Свет
Струјата за „Силмак“ ни топи по 20 милиони евра
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-3406.jpeg)
Привилегираната цена на струјата што Владата му ја даде на „Силмак“ им јаде на граѓаните околу 22 милиони евра годишно.
ГРАЃАНИТЕ ОД СВОЈ ЏЕБ ЈА ПЛАЌААТ РАБОТАТА НА КОМБИНАТОТ ВО ЈЕГУНОВЦЕ
Привилегираната цена на струјата што Владата му ја даде на „Силмак“ им јаде на граѓаните околу 22 милиони евра годишно. Според енергетичарите, апсурдно е енергенсот за чиј увоз државата плаќа 55 евра по мегаватчас, на приватни компании да им го продава речиси тројно поевтино. Според груба пресметка, само годинава поранешниот „Југохром“ бара државата да му обезбеди околу 700 мегаватчаса електрична енергија. Ако се знае дека во наредните 12 месеци македонскиот електропреносен оператор МЕПСО ќе купува увозна струја за просечна цена од 55 евра по мегаватчас, тогаш лесно се пресметува бенефитот за „Силмак“. Разликата во цената, се разбира, ја плаќаат домашните потрошувачи. – Комбинатот ќе плаќа просечна цена од 22 евра за мегаватчас, а остатокот до 55 евра (од просечната цена на енергијата од увоз) што се множи со количествата што ги бара „Силмак“. Така се добива минус за државното салдо кој тежи 21 милиони евра – велат од „Електрани на Македонија“. Не се знае точно кој колку троши од увезената струја, но секогаш се земаат за репер количествата што државата ги набавува од увоз, бидејќи Македонија за огромни суми купува околу 30 отсто од годишните потреби. Токму тој процент (2,8 терават/часа) го побаруваат производителите од рангот на „Силмак“, „Фени“, „Макстил“ и уште седум капацитети од категоријата големи потрошувачи.
Од Владата неофицијално се правдаат дека капацитетот за феросилициум инвестирал во енергетска ефикасност и тоа било една од причините Јегуновце да добие евтина струја. Тоа не е доволно цврст аргумент за домашни енергетичари, бидејќи енергетска ефикасност подразбира подомаќинско трошење на струјата. Како што објаснува Владата, произлегува дека ем „Силмак“ разумно ја користи струјата, ем ја плаќа екстра поволно. – За сметка на бенефитот за приватниците, државата преку џебот на граѓаните ќе плаќа милионски суми. Од „Силмак“ лебот го вадат околу 1.020 вработени. Кога комбинатот не би работел, социјалната издршка (околу 4.000 денари) за целиот персонал државата годишно би ја чинела околу 850.000 евра – велат аналитичарите.
Според експертите, нелогичен е селективниот пристап едни да добиваат привилегии, а други да плаќаат поскапо. – Катастрофално е тоа што во година кога државата купува струја од увоз за просечна цена од 55 евра за мегаватчас, на „Силмак“ и на „Фени“ ќе им ја наплаќа двојно поевтино – изјави Влатко Чингоски, претседател на Здружението на енергетичари (ЗЕМАК), вработен во „Електрани на Македонија“. Разликата во цената е на товар на граѓаните и на претпријатијата, а средствата ќе се слеваат во приватни џебови, во случајов, кај газдите на привилегираните комбинати, тврди Чингоски. И за Пеце Недановски, продекан на Економскиот факултет во Скопје, одлуката нема економска оправданост бидејќи разликата во цената ќе ја плаќаат сите други потрошувачи.
Големите потрошувачи се класификувани во групата на оние што трошат или планираат да потрошат над 20 гигавати струја годишно. Од почетокот на годинава тие требаше за потребните количества струја, неопходни за процесот на производството, да склучуваат нови договори со државниот електропреносен оператор МЕПСО и да плаќаат според пазарни тарифи.
