Свет
На демонстрациите во Техеран нападнати опозициските лидери
На протестите што иранската влада ги организираше во поддршка на Палестинците, поддржувачите на режимот на Ахмадинеџад ји напднаа челниците на опозицјата Мирхосеин Мусави и поранешниот претседател Мухамед Хатами
Државната новинска агенција пренесла дека Мирхосеин Мусави кој на јунските претседателски избори ја предводеше опозицијата, кој попладнето му се придружил на собирот, би дочекан од поддржувачите на режимот на претседателот Махмуд Ахмадинеџад со мовиците „Смрт за лицемерот Мусави“. Некои се качиле на неговото возило и ударале по него, шприсилувајќи го да го напушти собирот, јави IRNA.Интернетската страница на поранешниот иранснки претседатели Мухамад Хатами објави и дека неговите следбеници биле нападнати од режимлиите но интервенирала полицијата при што уапсила опозиционери. Друга од интернетските страници кои се единствените медиуми на иранската опозција објави дека бил нападнат и самиот Хатами „Група конзервативци гонападна Хатами, нему му беше бутнат турбанот и сакаа да го тепаат. Во тоа ги спречија неговите поддржувачи, а потоа интервенираше полицијата за спреќување протести“, стои нa Parlemennews.ir.AFP пренесува дека десетина илјади поддржувачи на иранската опозоција барале ослободување на политичкит езатвореници. Прорежимските припадници, во цивилки биле на мототи и со метални палки кружеле околу демонстрантите, а некои од нив биле уапсени. Надвор од Техеран, припадниците на исламската милиција Басиџ ги нападнале демоснтрантите во северниот град Табриз каде што полицијата се вмешала но повторно уапсила опозиционери, а од таков судир имало и во градот Исфахан, пренесe Mowjcamp.com.Ова беа први гоелми денонстрации против Ахадинезџад по 9-ти јули, откао по речиси целомесечните протести загинаа најмалку 17 лица а стотици беа приведени и упасени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Свет
Уапсен уште еден осомничен за терористичкиот напад во Москва
Уште едно лице е уапсено во врска со терористичкиот напад на градското собрание Крокус во Москва на 22 март, соопшти денеска за „ТАСС“ портпаролот на полицијата.
„Уапсен е уште еден потенцијален осомничен во случајот со терористичкиот напад на Крокус. Инспекторите ја испитуваат неговата улога во тој напад“, изјави претставник на полицијата.
Полицијата уапсила државјанин на Таџикистан. Досега во врска со случајот се уапсени 11 лица, меѓу кои и четворица извршители на нападот.
Според последните податоци, во терористичкиот напад во концертната сала „Крокус сити хол“ во Москва загинале 145 лица.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.