Свет
Уапсен Црногорец од бандата „Пинк Пантер“
На Кипар е уапсен 41-годишен црногорски државјанин кој е осомничен дека е припадник на организираната банда „Пинк Пантер“, која е одговорна за грабежи во јувелирници низ светот во вредности од стотина милиони евра
Интерпол издаде соопштение дека во содејство со кипарската полиција го уапсила Црногорецот Рифат Хаџиахметовиќ на аеродромот во Ларнака, уште на 18-ти март. Тој кај себе носел фалсификуван бугарски пасош со кој сакал да влезе во Кипар. Бандата „Пинк Пантер“ според сомневањето на Интерпол ја сочинуваат криминалци од балканските држави. Тие се главните осомничени за серијата големи грабежи во минатите десет години, чија главна одлика е несфатливата дрскост. Вкупната вредност на украдените скапоцени камења за кои е осомничена бандата е проценета на повеќе од 150 милиони долари. Уапсениот црногорски државјанин Хаџиахметовиќ е директно обвинет за учество во кражба изведена на шпанскиот остров Тенерифе минатата година. Кипарската полиција на Црногорецот му одредила мерка притвор до 31 март, кога во Шпанија ќе почне судскиот процес против Хаџиахметовиќ. Претставникот на Интерпол, Жан-Лук Лоботен изјавил дека Хаџиахметовиќ бил идентификуван според отисоците на прстите од архивите на меѓународната полиција, а бил задржан заради патување со лажен пасош. Дури подоцна бил потврден неговиот идентитет од потерницата на Интерпол.
Последниот голем грабеж на „Пинк Пантер“ во Париз извршен за помалку од минута
Последниот голем грабеж на „Пинк Пантер“ се случи на почетокот од декември минатата година. Тогаш полициски извори тврдеа дека четворицата ограбувачи биле мажи, иако двајца биле преправени како жени.Воружени со пиштоли, крадците влегле во продавницата Harry Winston`s на престижната париска Авени Монтењ и за помалку од минута целосно ја испразниле а потоа побегнале со мотори. Според информациите, украдените дијаманти чинат повеќе од 50 милиони евра. Сопствениците на јувелирницата распишаа награда од половина милион долари за информација која ќе помогне да се фатат ограбувачите.Полицијата ги прибрала сите снимки од безбедносните видеокамери во и околу јувелирницата, како и фотографиите што ги добиел од безбедносниот систем во Швајцарија кој е поврзан со ограбената продавница.Разбојниците ги присилиле работниците во дуќанот да им го дадат сиот изложен накит, а француската полиција информираше дека тие ги знаеле имињата на речиси сите од 15-мината вработени. Исто така, ограбуваччите знаеле и каде е точно смстен накитот кој во моментот небил изложен. Овие податоци сигурно им овозможиле да го извршат грабежот за помалку од минута.Интересен е и податокот дека истата париска јувелирница била ограбена точно пред една година. И во тој грабеж учествувале тројца мажи, а го украле само накитот кој бил сместен во главниот трезор чија вредност тогаш била проценета на 10 милиони евра. Синџирот на американската јувелирница Harry Winston`s е познат низ целиот свет, а во неговите продавници скапоцени камења купуваат членовите на кралските семјства. Честопати нејзиниот накит може да се забележи на филмските фествали како оној во Кан, како и на доделувањето на Оскар-ите. Најскапото парче накит кој фирмата кога и да е го продала е ијара своевремено специјално изработена за иранскиот шах.Еден од инспекторите на париската полиција тогаш навел дека ако навистина разбојниците потекнуваат од Русија или од Балканот, накитот најверојатно ќе биде разглобен на помали парчиња и потоа продаван на црниот источноевропски пазар на скапоцености.
За десет години 200 балканци извршиле стотина добро планирани грабежи
„Веруваме дека ограбувачите доаѓаат од некоја од државите од поранешна Југославија, токму затоа што тоа е ’ветена земја’ за криумчарње на дијаманти“, изјави во декември портпаролот на париската специјална полиција. Тој додал и дека нема никаква сомнежи дека грабежот го извеле искусни професионалци.Инаку, познато е дека криминалците од источна Европа, особено од регионот на поранешна Југославија со години делуваат во Франција. Нивното „работење“ во оваа западна држава е многу активно уште од времето на СФРЈ, кога покрај извршувањето криминални дела работеа и против националните дијаспори низ Франција под закрилата на разузнувачката служба КОС.Се претпоставува дека групата професионални ограбувачи наречена „Пинк Пантер“ според комичниот серијал, брои повеќе од 200 лица со потекло од поранешна Југославија. Интерпол смета дека со организирано дејствување бандата почнала од 1999 г. а била наречена со името на цртаниот јунак во 2004 г. Тогаш имено, британската полиција кај еден разбојник нашла ѓердан од сини дијаманти вредна 600 илјади евра сокриена во кутија од крема за лица, како и во филмот за комичниот ограбувач. Во десете години откако дејствува, се претпоставува дека бандата „Пинк Пантер“ извел повеќе од 90 добро планирани и изведени грабежи. Нејзини жртви главно се продавниците на скапоцености во центрите на светскито гламур, как ошто се Монако, Дубаи, Женева, Лондон, Токио итн. Исто така, бандата е осомничена дека таа во 2003 г. го извела најголемиот грабеж на јувелирница во историјата во беглискиот град Анверс, кога е украден наките чија цена е проценета на повеќе од 100 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кремљ ја коментира вербалната војна Трамп – Маск
Портпаролот на Кремљ, Дмитриј Песков, изјави дека се сомнева дека контроверзноста меѓу американскиот претседател Доналд Трамп и милијардерот Илон Маск ќе има какво било влијание врз решавањето на украинската криза.