Антикорупциската комисија најави дека ќе ја преиспита владината одлука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Од израелскиот затвор ослободени 55 Палестинци, меѓу кои и директорот на болницата Ал-Шифа
![](https://makfax.com.mk/wp-content/uploads/2024/07/vc.jpg)
Неименуван функционер на палестинското Министерство за здравство во окупираниот Појас Газа потврди дека Израел денеска ослободил 55 Палестинци од заробеништво, меѓу кои и Мохамед Абу Селми, директорот на главната болница Ал-Шифа.
Мохамед Абу Селмија беше уапсен во ноември 2023 година кога израелските сили извршија рација во болницата Ал-Шифа, според АП.
Во видео изјава емитувана на палестинските медиуми по неговото ослободување, Абу Селми ги обвини израелските власти дека ги подложуваат палестинските затвореници на „секојдневно физичко и психичко понижување“, но Израел веднаш ги отфрли таквите обвинувања.
Свет
Галант: Хамас не може да се опорави од израелските операции во Појасот Газа
![](https://makfax.com.mk/wp-content/uploads/2024/07/galant2.jpg)
Израелскиот министер за одбрана Јоав Галант за време на посетата на Рафа во јужниот дел на Појасот Газа изјави дека Хамас не може да се опорави од израелските операции кои го уништија оружјето и подземните тунели на палестинските милитантни групи.
Галант оцени дека Хамас повеќе нема средства да се вооружува, да се опреми, дека не може да донесе засилување, објави Тајмс оф Израел.
„Нивниот борбен дух е скршен и времето всушност работи против нив, а не за нив“, рече Галант.
Тој повтори дека целта на израелската операција во Појасот Газа е целосно уништување на Хамас.
Регион
Нов сведок во случајот со убиството на Данка: по 5 месеци во полиција изјавил дека џогирал покрај ѓубриштето во моментот кога осомничените го фрлале телото на девојчето
![](https://makfax.com.mk/wp-content/uploads/2024/04/danka-ubijci.jpg)
Во Вишото јавно обвинителство во Заечар за 5 јули е закажано сослушување нови сведоци во истрагата за убиството на Данка Илиќ од Бор, која како што се сомнева, ја убиле работниците на ЈКП „Водовод“ од Бор, Дејан Драгијевиќ и Срѓан Јанковиќ. Како што објави Нова.рс, сослушувањето на еден од нив е од големо значење за истрагата.
„Станува збор за двајца соседи од Бањско Поље, од кои не се очекува ништо пресудно. Но, маж од Бор, кој е трет сведок, контактирал со надлежните и рекол дека џогирал точно во моментот кога осомничените биле на буништето и наводно го фрлиле телото“, вели изворот и додава:
„Што точно видел, зошто дури сега се јави, ќе се знае во петок. Постои можност неговото сведочење да докаже дека навистина го фрлиле убиеното дете на ѓубриште…“
Инаку, осомничениот Дејан Драгијевиќ, кој на рочиштето во обвинителството по апсењето го призна делото и детално го опиша, побара обвинителството повторно да го сослуша.
Адвокатката Вања Живковиќ рече дека до денес не добила потврден или негативен одговор дали обвинителството ќе го прифати повторното испитување на нејзиниот клиент Дејан Драгијевиќ.
Инаку, Драгијевиќ во образложението зошто сака дополнително рочиште вели „за да се расветлат околностите и изнесените факти кои ги ставил на записник на рочиштето на 5 април 2024 година“.
За потсетување, осомничени за убиството на Данка Илиќ се Срѓан Јанковиќ од село Лука и Дејан Драгијевиќ од селото Злот кај Бор, кој го признал делото велејќи дека го удриле девојчето со возило на „Водовод“ Бор, по што со голи раце ја задавил. Тој откри и дека неговиот татко Радослав и сега починатиот брат Далибор му помогнале да го сокрие телото на девојчето, кој, неколку часа по апсењето почина во полициската управа Бор.