Свет
Папата бил во хитлеровата младина против своја волја

Портпарол на Бенедикт XVI, одговорајќи на забелешките дека Папата при посетата на Светата земја недоволно зборувал за холокаустот и дека и самиот членувал во нацистичкиот подмладок, изјавил дека тоа било без негова волја
„Тој самостојно тоа не го избрал“, изјавил Фредерико Ломбарди, портпаролот на Папата на прес-конференција во Беетлеем. Тој додал дека според нацистичкиот указ сите малди морале да бидат зачленети во Хитлерјунгенд. Тој се обидел дека Бенетикт XVI со сите свои соученици пред крајот на Втората светска војна бил вклучен во помошните противоздушни единици.Инаку, изјавата дека Папата не членувал во хитлеровата фашистичка младина доброволно, е во спротивност со досегашните целосно негирања на ваквите тврдења, вклучително и онаа од вчера.На прашањето на нацистичкото или воено минато на Папата, во Израел му се придава големо значење, бидејќи односите меѓу Израел и Ватикан се затегнати заради гледиштата на папата Пие XII во времето на холокаустот. Посебно на Бенедикт XVI му се забележуваше тоа што во јануари годинава во редовите на црквата врати бискуп кој беше екскомунициран заради негирањето на холокаустот. Папата во вторникот беше жестоко критикуван од израелските медиуми и политичари кои му забележува дека во Музејот на сеќавањето на холокаустот Јaд Вашем при говорот се држел многу неутрално, дека во неговото обраќање немало сочувство и дека не се извинил ниту во свое име, ниту во името на германската нација, ниту во името на христијанството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Британскиот премиер: Го поддржувам демократски избраниот Зеленски на чело на Украина

Портпаролот на британскиот премиер вели дека премиерот разговарал со Зеленски и „ја изразил својата поддршка за него како демократски избран лидер на Украина и рече дека е сосема разумно да се прекинат изборите за време на војна, како што направи Велика Британија за време на Втората светска војна“.
„Премиерот ја повтори својата поддршка за напорите предводени од САД за постигнување траен мир во Украина што ќе ја одврати Русија од каква било идна агресија“, соопшти Даунинг стрит.
Oва се случува откко претходно денес, претседателот на САД, Доналд Трамп упати низа критики до Зеленски, меѓудругото, нарекувајќи го диктатор без избори.
„Тој одбива да ги одржи изборите, тој котира многу ниско на украинските анкети и единственото нешто во што беше добар беше да го игра Бајден „како виолина“, додаде Трамп.
Кусо потоа, се огласи и германскиот канцелар, Олаф Шолц, кој предупреди дека погрешно е и опасно да се негира легитимитетот на Зеленски.
Свет
Германскиот канцелар: Погрешно е и опасно да се негира легитимитетот на Зеленски

Германскиот канцелар, Олаф Шолц, реагира на изјавата на претседателот на САД, Доналд Трамп кој го нарече диктатор украинскиот претседател, Володимир Зеленски.
Шолц рече дека едноставно погрешно и опасно да се негира демократскиот легитимитет на претседателот Зеленски, пренесе германски Шпигел.
Трамп претходно напиша дека Зеленски, кого го нарече „скромно успешен комичар“, ја убедил Америка да потроши 350 милијарди долари за да влезе во војна што не може да се добие.
„Тој одбива да ги одржи изборите, тој котира многу ниско на украинските анкети и единственото нешто во што беше добар беше да го игра Бајден „како виолина“, додаде Трамп.
„Диктатор без избори, подобро е Зеленски да побрза или нема да има земја“, додаде Трамп.
На изборите вечерва се осврна и Илон Маск, кој пак, напиша: „Зеленски не може да тврди дека ја претставува волјата на народот на Украина ако не ја врати слободата на медиумите и не престане да ги укинува изборите“.
Zelensky cannot claim to represent the will of the people of Ukraine unless he restores freedom of the press and stops canceling elections! https://t.co/bg2SEJgT47
— Elon Musk (@elonmusk) February 19, 2025
Зеленски се уште јавно не ја искоментира изјавата на Трамп, но се огласи на социјалните мрежи со пост во кој само кусо се заблагодари на поддршката, без да прецизира на што тоа се однесува.
Thank you for your support! 🇺🇦
__Дякую вам за підтримку! 🇺🇦
— Volodymyr Zelenskyy / Володимир Зеленський (@ZelenskyyUa) February 19, 2025
Свет
Украинците шокирани од изјавите на Трамп

Неколку Украинци денеска за Би-Би-Си ги коментираа изјавите на американскиот претседател Доналд Трамп, кој вчера рече дека „Украина ја водат луѓе кои дозволиле војна“, додека денеска украинскиот претседател Зеленски го нарече „диктатор“.
Kaко што јавува Би-Би-Си, Украинците со кои разговарале биле шокирани.
„Сите овде се обидуваат да ги следат изјавите што доаѓаат од Трамп“, рече Тања, 23-годишна жителка на Киев.
Таа додаде дека пред Трамп бил „некако непознат“, бидејќи никој не знаел каква политика ќе води, но сега, гледајќи ги неговите изјави, „Украинците се навистина шокирани“.
„Не е фер да се носат одлуки без Украина“, рече Тања. „Навистина е болно да се слушне дека „не требаше да ја започнеме оваа војна“ Украинците се обидуваат да се заштитат себеси. Таа нагласи: „Ова е нашиот живот – овде не се можни избори поради ракетите. Американската помош е прашање на живот и смрт за нас“.
Своето мислење го сподели и Викторија, која живее во Киев со својот син. „Трамп се однесува како насилник“, изјави таа. Таа додаде дека Зеленски е „претседател на народот и ја има нивната целосна поддршка“.
„Не сакаме наскоро да одржиме избори. Тоа ќе го направиме откако ќе заврши војната. Ќе застанеме покрај нашиот претседател и ќе се бориме“, додаде таа.
Олег Романишен, 28-годишен украински инженер кој остана во Киев по руската инвазија во 2022 година, исто така ги сподели своите размислувања за изјавите на Трамп.
„Имавме демократски избори во 2019 година. Тој дефинитивно не е диктатор“, рече Романишен.
„Нашиот пат кон демократијата започна во 1991 година“, додаде тој, мислејќи на годината кога Украина гласаше за независност.
„Оптимистите во мојата група пријатели стануваат реалисти“, рече тој. Тој смета дека Украинците требало да ги предвидат таквите изјави: „Наша грешка беше што не ја проучувавме личноста на Трамп за време на неговиот прв мандат“.
Романишин не се согласува со тврдењето на Трамп дека Зеленски е виновен за смртта на оние кои „непотребно загинале“ во војната.
„Нашата влада не е ангел, тие прават многу грешки“, рече Романишен, но додаде: „Но, украинската влада и народот не се виновни за војната и смртните случаи“.