Зборувајќи на прес-конференција во Москва, Песков одби да коментира за вербалните судири меѓу Трамп и Маск, опишувајќи ги како „внатрешна работа на Соединетите Американски Држави“.
„Претседателите на државите се истовремено вклучени во огромен број различни прашања, повеќе или помалку важни“, рече Песков, додавајќи дека „шефовите на државите имаат доволно време за сè“.
Тој, исто така, не се согласи со описот на војната во Украина од страна на Трамп како „детски борби“.
„За нас, ова е егзистенцијално прашање, прашање на нашите национални интереси, нашата безбедност, нашата иднина и иднината на нашите деца, иднината на нашата земја“, нагласи Песков.
Свет
Познат стартап пропаѓа: 700 Индијци се преправаа дека се вештачка интелигенција
Builder.ai, стартап со седиште во Лондон кој успеа да привлече глобални инвеститори и да достигне проценета вредност од 1,32 милијарди евра, банкротираше. Компанијата, поддржана од Microsoft и катарскиот суверен фонд за богатство Qatar Investment Authority, собра повеќе од 390 милиони евра од инвеститорите, пишува Windows Central.
Ветуваше дека ќе го револуционизира создавањето мобилни и веб апликации, правејќи го процесот „лесен како нарачување пица“.
Во центарот на тоа ветување беше виртуелен асистент наречен „Наташа“, кој требаше да користи напредни алгоритми на вештачка интелигенција за да изгради софтвер. Алатката, првично позната како Engineer.ai, беше лансирана во 2016 година. Со години, Builder.ai ја промовираше својата платформа како решение за вештачка интелигенција кое автономно дизајнира и програмира апликации со вртоглава брзина.
Сепак, како што откриваат извештаите и внатрешните истраги, реалноста беше драстично различна од тие амбициозни тврдења.
„Вештачката интелигенција“ всушност беа 700 програмери од Индија. Тие беа оние кои пишуваа код врз основа на барањата на клиентите, додека компанијата ја претстави таа човечка работа како резултат на напредни алгоритми за вештачка интелигенција.
Оваа измама не беше сосема непозната за некои блиски до компанијата. Уште во 2019 година, Wall Street Journal ги доведе во прашање тврдењата за вештачка интелигенција на Builder.ai, истакнувајќи ја нејзината голема зависност од човечки изведувачи. Неколку поранешни вработени ја опишаа компанијата како „сите инженери, без вештачка интелигенција“, истакнувајќи дека поголемиот дел од работата се извршува рачно во Индија.
Проблемите на Builder.ai не застанаа само на лажната вештачка интелигенција.
Внатрешната ревизија на почетокот на 2025 година откри сериозна финансиска манипулација, особено драстично преценување на приходите. Новиот извршен директор Манприт Ратија, кој ја презеде функцијата во февруари 2025 година откако основачот Сачин Дев Дугал поднесе оставка, го откри обемот на неправилностите. Компанијата ја намали својата проценка на приходите за 2024 година од 193 милиони евра на само 44 милиони евра, што е пад од 300%.
Блумберг откри дека Builder.ai наводно се вклучил во сомнителни финансиски практики со индискиот стартап VerSe, разменувајќи надуени фактури за вештачки да ги зголеми бројките на продажба помеѓу 2021 и 2024 година. VerSe силно ги негираше обвинувањата.
Кризата кулминираше во мај 2025 година кога еден од нејзините главни доверители, Viola Credit, заплени 32,5 милиони евра од сметките на Builder.ai откако стартапот не успеа да ги отплати своите кредити. Компанијата остана со само 4,4 милиони евра замрзнати средства, парализирајќи ги операциите во пет земји, вклучувајќи ги Велика Британија, САД, ОАЕ, Сингапур и Индија.
