Свет
Потомците на нацистите се стерилизираат за да ги прекинат гените
Првпат потомците на озлогласените лидери од нацистичкиот режим јавно проговориле за болката и гадење што го чувствуваат кон своите предци
Една од нив е и Бетина Геринг, роднина на Херман Геринг, основач на тајната полиција Гестапо и еден од најмоќните луѓе од Третиот рајх.Бетина признала дека пред некое време извршила стерилизација бидејки не сака да раѓа деца кои ќе имаат гени на својот озлогласен чичко.Адолф Ајкман, човекот кој ги праќал европските Евреи во логорите на смрта, го оставил зад себе синот Ричард кој се срами да зборува за тоа кој му бил татко.Тој никогаш нема да сфати зошто неговиот татко е еден од креаторите на холокаустот.Хитлер нама потомци но затоа има многумина од оние кои го опкружувале, а кои оставиле зад себе семејства. Некои се сеќаваат дека Хитлер понекогаш ги галел по гавата.Режисерот Чаноча Зевија, на израелскиот документарен филм „Децата на Хитлер“, открил многу луѓе што се срамат од делата на своите предци.Никлас Франк, на кој Хитлер му бил кум, а татко му нацистички гувернер на окупираната Полска, кога и да помислел на тоа колку неговиот татко испраќал луѓе во логорот на смрта, чувствувал гадење и презир.Режисерот успеал да пронајде фасцинантна сличност помеѓу емоциите на оние кои биле вклучени во програмирање на холокаустот и оние кои го преживеале. Некои дури имале прилика да ги запознаат децата на оние што ги мачеле и прогонувале.Братот на Бетина исто така одлучил да се стерилизира, бидејки не сакал неговите деца да му бидат чудовишта. Доволно му е што личи на вујко му.Херман Геринг бил осуден на смрт заедно со 11 нацистички лидери во Нирнбершкиот процес во 1946 година. Меѓутоа ноќта пред егзикуцијата тој извршил самоубиство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски го разреши главниот телохранител по обидот за атентат
Украинскиот претседател Володимир Зеленски го отпушти шефот на агенцијата одговорна за неговата заштита. Промената дојде откако двајца службеници на агенцијата беа приведени за планирање на атентатот на Зеленски.
Разрешувањето на шефот на Државната стражарска служба (УДО) Серхиј Руд е објавено со указ на претседателската веб-страница. Причината за отказот не беше наведена. Руд беше назначен за главен телохранител на Зеленски во октомври 2019 година. Се уште не е објавено кој ќе го замени.
Двајца полковници обвинети за предавство
Задачата на УДО е да обезбеди безбедност на украинскиот претседател и високи владини претставници, како и заштита на административните згради.
Претходно оваа недела беше објавено дека се уапсени двајца безбедносни службеници кои наводно биле вклучени во руски заговор за атентат врз Зеленски. Двајца полковници на УДО се обвинети за „субверзивни активности против Украина во замена за финансиска компензација“, соопшти канцеларијата на главниот украински обвинител.
Двајцата беа обвинети за предавство, додека еден беше обвинет за подготовка на терористички акт.
Свет
Државната дума на Русија го именуваше Михаил Мишустин за премиер
Државната дума на Русија на пленарниот состанок усвои предлог за резолуција за именување на Михаил Мишустин за премиер.
За овој предлог гласаа 375 пратеници, 57 беа воздржани, додека ниту еден од пратениците не гласаше против, пренесува РИА Новости.
Новиот премиер треба да поднесе предлози за структурата на федералните извршни тела до претседателот на Русија најдоцна една недела по неговото именување.
Свет
Стинг и „Колдплеј“ бараат ослободување на иранскиот рапер осуден на смрт
Активистите за човекови права, заедно со 100 музичари, вклучувајќи ги Стинг и „Колдплеј“, бараат ослободување на иранскиот рапер Тумај Салехи, осуден на смрт поради поддршка на масовните протести во Иран есента 2022 година. „Смртната пресуда на Салехи е кулминација на три години судско вознемирување вклучувајќи апсење, затворање и тортура“, се вели во петицијата на лондонската организација Index on Censorship.
Во многу од неговите песни пејачот го привлече вниманието на состојбата со човековите права во Иран. Во октомври 2023 година на Салехи му беше доделена наградата за слобода на изразување од страна на Index on Censorship.
„Мора да се дозволи уметноста да критикува, провоцира, преиспитува и предизвикува авторитет“, велат потписниците.
„Ниту еден уметник не треба да биде подложен на каков било вид судско малтретирање поради остварување на своето право на слобода на изразување, а камоли да биде осуден на смрт“.
Смртната казна за Салехи беше објавена на крајот на април. Оваа вест предизвика незадоволство во Иран и други земји во светот. Властите донесоа одлука во врска со поддршката на Салехи за масовните протести во Иран во есента 2022 година. Во минатото раперот со своите текстови ги критикува социјалните и политичките проблеми во земјата.