Свет
Силен земјотрес во Бали

Земјотрес со силина од 6,4 степени по Рихтер во сабот наутро го погоди индонезискиот остров Бали. Министерствотот за здравство соопштило дека има повредени
Земјотресот се случил 101 километар југоисточно од градот Нусаду, на длабочина од 36 километри.Бидејќи епицентарот на земјотресот бил на дното од океанот, Метеоролошката служба издала педурпредување за можно цунами. Најмалку седум лица биле повредени. Некои биле повредени од делови кои паѓале од зградите а други се повредиле откако во паника скокале од повисоките катови, изјавил службеник во министерството за здравство Рустем Пакаја. Тој додал дека се урнал покривот на трговскиот центар во главниот град на островото, Денпасара.„Кога се случи земјотресот, бев во продавница и куѓето почнаа да викаат да бегаат надвор“, рекол жител на градот Сингараја на Бали. Индонезија е чсесто погодувана од земјотреси бидејќи е во подрачје каде се вкрстуваат тектонски полочи. На 2-ри септември ба ридовите во југозападиот дел од островот Јава се случи земјотрес во кој загинаа 57 лица а уништени илајда објекти, додека во главниoт град Џакарта покрај паниката имаше и материјални штети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Кинески астронаути заглавени во вселената, враќањето одложено

Враќањето на тројца кинески астронаути на Земјата беше одложено поради неповолните временски услови, објави денеска АП.
Астронаутите Каи Суже, Сонг Лингдонг и Ванг Хаозе, кои денеска требаше да слетаат во Донгфенг, северна Монголија, по поминати шест месеци во вселената, ќе мора да почекаат уште малку поради лошите временски услови.
Според официјалните информации на кинеската агенција „Ксинхуа“, одлуката за одложување е донесена со цел „да се гарантираат здравјето и безбедноста на астронаутите“.
Тројцата астронаути беа лансирани во вселената во октомври минатата година, а неодамна пристигна нов екипаж, кој ќе ги замени во кинеската вселенска станица „Кијангонг“. За време на нивниот престој на вселенската станица, астронаутите спроведоа експерименти на станицата.
Двајцата астронаути, Каи и Сонг, ја изведоа најдолгата вселенска прошетка во светот, која траеше девет часа, објави Кинеската вселенска агенција. Кина ја изгради својата вселенска станица откога беше исклучена од Меѓународната вселенска станица поради загриженоста на САД за контролата на кинеската вселенска програма.
Кина планира да испрати човек на Месечината до 2030 година.
Минатата година двајца американски астронаути беа блокирани во вселената девет месеци кога пробниот лет во капсула „Боинг“ наиде на проблеми и НАСА одлучи дека враќањето на астронаутите во истиот модул би било премногу ризично.
Регион
Не успеа ниту новиот обид за избор на претседател на косовското собрание

Собранието на Косово и енеска не го избра Аљбуљен Хаџиу за претседател на собранието.
При гласањето Хаџиу доби поддршка од 54 пратеници, 44 беа против, а три лица беа воздржани.
За него гласаа пратениците на Самоопределување, како и пратениците на малцинските заедници, освен Адем Хоџа, кој гласаше против.
На седницата не учествуваше пратеничката Дуда Баље, која досега гласаше против.
Против гласаа членовите на Демократската партија на Косово, Демократскиот сојуз на Косово и Алијансата за иднината на Косово.
Претставниците на досегашната опозиција, по седницата, изјавија дека сè ова личи на театар и ја обвинија победничката партија дека намерно го спречува конституирањето на парламентот бидејќи нема гласови за формирање на новата влада на Косово.
Од друга страна, Самоопределување ги обвини пратениците на поранешната опозициска партија дека го блокираат нивниот предлог.
Продолжението на конститутивната седница на косовскиот парламент е закажано за 1 мај.
Свет
Русија: Подготвени сме да го почнеме мировниот процес, без никакви услови, Украина не одговара

Кремљ соопшти дека Украина не одговорила на понудите на рускиот претседател Владимир Путин да почне директни мировни преговори и дека не е јасно дали ќе го почитува тридневниот прекин на огнот во мај.
„Претседателот Путин беше тој што во неколку наврати рече дека Русија е подготвена, без никакви услови, да го почне мировниот процес“, изјави за новинарите портпаролот на Кремљ, Дмитриј Песков.
„Досега не добивме одговор од режимот во Киев“, додаде.
Во понеделникот Путин прогласи тридневен прекин на огнот во Украина од 8 мај кога Русија планира голема прослава на 80-годишнината од победата над нацистичка Германија во Втората светска војна.
Украина, од друга страна, се сомнева зошто Москва не сака да се согласи на нејзиниот повик за итен прекин на огнот од најмалку 30 дена.
„Ние ги цениме човечките животи, а не парадите“, изјави украинскиот претседател Володимир Зеленски.
Песков рече дека е многу тешко да се знае дали Украина има намера да го почитува прекинот на огнот.