Builder.ai отпушти околу 1.000 вработени. Откривањето на технолошки измами и финансиски манипулации предизвика меѓународна истрага, вклучувајќи ја и канцеларијата на федералниот обвинител на САД, која побара финансиски извештаи и список на клиенти. Стартапот, исто така, остана со големи долгови кон своите технолошки партнери – 75 милиони долари кон Amazon и 26,4 милиони долари кон Microsoft за cloud услуги.
Во јавна изјава на LinkedIn, Builder.ai го призна својот неуспех.
„И покрај неуморните напори на нашиот сегашен тим и истражувањето на сите можни опции, компанијата не беше во можност да се опорави од историските предизвици и минатите одлуки кои значително ја оптоварија нејзината финансиска состојба.“
Компанијата поднесе барање за формална постапка за банкрот во сите земји каде што работи, вклучувајќи ги Индија, Велика Британија и САД.
Свет
(Видео) Снимки од рускиот напад врз Киев: Уништени згради и други објекти, илјадници цивили поминале часови во засолништа
Русија рано утрово започна масовен напад со беспилотни летала и ракети врз Киев и други делови од Украина. Се чини дека тоа е одмазда за историскиот украински воен напад врз руските воздухопловни бази претходно оваа недела.
Според украинскиот претседател, Володимир Зеленски, во нападите загинаа најмалку три лица, а 49 се повредени. Сите тројца загинати биле членови на државната служба за вонредни состојби на Украина.
Руското Министерство за одбрана потврди дека нападот бил одговор на она што го нарече „терористички акти на режимот во Киев“ и дека целите биле воени објекти. Во нападот биле користени „високопрецизни ракети со долг дострел од воздух, море и копно“, како и борбени беспилотни летала, соопшти Москва.
Нападот доаѓа само неколку дена откако Украина го изврши својот најголем напад со беспилотни летала врз четири руски воени бази, како дел од операцијата „Пајажина“. Според Киев, биле погодени околу 40 руски воени авиони, вклучувајќи 34 проценти од носачите на стратешки крстосувачки ракети.
Во операцијата, спроведена од безбедносната служба на СБУ, биле користени 117 беспилотни летала. Американските служби објавија дека биле погодени околу 20 авиони.
Зеленски рече дека во денешниот руски напад биле испукани повеќе од 40 ракети и повеќе од 400 дронови и предупреди дека бројот на жртви може да се зголеми.
Russia doesn`t change its stripes – another massive strike on cities and ordinary life. They targeted almost all of Ukraine – Volyn, Lviv, Ternopil, Kyiv, Sumy, Poltava, Khmelnytskyi, Cherkasy, and Chernihiv regions. Some of the missiles and drones were shot down. I thank our… pic.twitter.com/O1iemSp3s2
— Volodymyr Zelenskyy / Володимир Зеленський (@ZelenskyyUa) June 6, 2025
„Ова е моментот кога Америка, Европа и целиот свет можат заедно да ја запрат оваа војна со притисок врз Русија“, напиша Зеленски на платформата X.
Тој, исто така, додаде прикриена критика кон поранешниот американски претседател Доналд Трамп, кој се спротивставува на директниот притисок врз Москва:
„Ако некој не изврши притисок и ѝ даде на оваа војна повеќе време да одземе животи – тоа е соучесништво и одговорност. Мораме да дејствуваме решително“.
Киев беше во состојба на готовност за воздушни напади во текот на целото утро. Градоначалникот Виталиј Кличко рече дека четири лица се убиени во главниот град, а гранатирањето погодило станбени згради и го оштетило метро системот, предизвикувајќи прекини во сообраќајот.
Russia launched more than 400 drones and more than 40 missiles, including ballistic missiles, at Ukraine last night. The Russian attack killed 4 people and injured more than 40.
▪️ In Kyiv, 4 people were killed and 23 injured. Residential buildings, subway tracks, cars, and… https://t.co/fh60oMsTyv pic.twitter.com/XJoC59jyZB
— Anton Gerashchenko (@Gerashchenko_en) June 6, 2025
Илјадници цивили поминале часови во засолништа додека противвоздушниот оган и карактеристичните звуци на дронови одекнувале над градот.
Нападите ги погодија и Харков, Суми и регионот Луганск. Во регионот Тернопол, регионалниот воен командант Вјачеслав Негода рече дека тоа е „најмасовниот воздушен напад врз регионот досега“. Градоначалникот на Тернопол, Игор Полишчук, рече дека пет лица се повредени, а училишта, домови и државна институција се оштетени.
Во градот Луцк, локалните власти соопштија дека пет лица се повредени во напад со 15 беспилотни летала и шест ракети.
Невреме во Скопје: паднати дрвја, поплавени улици, заглавени возила кај „Мавровка“
Поплавени улици, паднати дрвја и пречки во сообраќајот во Скопје по денешното силно невреме проследено со пороен дожд, град и...
