Свет
Во Иран продолжуваат протестите против Ахмадинеџад
Втор ден траат протестите во Иран против изборните резултати со кои е потврдена победата на досегашниот претседател Ахмадинеџад
Поддржувачите на реформистичкиот кандидат Мирхосеин Мусави во неколку града на Иран ги продолжуваат вчера започнатите протести против Махмуд Ахмадинџад. Во Техеран тие превртуваат контејнери и автомобили и се судираат со полицијата и приврзаниците на Ахмадинеџад.Мусави и неговите следбеници тврдат дека изборите биле лажирани, но информациите тешко доаѓаат до дописниците на западните медиуми, бидејќи владее блокада, а полицијата оневозможила и комуницирање со СМС пораки, а блокирани се и интернетските страници на Мусави. „Некои веруваа дека ќе победи Мусави, Протестите немаат никакво правен кредибилитет. Тоа е како лутење по загубен фудбалски меч. Разликата меѓу моите резултати и резултатите на моите противници е толку голема што никој не може да ја оспори.“, изјавил Ахмадинеџад.Претходно Мусави преку интернетските сајтови иако повика на смирување на ситуацијата, изјави дека тој е легитимниот победник на иранските претседателски избори, дека нема да попушти на манипулациите и повика на отпор кон, како што напишал во соопштенијата – лагите и диктатурата.Во неделата не се појави ниту весникот што го финансираше Мусави, а уредникот за дописниците на западните медиуми изјавил дека новинарите избегале од просториите заради страв од одмазда на полицијата. Претходно овој весник на своето електронско издание имаше лиферувана информација дека на 10 милиони гласачки листови недостигал личниот број на гласачот. Иранската валст од неколкумина странски новинари побарала да ја напуштат државата. Телевизијата Al Arabia од Дубаи соопшти дека иранските власти на нејзиниот дописник од Техеран му рекле дека дописништвото ќе биде затворено една седмица, при што небила кажана причината но било дадено предупредување за претпазливост во известувањето. Ајатолахот Али Хамнеи кој практично има неограничена моќ, не влезе во оценка на резултатите, но ги оцени како божја одлука. Тоа несомнено значи дека врховниот ирански лидер застана зад Ахмадинеџад, што пак значи дека протестите нема да станат помасовни и да имаат резултат, затоа што само повикот на ајатолахот може да влијае врз тоа дали Иранците ќе го поддржат Мусави. Западниот свет кој се надеваше на можна победа на умерениот Мусави, не ги оспори директно изборните резултати, туку изрази сомнеж и загриженост заради наводни изборни неправилности.
Протестите во Техеран продолжија, тројца мртви
Немири во Иран по победата на Ахмадинеџад
Махмуд Ахмадинеџад реизбран за претседател на ИранМоже ли Ахмадинеџад да ги изгуби изборите од Иранките?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.