Филипинската влaда во четврток наутро соопшти дека го уапсила главниот осомничен за масакрот во кој во понеделникот беа убиени 57 лица на југот од државата

Андал Ампатуан Џуниор, градоначалник на помал град и син на гувернерот на покраината Магуанданао, од островот Миндао, со хеликоптер треба да биде префрен во главниот град Манила на испитување, изјави филилипiнскиот министер за внатрешни работи, Роналдо Пуно.За масакрот во кој беа убиени вкупо 57 лица, осомничени се припадниците на полицијата под контрола на Ампатуан, кој е син на моќниот локален гувернер и член на коалицијата на претседателката Глориа Аројо. Од кланот Ампатуан ги негираат ове обвинувања.Масакрот, според локната полиција и медиумите, го извршиле вооружени лица во пресметка меѓу спротиставени локални кланови кои се судираат пред локалните избори.Локалните медиумии полицијата за масовното убиство уште во понеделникот го осомничи политичкиот сојузник на филипинската претседателка, односно  синот на гувернерот на провинцијата Магуинданао.Претседателката Аројо во вторник прогласи вонредна состојба на островот Миндао, за да се спречат поголеми крвопролевања меѓу клановите.Вооружена паравоена формација за која се верува дека е блиска на гувернерот на провинцијата во понеделникот грабна група меѓу кои имало и новинари и пратеници, и најмалку 14 жени. Потоа беа пронајдени 57 тела изрешетани со куршуми. Во групата од 57 лица имало најмалку 27 филипински новинари. Началникот на локалната полиција Џозефино Каталуна изјавил за Reuters дека бројката убиени новинари може да биде и поголема, бидејќи не се идентификувани сите жртви од масакрот кој се случи 930 километри јужно од Манила. Според локалните медиуми, убиените се упатиле кон изборната канцеларија во градот Магуинданао.Потполковникот Ромео Бравнер изјавил за Reuters дека телата биле пронајдени во област каде што луѓетo биле грабнати како заложници.„Веруваме дека повеќе тела се закопани. За жал, убиството се случило пред нашите војници да дојдат таму“, додал Бравнер.Други воени официјални лица изјавија дека убиените се поддржувачи на Геналин Тамзон-Мангудадату, која патувала да поднесе противкандидатура за нејзиниот сопруг на актуелниот гувернер на провинцијата Магуинданао, Дату Андал Ампатуан, првенец на едно од најмоќните локални семејства.Таа била придружувана од двајца адвокати, неколку членови од нејзиното семејство и  новинари. Убиените новинари ја следеле сопругата на заменик-градоначалникот на градот Балуна, Есмаел Мангудадату која требала да ја предаде неговата кандидатура за изборите на гувернер на покраината.Во јужниот дел на Филипините се води жестоко клановско ривалство меѓу семјествата Мангудадату и Ампатуан, а многу политичари и избрани функционери во регионот финасираат добро вооружени приватни армии, пишуваат локалните медиуми.Од канцеларијата на филипинската претседателка Аројо, ветија брза акција.„Шокирани сме и гневни. Правдата и казната ќе ги стигне извршителите казнети кои и да се тие“, навел во соопштението Клаудио Гаврил, политички советник на претседателката. Изборниот процес на Филипините ќе почне во мај 2010 г., а од минатата седмица почна поднесување на кандидатурите за повеќе од 17.800 локални и државни функции.Предизборната кампања официјално почнува во февруари за кандидатите за претседател, потпретседател и за 12 места во Горниот дом на Конгресот. За локалните избори и гласањето за околу 300 места во Долниот дом на Конгресот, кампањата почнува на крајот од март, а изборите се закажани за 10-ти мај.Изборите на Филипини речиси редовно се проследени со насилство меѓу локалните спротиставени страни, особено во јужниот дел на земјата, каде што безбедносните сили се борат со комунистичките бунтовници, исламските радикали и ривалските кланови.