Свет
Претседателот на Колумбија има свински грип
Колумбискиот претседател Алваро Урибе е заразен со Х1Н1, вирусот на свинскиот грип, соопшти владиниот портпарол, јавува Ројтерс
Претседателот на Колумбија, Алваро Урибе работи од својот кабинет, но е под терапија за новиот грип А Х1Н1.„Тој работи по телефон и на интернет“, рекол за Ројтерс, портпаролот Цезар Веласкез. Популарниот конзервативен јужноамерикански претседател Урибе, присуствуваше на самит со другите лидери од регионот во петокот во Аргентина, кога добил симптоми на грип со треска, главоболки и болки во грбот. Двајцата лидери со кои се сретна претседателот Урибе на самитот биле известени за неговата состојба, вели портпаролот. Претседателот на Костарика, Оскар Ариас прв дознал дека Урибе е заразен од свински грип. Ариас, претходно овој месец имал средно тешка зараза со вирус од која се опоравил и се вратил на секојдневните задачи. Во Колумбија има регистрирано 621 случај на свински грип од кои 34 починаа, според министерството за социјална заштита. Вирусот Х1Н1 се рашири во април во Мексико и во САД. Светската здравствена организација прогласи пандемија во јуни и предупреди дека новиот грип може да зарази повеќе милиони лица.Претходно, кон средината на август, и претседателот на Костарика, Оскар Ариас, кој беше медијатор во разговорите меѓу соборениот претседател на Хондурас, Мануел Залеја и неговиот наследник Роберто Мичелети околу надминување на тензиите во таа држава, стана првиот претседател за кој е познато дека боледува од оваа болест.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.