Свет
Потонатиот траект во Пацификот со себе ги однесе жените и децата
Еден ден по потонувањето на траектот „Принцезата Ашика“ во водите на Пацификот во близина на островот Тонга, надлежните јавуваат за еден мртов Британец и други 40 исчезнати
Траектот пловел од главниот град на Тонга, Нуку`алофа кон островот Ха`афева, кога се превртел и потонал нешто пред полноќ во средата, соопштуваат надлежните. Компанијата што управува со траектот вели дека во моментот на потонувањето се превезувале 96 патници, но не е исклучена можноста на бродот да имало многу повеќе. Полицијата соопштува дека 55 луѓе се спасени од кои сите се мажи. Еден од преживеаните, во моментите на потонување се обидел да стигне до чамците за спасување и со нив да ги спаси жените и децата што спиеле на палубата, но кога стигнал на брегот, постојано повторувал дека никој од нив не се спасил. „Ни една жени, ни едно дете не се спасија“, рекол Сиаси Лавака за Матанги Тонга Онлајн, по пристигнувањето на брегот со спасувачкиот брод, на кој имало уште педесет други преживеани, сите мажи. Единственото безживотно тело е откриено ден по потонувањето, а според докуентите пронајдени кај него тој е Британец со возачка дозвола од Нов Зеланд, пренесува АФП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

