Свет
Во Италија уапсени двајца напаѓачи од Мумбаи
Италијанската полиција уапсила двајца Пакистанци кои се сомничат дека финансиски и логистички помагале во крвавите нападите од 26 номеври 2008 г. Врз луксузниот хотелски комплекс во индискиот град Мумбаи
Двајцата пакистански државјани, татко и син, биле уапсени во сабота во зори во рација направена во Бреша. Според истрагата двајцата на сметката на терористите уплатувале пари, притоа користејќи се со украдени идентитети. Мината година во декември, американското FBI на италијанската полиција и доставил информации дека преку нејзини банки одат сомнителните трансфери на пари кои се во поврзаност со терористичката заложничка драма од миантиот ноември во Мумбаи.Станува збор за 60-годишниот Мохамед Јакуби Џаниџуа и неговиот 31-годишне син Амер, пренесуваат италијанските медиуми.Десетина милитанти од кои повеќето со пакистанско потекло три дена од 26 до 28 ноември под опсада држеа два луксузни хотела и еврејски центар во центарот на Мумбаи, притоа убивајќи 166 а ранувајќи 313 лица.
Во јули на судскиот во Индија единствениот преживеан напаѓач, 21-годишниот Пакистанец, Мохамад Аџмал Касаб, неочекувано ја призна вината во текот на судиското сослушување. Касаб учествувал во нападот на главната железничка станица во Мумбаи и е обвинет за 86 одвоени кривични дела, вклучувајќи и убиства и најтешкото обвинение – водење војна против Индија.До мај Касаб го одрекуваше обвинението, а е единствениот од десеттемина напаѓачи кој беше фатен жив.Пакистанските исламисти поврзани со Ал КаедаСпоред пакистанските власти, Касаб е припадник на пакистанската терористичка организација Лашкар Е Таиба која тесно соработува со Ал Каеда. Како што откри пакистанската разузнавачка агенција, тој со уште десетмина припадници на групата преку море дошле во Индија од 26 ноември 2008 година и ги извршија нападите врз елитните деловно-хотелски комплекси, при што загинаа 166 луѓе, 313 беа повредени, а повеќе стотина три дена беа држени во заложништво.Истовремено им се суди и на уште двајца припадници на Лашкар Е Таиба од Индија, на Фахим Аншари и Сабахудин Ахмед, чии судски претреси исто така се водат со видеоврска. Тие се обвинети дека биле задолжени за набљудување на објектите кои ќе бидат нападнати.Претходно во рацијата на кампот на Лакшар е Таиба беше уапсен и Заки ур Рaхман Лакви, кој е посочен како главниот осмислувач на терористичкиот напад во Мумбаи. Индиските служби велат дека уапсениот Касаб им открил дека токму Лакви стои зад нападите, а како еден од планерите на нападот се споменува и Јусуф Музами.Темелна организација и добро подготвен нападТерористите во нападите и во нивната комуникација се служеле со напредна технологија, со навигациски системи, со мобилни и сателитски телефони и биле во постојан контакт со една држава, којашто засега индиските власти не ја соопштуваат. Првично Индија го обвини соседен Пакистан за поддршка на исламистичките терористи.Според некои странски агенции, Касаб кажал дека нивната намера била да го дигнат во воздух целиот луксузен хотел „Таџ Махал“ кој е историски симбол на финасискиот центар на западна Индија, поранешниот Бомбај.Полциската истрага дошла до сонзание дека осуммина од напаѓачите во градот дошле во октомври. Тие се претставувале како малезиски студенти и вршеле секојдневни набљудувања на нивните одбрани мети. Другите двајца, пак, како туристи во нападнатите хотели „Таџ Махал Палас“ и „Оберој-Тридент“ изнајмиле соби и таму го складирале оружјето и експлозивот.Во средата непосредно пред нападите, на првата група и’ се приклучила втора група која дошла по моркси пат. Сите биле на возраст меѓу 24 и 30 години.Фактот дека на нападите на полицијата одолеваа речиси три дена го објаснува податокот дека терористите имале подготвено големи количества суво овошје и калорични бадеми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.