Свет
Раст на производството на нафта во Бразил, Русија и САД
Додека членките на Организацијата на земјите извознички на нафта (ОПЕК) последните месеци спроведоа рекордно намалување на производството на енергенсот, производството во Бразил, Русија и САД се зголемува, со што е спречено драстично поскапување на „црното злато“.
ОПЕК го редуцира производството во согласност со трите одлуки за намалување на производната квотата за 4,2 милиони барели на ден или за 14 отсто, а дневниот извозот на нафта на земјите кои не се членки на картелот во јануари пораснал за вкупно 670.000 барели.Така, Русија во февруари забележала раст на извозот од 6,3, а во март од 2,2 отсто, додека бразилскиот извоз во текот на овие два месеци е двојно зголемен.Американското Министерство за енергетика соопшти дека САД во јануари забележале пад на дневниот увоз на нафта за 148.000 барели, но во исто време производството на енергенсот во земјата е зголемено за 153.000 барели.На овој начин на американскиот пазар се појавува зголемено кличество на нафта, во услови кога поради економската криза, потрошувачката на енергенсот во САД се намалува веќе втора година по ред.Според официјалните во претходните четири недели заклучно со 3 април потрошувачката на нафта во САД изнесувала просечно 18,9 милиони барели на ден, што е за 4,4 отсто помалку во однос на истиот период лани и е најниско ниво од октомври 2008 година.Според податоците на американското Министерство за енергетика, дневниот увозот на нафта во САД од земјите на ОПЕК во јануари се намалил за 818.000 барели или 14 отсто на 5,02 милиони барели, додека во исто време увозот од Бразил е зголемен за повеќе од двојно на 397.000 барели, а од Русија за дури десет пати на 157.000 барели.„ОПЕК засега успева да ја одржи цената на нафтата на околу 50 долари за барел, но ќе мора да пристапи кон ново големо намалување на производството, доколку сака енергенсот да поскапи, смета потпретседателот на њјујоршката фирма „МФ Глобал“, Џон Килдер.Тој очекува картелот сега да почне почесто да ги повикува останатите извознички на нафта за соработка и намалување на производството.Алжирскиот министер за енергетика Шакиб Халил, кој во 2008 година беше претседател на ОПЕК, изјави дека е разочаран што Русија не го намали производството за да го поддржи поскапувањето на нафтата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Внатрешната контрола на полицијата бара суспензија на тројцата полицајци кои го испрашуваа Драгијевиќ
Смртта на Далибор Драгијевиќ, братот на осомничениот за убиството на девојчето Данка Илиќ (2) со недели е во фокусот на јавноста бидејќи обдукцијата покажала дека тој починал од насилна смрт додека бил во полициски притвор. Целиот случај со насилна смрт го истражува Секторот за внатрешна контрола (СУК), кој, според неофицијалните информации побарал суспензија на тројцата полицајци кои кобниот ден го испрашувале Драгијевиќ во станица.
Откако на 1 мај Одделот за внатрешна контрола изврши увид во полицијата во Бор, а со цел да се утврдат околностите под кои почина Драгијевиќ на 7 април, надлежните од СУК и предложија на надлежната организациска единица на Управата на полицијата да се спроведе дисциплинска постапка поведена против тројца членови на Одделението за криминалистички истраги на ЈУ Бор – Д.Б, И.С и Д.П, како и да донесе решение за времено отстранување од служба.
Според неофицијалните информации Далибор Драгијевиќ бил малтретиран од полицијата од моментот кога бил приведен поради сомнение дека му помогнал на својот брат да го скрие телото на Данка.
Во текот на денот бил претепан од одредени припадници на полицијата, додека го носеле на различни локации за да им покаже каде е телото на двегодишното девојче, за што тврдел дека не знае.
Свет
Зеленски го разреши главниот телохранител по обидот за атентат
Украинскиот претседател Володимир Зеленски го отпушти шефот на агенцијата одговорна за неговата заштита. Промената дојде откако двајца службеници на агенцијата беа приведени за планирање на атентатот на Зеленски.
Разрешувањето на шефот на Државната стражарска служба (УДО) Серхиј Руд е објавено со указ на претседателската веб-страница. Причината за отказот не беше наведена. Руд беше назначен за главен телохранител на Зеленски во октомври 2019 година. Се уште не е објавено кој ќе го замени.
Двајца полковници обвинети за предавство
Задачата на УДО е да обезбеди безбедност на украинскиот претседател и високи владини претставници, како и заштита на административните згради.
Претходно оваа недела беше објавено дека се уапсени двајца безбедносни службеници кои наводно биле вклучени во руски заговор за атентат врз Зеленски. Двајца полковници на УДО се обвинети за „субверзивни активности против Украина во замена за финансиска компензација“, соопшти канцеларијата на главниот украински обвинител.
Двајцата беа обвинети за предавство, додека еден беше обвинет за подготовка на терористички акт.
Свет
Државната дума на Русија го именуваше Михаил Мишустин за премиер
Државната дума на Русија на пленарниот состанок усвои предлог за резолуција за именување на Михаил Мишустин за премиер.
За овој предлог гласаа 375 пратеници, 57 беа воздржани, додека ниту еден од пратениците не гласаше против, пренесува РИА Новости.
Новиот премиер треба да поднесе предлози за структурата на федералните извршни тела до претседателот на Русија најдоцна една недела по неговото именување.