Свет
Се предаде бразилскиот пратеник што нарачувал убиства
Бразилски политичар и водител на криминалистичка ТВ емисија, е обвинет дека ги нарачувал убиствата за кои подоцна зборувал во емисијата. Тој во сабота и’ се предаде на полицијата откако извесно време исчезна по истекот на неговиот пратенички мандат кој го штитеше од истрагата
Валас Соуза пратеник од брзилската сојузна држава Амазонас и водителот на телевизиската емисија „Канал Либре“ е обвиент за нарачување убиства за на своето телевизиско шоу да му го обезбеди ексклузивитетот со снимки од настаните и да ја зголеми гледаноста. Емисијата била укината при крајот на 2008 г. кога Соуза бил обвинет за трговија со дроги и илегално поседување оружје. Сега тој се сомничи за нарачка на најмалку пет убиства кои требало да му ја отстраната конкуренцијата во трговијата со дроги и истовремено да ја зголеми гледаноста на неговата емисија, пренесе Reuters. При претресот на неговата куќа биле пронајдени нелегално оружје и големо количество муниција, а покрај нив запленила и 170 илјади долари во готовина.Сепак Соуза не беше ставен во притвор, бидејќи го штитеше имунитетот како политичар. Уапсен беше и неговиот син Рафаел Соуза и уште неколкумина полицајци. Вкупно во овој случај бразилската полиција уапсила 15 лица.Соуза кој некогаш и самиот бил полицаец пред новинарите ги отфрли обвиненијата и изјавил дека тоа е монтирана хајка против него од страна на неговите противници и дека против него нема никави докази, пренесува Associated Press.Бразилскито државен секретар за безбедност, Франциско Кавалканти, тврди дека има многу докази кои упатуваат на тоа дека таткото и синот Соуза испланирале неколку убиства од кои подоцна во неговата емисијa се емитувани ексклузивни видео материјали. „Неколкупати буквално ги произведуваа фактите, ги создаваа вестите. Тој и неговиот син нарачувале убиства и и’ јавувале на телевизиската екипа која потоа прва стигнувала на местото на настанот“, изјавил Кавалкани.Државиoт обвинител Фабио Монтеиро додал дека Соуза покрај горните обвиненија е осомничен и за тргување со оружје и за формирање злосторничкa организација. Пензионираниот полицаец Моасир Дакоста и’ признал на полицијата дека му помогнал при најмалку едно убиство кое Соуза го арачал за својата емисија, којашто заради голeмата гледаност му донeсла и голема популарност во цела Јужна Америка.Неговиот адвокат Франциско Балиеро трвди дека полцијата не поседува никакви докази против Соуза. Бразилските власти на сите полициски службеници, на судиите и другите инволвирани во случајот и во истрагата им понудила постојана полциска заштита, бидејќи веднаш по објавување на случајот во август годинава добивале закани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.