Свет
Бојко Борисов победи во Бугарија
Партијата Граѓани за европски развој на Бугарија (ГЕРБ) на софискиот градоначалник Бојко Борисов извојува убедлива победа на вчерашните парламентарни избори во Бугарија.
Како што соопшти утрово Централната изборна комисија, според 99,88 отсто од преброените гласови, ГЕРБ освоила 39,70 отсто од гласовите, пред „Коалицијата за Бугарија“ предводена од Бугарската социјалистичка партија (БСП) на премиерот Сергеј Станишев со 17,72 и партијата на бугарските Турци – Движење за права и слободи (ДПС) со 14,47 проценти.Изборниот праг од четири отсто, што е услов за освојување мандати во Собранието, го минале и националистичката партија Атака со 9,37, конзервативната т.н. Сина коалиција со 6,73 и партијата Ред, законитост и правда со 4,13 проценти.Од другите партии, коалицијата Лидер-Ново време освои 3,26 отсто, а либералното Национално движење за правда и напредок (НДСВ) на поранешниот премиер Симеон Сакскобургготски 3,02 проценти. Ниту една друга партија нема повеќе од половина проценти од гласовите.Борисов по објавувањето на првичните резултати од глсовите изјави дека тој веројатно ќе биде идниот бугарски премиер.„При ваков изборен резултат и одговорноста што паѓа на ГЕРБ, јас немам право да не раководам со Владата“, нагласи Бојко Борисов.Премиерот Станишев го призна поразот, додавајќи дека БСП не е задоволна од остварените резултати.„Коалицијата за Бугарија претрпе сериозен, тежок и очигледен пораз. Би било многу неодговорно и наивно да се криеме од тој факт“, порача Станишев.Тој оцени дека БСП ќе продолжи да води активна политика и ќе биде конструктивна за сите идеи.Лидерот на ДСП, Ахмед Доган, чија партија беше досегашен коалициски партнер на социјалистите, изјави дека засега е тешко да се процени дали е добро или лошо за партијата да учествива во идната влада.„Во оваа фаза е тешко да се процени дали е добро или лошо за ДПС да учествува во власта, но ние многупати сме нагласувале дека за нас власта не е цел сама по себе“, порача Доган.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.