговина, Албанија, Црна Гора и Србија вчера во Скопје во рамките на тркалезната маса †Регионална мерка против организираниот криминал – воспоставување обвинителска мрежааи, потпишаа Меморандум за разбирање за воспоставување обвинителска мрежа. Преку Меморандумот, чија подготовка почна во текот на минатата година по иницијатива на Канцеларијата на македонскиот јавен обвинител, потписниците се обврзуваат тесно да соработуваат во потиснувањето, истражувањето и судското гонење на извршителите на организираниот криминал, криминалните групи и криминалните здруженија.
Претседателот на Македонија, Бранко Црвенковски, обраќајќи се на тркалезната маса истакна дека организираниот криминал е една од најголемите и најсериозни закани за секоја држава, за нејзината стабилност и развој.
Повеќе од кога било, денес носителите на организираниот криминал станаа ‘криминалци без граници’, чии активности се поврзани и се протегаат на просторот на повеќе земји и со тоа се во надлежност на институциите во рамките на повеќе правни системиии, нагласи Црвенковски, додавајќи дека токму затоа организираниот криминал бара интегриран, концентриран и координиран транснационален одговор. Македонскиот претседател потенцира дека во спречувањето на организираниот криминал институцијата јавно обвинителство е исклучително важна.
За државниот јавен обвинител на Македонија, Александар Прчевски, потпишувањето на Меморандумот е еден од највисоките приоритети на државата и на Обвинителството како орган кој има активна улога во спречувањето на криминалот.
Меморандумот е битен затоа што во иднина ќе имаме можности непосредно да комуницираме директно со земјите од Западен Балкан, притоа брзо и ефикасно да разменуваме информации за конкретни активности, конкретни дела и сторители, за материјалните или вербални докази кои ќе треба да се обезбедуваат во преткривична постапка и да формираме јавнообвинителска одлукааи, рече македонскиот јавен обвинител.
Шефот на делегацијата на Европската комисија во Скопје, Донато Кјарини, нагласи дека потпишувањето на Меморандумот за разбирање за регионална соработка на обвинителите против организираниот криминал е почеток на тешки времиња за сите нас. Кјарини подвлече дека секоја земја треба да постигне целосна имплементација на законите во однос на организираниот криминал и да ги зајакне своите капацитети во регионалната соработка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во германски супермаркети пронајдени речиси сто килограми кокаин
Пратки со банани од Јужна Америка во кои имало вкупно 95 килограми кокаин, случајно завршиле во многу филијали на супермаркети во Западна Германија.
Според обвинителството, дрога била пронајдена во единаесет продавници, пренесува германската медиумска групација RND.
Вредноста на запленетата материја на црниот пазар се проценува на повеќе од седум милиони евра.
Инспекторите веруваат дека погрешната пратка била доставена до централниот магацин и оттаму преку нормалниот дистрибутивен ланец била транспортирана до поединечни продавници.
Надлежните се уште истражуваат од каде точно е запленетиот кокаин.
Според досега достапните информации и објави од полицијата, пратката со банани пристигнала на пристаништето во Антверпен по морски пат. Оттаму, стоката што содржела дрога најверојатно по грешка била испратена во продавниците.
Пратката со дрога во кутии со овошје била откриена пред две недели од вработени во две продавници во Менхенгладбах и пријавиле во полиција.
Подоцна во текот на истрагата било откриено дека истиот ден кутии со кокаин биле пронајдени и во продавниците на тој трговски синџир во Дуизбург, Крефелд и општините Вирзен, Хајнцберг и Нојс во Рајнската област.
Свет
(Видео) Силен дожд и поплави во Англија: наставата е откажана, многу патишта се непроодни
Обилни врнежи и поплави погодија делови од Англија и Велс предизвикувајќи прекин на сообраќајот и материјална штета.
Патишта и куќи се поплавени во централна и јужна Англија, а во некои области во текот на ноќта врнеше дожд како за еден месец, пренесуваат локални медиуми.
Footage of the flooding yesterday in Dunstable
📌 Bedfordshire | England 🏴 #floods #flooding #England #Dunstable
🎥 : @chrisrich88 pic.twitter.com/mvGKgMZ7fY— DISASTER TRACKER (@DisasterTrackHQ) September 23, 2024
На фудбалскиот терен на АФЦ Вимблдон во Лондон се појавила дупка, а итните служби примиле 350 повици поврзани со поплави.
Extensive flooding caused what looked like a 'golf course' on the pitch at the Cherry Red Records Stadium.
📌 London | England 🏴 #CarabaoCup #AFCWimbledon #Newcastle pic.twitter.com/p8ZFzowmaP
— DISASTER TRACKER (@DisasterTrackHQ) September 23, 2024
Локалните власти соопштија дека сите служби за итни случаи работат што е можно побрзо и дека ранливите луѓе се приоритет. Долгите врнежи од дожд се очекува да продолжат и во текот на утрешниот ден, што може да зафатат делови од Шкотска.
Жолто предупредување за дожд е во сила во поголемиот дел од Англија до крајот на денот, со исклучок на крајниот југозапад и делови од северна Англија и источен Велс. Заедно со врнежите најавен е и значително опаѓање на температурата, која поради северниот ветер ќе биде пониска од просечната за овој период од годината.
Десетици училишта низ Бедфордшир, Нортхемптоншир и Питерборо беа затворени во текот на денот. Некои најавија дека очекуваат утре повторно да можат да одржат настава. Но, се уште нема потврда за тоа, според написите на тамошните медиуми.
Многу патишта се сè уште непроодни, а од утрово не функционираат и некои железнички линии.
Свет
Нетанјаху: „Пред нас се сложени денови“
Израелскиот премиер Бенјамин Нетанјаху во изјава за израелската јавност се осврна на неодамнешните настани на северната граница со Либан.
Според написите на локалните медиуми, по проценката на ситуацијата во воениот штаб во Тел Авив, Нетанјаху изјавил:
– За оние кои сè уште не разбираат, сакам да ја разјаснам политиката на Израел – не чекаме закана, туку ја спречуваме. Секаде, на кој било фронт, во секое време. Ги елиминираме нивните високи личности, ги елиминираме терористите, ги елиминираме проектилите – и не запираме, рече Нетанјаху.
– Кој ќе се обиде да ни наштети, ние го удираме уште посилно. Ветив дека ќе го промениме безбедносниот баланс, односот на силите на север – и тоа го правиме. Ние уништуваме илјадници проектили и ракети насочени кон Израел, кон градови и граѓани. Пред нас се сложени денови. Барам две работи од вас, граѓани на Израел: прво, следете ги упатствата на командата на домашната стража, бидејќи тоа спасува животи, и второ, застанете заедно со решителност, одговорност и, се разбира, трпение, рече Нетанјаху, пренесуваат медиумите во регионот.