Повеќе од 300 илјади тони храна се фрла годишно во Хрватска, додека бројни здруженија и организации истовремено бараат да се разбуди солидарноста на граѓаните кон стотици гладни и бездомници.

Студијата објавена во меѓународното списание „Вејст менаџмент“ ги потврди податоците дека просечно 75 килограми храна по глава на жител се фрла годишно во Хрватска. Надгледувани биле 115 хрватски домаќинства од мај до септември 2017 година и колку храна фрлаат. Кога тежината на фрлената храна се множи со бројот на жители, може да се заклучи дека само домаќинствата во Хрватска фрлаат најмалку 300.000 тони храна годишно.

77 отсто од вкупната количина храна фрлена е на домаќинствата, додека околу 92 кг храна по глава на жител се фрлаат во Европа, од кои повеќе од половина се домаќинства.

Односите меѓу Русија и НАТО се повеќе се влошуваат, рече рускиот министер за одбрана Сергеј Шојгу.

„Пред пет години, имавме многу активна соработка. Се чинеше дека имаме опции и можности да продолжиме напред во имплементацијата на (договорот). За жал, сето ова не само што запре, туку од година во година деградира”, изјави Шојгу за Телевизија „Русија 1“.

Тој додаде дека Русија ја оставила отворена вратата за соработка.

Минатиот вторник, рускиот претседател Владимир Путин изјави дека Северноатлантската алијанса се однесувала некоректно кон Русија и дека НАТО ги отфрлил предлозите на Москва за партнерска соработка.

Путин, пак, повтори дека Русија, како и претходно, е подготвена да соработува со НАТО и изрази надеж дека ќе преовладаат заедничките безбедносни интереси во дијалогот на Москва и НАТО.

Речиси сите летови до и од главниот град на Босна и Херцеговина од меѓународниот аеродром во Сараево се откажани поради временските услови, магла и смог што го опфатија градот.
        
Густата магла и смог создаваат исклучително слаба видливост, што го оневозможува слетувањето во главниот град.

Според податоците за распоредот на летови на аеродромот во Сараево, авионите од Берлин и Истанбул не можеле да слетаат во Сараево, додека откажани биле и летовите од Будимпешта, Минхен, Белград, Виена, Ријад и Загреб.
        
Покрај тоа, откажани се летовите за Берлин, Истанбул, Ријад, Белград, Загреб, Виена и Минхен.