(Видео) Снимки од рускиот напад врз Киев: Уништени згради и други објекти, илјадници цивили поминале часови во засолништа
Русија рано утрово започна масовен напад со беспилотни летала и ракети врз Киев и други делови од Украина. Се чини дека...
Уапсен малолетникот кој избоде маж пред џамија во Студеничани
МВР го расчисти вчерашниот обид за убиство што се случи пред џамија во скопско Студеничани и го уапси осомничениот 16-годишник....
Огромен објект никнува во Охридската чаршија, секој прави што сака, алармира Охрид СОС
Чаршијата во Охрид го губи својот лик. Иако е дел од Старото градско јадро, за кое важи посебен закон, односно...
СДСМ нема да му се извини на Љутков: „Сѐ што објавивме е вистина“
Од СДСМ велат дека нема да му се извинат на министерот за култура, Зоран Љутков, затоа што, како што велат...
Николоски: Позицијата на Македонија станува афирмирана во Европа
Дали Извештајот за Македонија ќе се усвои оваа недела и следната во Европскиот Парламент не менува ништо. Ова се историски...
Трамп назначи 22-годишен градинар за шеф на канцеларијата за спречување на тероризам
Американскиот претседател, Доналд Трамп, назначи 22-годишник за раководител на главниот центар за спречување на тероризам на Министерството за внатрешна безбедност....
Русија го нападна Киев со ракети и дронови, погодени воз и станбени згради
Русија изврши интензивен ракетен и беспилотен напад врз украинскиот главен град Киев, во текот на ноќта, при што загинаа четири лица,...
Незапаметена кавга меѓу двајца најмоќни луѓе во светот: Трамп и Маск „војуваа“ на социјалните мрежи
Само десет минути по почетокот на средбата со германскиот канцелар Фридрих Мерц, американскиот претседател Доналд Трамп беше прашан за сè...
Гужва на граничните премини Богородица и Дојран
Сообраќајот на државните патишта се одвива непречено, по суви коловози, информира АМСМ. Интензитетот на сообраќај на патните правци надвор од...
Започнува 59. МТФ „Војдан Чернодрински“ во Прилеп
Со претставата „12“, во режија на Синиша Евтимов, на Македонскиот народен театар, вечерва во 20 часот во големата сала на...
Арсовска до Елмази: Ќе ти објаснам уште еднаш ама читање до 4 одделение се учи
Градоначалничката на Град Скопје, Данела Арсовска, му одговори на Мухамед Елмази од Влен, дека Градот нема надлежност во Сарај. „Мухамед...
Мисајловски на состанок на НАТО во Брисел: Единството на Алијансата е на највисоко ниво
Mинистерот Владо Мисајловски заедно со министрите за одбрана на сојузничките земји денеска во седиштето на НАТО во Брисел учествуваше на...
За патувањето во Јапонија се потрошени 3.485.080 денари за билети, сместување и дневници, велат од ВМРО-ДПМНЕ
Во интерес на јавноста најостро реагираме на целосно шпекулативните информации и невистинити тврдења дека министерот за култура Зоран Љутков потрошил...
12 повредени од пожарот во Кочани се на лекување во болница, еден е во тешка состојба, рече Клековски
Сашо Клековски од ФЗО на денешната панел-дискусија, „Кочани е нашиот приоритет“, се осврна на ситуацијата во моментот во однос на...
(Видео) Кузеска: Власта организирано ги штити виновниците за трагедијата во Кочани
Христијан Мицкоски, Панче Тошковски и Коцевски и натаму ги штитат полициските службеници кои имаат директна вина за најголемата трагедија во...
„Шоферот го унапредил во службеник, вработена во кабинетот ја поставил за претседател на Управен во Опера и Балет, зошто на Љутков му се дозволува аздисување“, прашува СДСМ
„СДСМ денеска алармира за сериозни злоупотреби и скандалозно однесување во Министерството за култура и туризам, под раководство на Зоран Љутков....
Арсовска: Наредбите за девалвации и напади од штабот на ВМРО се спроведуваат
Наредбите за девалвации и напади од штабот на ВМРО се спроведуваат, објави на социјалните мрежи градоначалничката на Скопје, Данела Арсовска....
СВР Скопје го расчисти убиството во обид од 1 јуни, поднесени кривични пријави против три лица
СВР Скопје – Единица за насилен криминал поднесе кривична пријава против Г.А.(33) од Скопје поради постоење основи на сомнение за...
Тројца осомничени за обид за убиство пред фитнес-клуб во Чаир
Јавен обвинител од Основното јавно обвинителство Скопје донесе Наредба за спроведување истражна постапка против три лица за кои постои сомнение...
