Свет
Најмалку 14 загинати во безредијата во Уганда
Најмалку 14 луѓе се убиени во главниот град Кампала, отако избувнаа судири меѓу владините сили и поддржувачите на локалното кралство
Немирите траеја три дена, а во нив е направена и голема материјална штета. Повредени се најмлаку сотитна лица, аполицијата уапсила околу 640 луѓе.Властите најавија дека во понеделник ќе почнат првите судења по обвиненијата за учество на во насилни протести и незаконско собирање во групи.Немирите кулминираа по еден подолг период на нетрпеливост меѓу Јовери Масавени угандскиот диктатор и кралот Роналд Мутебу Втори, владетел накрачлството Буганда, едно од четирите традиционални кралства во Уганда.Во четвртокот владата на претседателот Мусевени на кралот Роналд му забрани да го посети регионот каде живеат припадници на ривалската етничка зедница, по што припадниците на народот Баганда, инаку најбројна заедница во Уганда, почнаа со демонстрации и судири со полицијата.Поддржувачите на кралотикрале оружје и муниција од полициски станици, запалиел повеќе возила и пљачкале продавници. Во саботата, немирите се подмисрија, а полицијата и војската во недела патролираат по улиците на Капмала.Мусевени и кралот Роналд се договориле да се сретнат за да ги надминат несогласувањата.Кралевите во Уганда имаат главно церемонијална улога, но имаат гоелма популарност меѓу припадниците на нивните етнички заедници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пилот пријавил дека во авионот има бомба: принудно слетал на аеродромот во Подгорица
Капетанот на „ЛОТполиш“ пријавил во полиција во Подгорица дека во авионот на таа компанија има бомба.
На терен е и полицијата, како и полициската антидиверзантска заштита, пренесуваат медиумите во соседството.
Од аеродромот официјално беше соопштено дека нешто пред 17 часот на аеродромот во Подгорица започнала вонредна инспекција на авионот на националната полска авиокомпанија „ЛОТ Полиш ерлајнс“, пишува „Вијести“.
Од таму изјавиле дека авионот бил изолиран и далеку од патничкиот терминал.
Сите други патници се безбедни, а останатите операции засега се одвиваат непречено. Контролата се врши според пропишаните процедури во синхронизирана акција на Полициската управа, аеродромот и другите служби“, се вели во соопштението.
Авионот од Варшава (LO585) летал над Црна Гора, но капетанот по дојавата на Контролата на летање кажал дека мора да слета на пистата на аеродромот во Подгорица.
Полскиот авион слетал во 16:34 часот и во тек е антидиверзантска проверка, стои во написите на медимите.
Свет
Путин: Десеткратно го зголемуваме производството на дронови
Рускиот претседател Владимир Путин изјави дека неговата земја десеткратно ќе го зголеми производството на беспилотни летала на речиси 1,4 милиони оваа година за да обезбеди победа на руските вооружени сили во Украина.
„Вкупно околу 140.000 беспилотни летала од различни типови се доставени до вооружените сили во 2023 година“, рече Путин. „Оваа година се планира значително зголемување на производството на дронови. Поточно, за речиси 10 пати“.
„Кој ќе реагира побрзо на новите барања на бојното поле ќе победи“, рече Путин на состанокот во Санкт Петербург посветен на развојот на производството на дронови.
Откако Русија испрати десетици илјади војници во Украина во февруари 2022 година, војната главно се заснова на артилериски и напади со беспилотни летала долж силно утврдениот фронт од 1.000 километри во кој учествуваат стотици илјади војници.
И Русија и Украина купија беспилотни летала во странство и го зголемија сопственото производство за низа цели – од уништување артилерија и арсенал на оружје до ударна енергетска инфраструктура и воени бродови, пренесува Ројтерс.
Свет
Германија го суспендираше новиот извоз на воено оружје во Израел
Германија го суспендираше новиот извоз на оружје за Израел додека се справува со правните предизвици, според анализата на податоците на Ројтерс и извор близок до Министерството за економија.
Извор близок до министерството цитираше висок владин функционер дека работата за одобрување дозволи за извоз на оружје во Израел е стопирана поради правниот и политичкиот притисок од правните случаи кои тврдат дека таквиот извоз од Германија го прекршува хуманитарното право.
Министерството за економија соопшти дека нема и нема да има забрана за извоз на оружје во Израел, а одлуките се носат од случај до случај по внимателно разгледување, додавајќи дека меѓународното право, надворешната и безбедносната политика се клучни фактори во нивните оценки.
– Нема бојкот на германскиот извоз на оружје против Израел – изјави владиниот портпарол во средата, коментирајќи го извештајот.
Минатата година Германија одобри извоз на оружје за Израел во вредност од 326,5 милиони евра, вклучувајќи воена опрема и воено оружје, што е десеткратно зголемување во споредба со 2022 година, покажуваат податоците на Министерството за економија, кое одобрува извозни дозволи.
Но, годинава одобренијата паднаа, а од јануари до 21 август се дадени само 14,5 милиони евра, покажуваат податоците на Министерството за економија како одговор на пратеничко прашање.