Свет
Во масовно убиство во САД убиени шест лица, од кои три се деца

По масакрите во Белгија, Франција и Германија, во центарот на масовните убиства и масакри повторно се враќаат САД. По вчерашиот масакр во старски дом во Северна Каролина, во понеделникот грозоморен чин се повтори во Санта Клара
На северот од сојузната држава Калифорнија, крај гратчето Санта Клара убиени се шест луше, од кои најмалку две се деца. Фил Кук, поручник на локалната полиција изјавил дека во недела навечер (по локално американско време) околу 8.30 часот добиле повик од сосед и отишле во куќа во елитниот дел од градот, ткн. Силиконската долина и таму затекнале пет мртви и две ранети лица. Убиени биле момче и девојче под 10-годишна восраст, два возрасни мажи и млада жена или тинејџерка. Една млада девојка е во болница подоцна им подлегнало на раните, а уште една жена е во критична состојба. Полцијата се’ уште не ги соопштила имињата, чекајќи и официјална идентификација на телата. Истражните органи изјавиле дека едно од двете возрасни лица е маж кој имал рана од огнено оружје која укажува на самоубиство.Според полициските извори, едно од преживеаните лица е млада жена или тинејџерка која се наоѓа во животна опасност. Кук изјавил дека на местото на несреќата биле најдени две куси пушки, како и дека сите показатели добиени од истрагата укажуваат на тоа дека станува збор за повеќекратно убиство и самоубиство во семесјтвото. Тој додал дека се’ уште се трага по индиции како и зошто се случил масакрот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.