Свет
Саркози и Обама договорија соработка во борбата против тероризмот

Претседателите на САД и на Франција, Барак Обама и Никола Саркози, го повикаа Иран да прекине со развивање на нуклеарната програма
На заедничката прес-конференција во Кан, на брегот на Нормандија, пред почетокот на свеченоста по повод 65-годишнината од пристигнувањето на сојузничките трупи во окупирана Европа за време на Втората светска војна, Барак Обама го потврдил ставот во врска со нуклеарната програма на Техеран дека треба да се води цврста дипломатија.Неговиот француски домаќин, Николaс Саркози, се согласил со апелот до Израел да запре со градењето еврејски населби на Западниот Брег и изразил загриженост од непромислените изјави на иранскиот претседател Махмуд Ахмадинеџад.Американскиот претседател во Франција допатува по посетата на Билскиот Исток, и продолжува со барањата меѓународната заедница да ги зголеми напорите за мирно решение на израелско-палестинскиот конфликт преку создавање независна палестинска држава.Обама и Саркози изјавиле дека тесно ќе соработуваат по многу прашања, меѓу кои и изградбата на стратегија за борба против тероризмот. Францускиот претседател додал дека неговата држава ќе прифати некои од затворениците во Гвантанамо, доколку САД тоа го побараат.За време на разговорите меѓу двајцата претседатели биле разгледани и голем број други прашања, меѓу кои и војната во Авганистан и светската економска криза. Познато е дека Франција не одговара на американските повици до Европа да направи поголеми напори за стимулирање на економијата и да испрати поголем број војници во Авганистан, за поддршка на напорите на американската администрација во борбата против екстремистите.Обама бил пречекан од жителите на Кан со големо одушевување, кое француските медиуми го споредуваат со приемот на рок-ѕвезда. За Обама, меѓу другото, „Денот Д“ е посебно важен бидејќи двајца негови предци учествувале во сојузничките операции во Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Јас сум претседател-медијатор, сакам да решавам војни

Американскиот претседател Доналд Трамп изјави дека се гледа себеси како претседател-медијатор, нагласувајќи дека неговата цел е да помага во решавањето на конфликти ширум светот.
„Јас сум претседател-медијатор. Сакам да решавам војни“, рече Трамп за време на средбата со украинскиот претседател, Володимир Зеленки, додавајќи дека моменталната ситуација (мисли на Украина) не е лесна за посредување.
„Полесно е кога луѓето се разбираат, кога се среќаваат и кога си се допаѓаат еден на друг. Не сме баш во таква ситуација“, изјави тој пред новинарите, пренесе „Гардијан“.
Трамп спомена дека досега посредувал во осум конфликти, вклучително и на Блискиот Исток, и дека тековните напори се негов „деветти случај“.
„Ова ќе биде број девет за мене. Решив осум, вклучувајќи го Блискиот Исток… Не добив Нобелова награда, и не ми е важно тоа. Важно ми е да се спасувам животи“, изјави Трамп.
Свет
Трамп неодлучен за испорака на ракетите „ Томахавк“ на Украина

Како што објави „Гардијан“, американскиот претседател покажа двоумење во врска со испораката на Томахавк во Украина, велејќи: „Една од причините зошто сакаме да ја завршиме оваа војна е… не ни е лесно да ви дадеме… огромни количини многу моќно оружје… Се надеваме дека нема да им требаат. Се надеваме дека можеме да ја завршиме војната без да размислуваме за ракетите Томахавк“.
„Ќе зборуваме за ракетите Томахавк и многу повеќе би сакале да не им требаат тие ракети. Искрено, многу повеќе би сакале војната да заврши. Бидејќи, знаете, ние сме тука за војната да заврши… Продаваме многу различни видови оружје, како што знаете, на Европската Унија. Не сме тука за тоа. Ние сме тука за војната да заврши“, продолжи тој.
Во одговор на прашање од новинар, украинскиот претседател Володимир Зеленски, претходно изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
Свет
Зеленски: Подготвени сме на Америка да ѝ понудиме дронови во замена за „Томахавк“ ракети

Во одговор на прашање од новинар, украинскиот претседател Володимир Зеленски изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
На прашањето дали таков договор би го интересирал, поранешниот американски претседател Доналд Трамп одговори: „Да, би нè интересирал. Во моментов имаме многу дронови – ги произведуваме сопствените, но купуваме и од други, а Украинците произведуваат многу добри дронови.“
Трамп беше прашан и што мисли за тоа Украина да употребува ракети за напад подлабоко во Русија. „Ќе разговараме за тоа“, рече тој.
„Тоа е ескалација, но ќе разговараме за тоа“.
Украина бара од САД да испорачаат ракети „Томахавк“ кои можат да погодат цели на оддалеченост од речиси 2.000 километри.