Свет
Двајца мртви, тројца ранети пред ноќен клуб
Кумановецот Горан Георгиевски-Мујо (36), кој се наоѓа на црната листа на САД, и неговиот пријател Ненад Вељковски-Чавка (24) се убиени, а тројца нивни пријатели се ранети, во вчерашната полноќна престрелка пред клубот “Линка”, во центарот на Куманово.
КРВАВА НОЌ ВО КУМАНОВО
Кумановецот Горан Георгиевски-Мујо (36), кој се наоѓа на црната листа на САД, и неговиот пријател Ненад Вељковски-Чавка (24) се убиени, а тројца нивни пријатели се ранети, во вчерашната полноќна престрелка пред клубот “Линка”, во центарот на Куманово. Убиството го извршил газдата на клубот Горан Стојковски-Линка, а мотив бил физички напад на Мујо врз најстариот син на Стојковски – Марко. По пукањето осомничениот за убиство избегал со својот автомобил.
Според очевидците, Георгиевски и Вељковски пристигнале пред ноќниот бар околу еден часот по полноќ со црн џип и го паркирале среде коловозот.
Тие биле заедно со Роберт И. (33), брачната двојка Марина (32) и Драган Илиќ (34) и со Љ.М. (24) и А.С. (24), сите од Куманово. Расправијата пред ноќниот клуб почнала кога Марко Стојковски (22) не му дозволил на Георгиевски со друштво да влезе во локалот. Георгиевски го фатил за врат младиот Марко и почнал да го дави.
За инцидентот бил известен таткото на Марко, Горан Стојковски. Тој веднаш дотрчал до нив и се обидел да го спаси синот, тегнејќи го Мујо за коса од зад грб. Но тој продолжил да го стега син му за вратот, по што Горан извадил пиштол и испукал осум куршуми во градите на Мујо. Пукањето продолжило, а дел од куршумите завршил во главата на Ненад и во брачната двојка.
Мујо починал на самото место, а Ненад на пат кон Медицинскиот центар во Куманово. Тешкоранетиот Роберт со повреда на главната артерија во левата натколеница итно бил префрлен во Ургентниот центар во Скопје, каде што се бори за живот. Брачниот пар Марина и Драган Илиќ по укажаната медицинска помош, по нивно барање биле пуштени на домашно лекување.
– Пукотницата ја избегнав за “влакно”. Само што излегов од локалот слушнав пукање и кога се свртев видов човек како паѓа – раскажува очевидец.
Началничката на службата за аналитика во кумановската полиција,
Даница Јовановска, информираше дека преземаат мерки за пронаоѓање и приведување на сопственикот на локалот, Горан Стојковски, осомничен за убиствата. Веднаш по пукотницата биле приведени неколку очевидци, кои по информативниот разговор биле ослободени. Полицијата во интерес на истрагата не информираше за други технички детали од крвавиот инцидент.
Кумановската чаршија шпекулира дека газдата Стојковски и Мујо се договориле тој да не влегува во ноќниот клуб “Линка”. Мујо до вчера го почитувал договорот.
Досега во Куманово имало неколку обиди за убиство на Горан Георгиевски-Мујо. Станува збор за инциденти во кафеаната “Црногорац” и во кафулето “Хациенда”, а под неговиот автомобил, паркиран пред неговата куќа, била подметната и експлозивна направа. Тој бил оженет и татко на две малолетни деца. Против Горан Георгиевски полицијата имала поднесено дваесетина кривични пријави, главно за насилства.
Горан Стојковски-Линка е вдовец, татко на три деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.