Во заедничката офанзива на авганистанската армија и меѓународните сили предводени од американските маринци, билe ликвидирани 27 талибански бунтовници а загинале и четири војници на НАТО. Според последните информации на Reuters, маринците биле нападнати и водат престрелка со група талибани

команданти изразуваат задоволство од досегашниот тек, пренесуваат агенциите.Околу 15 илјади војници се движат во офанзива кон градот Марџах а командата на здружените сили во операцијата „Заедно“ соопшти дека во досегашниот тек биле ликвидирани 27 талибански борци, а загинал еден американски и еден британски војник.Генералот Гордон Месенџер, портпарол на британската војска во Авганистан соопштил дека меѓународните сили влегле во градот Мар, каде ги обезбедуваат стратешките објекти. Тој додал дека досега војската наишла на неочекувано слаб отпор.Авганистанскиот министер за одбрана Рахим Вардак, изјавил дека во регионот останале неколку стотици талибански борци а другите избегале уште пред почнувањето на офанзивата. Операцијата на заедничките трупи на Авганистан и на НАТО беше најавена две седмици однапред, што требаше да има ефект брз колебливите бунтовници и врз локалното население да се евакуира за да се избегнат цивилни колатерални жртви и да не бидат жив ѕид на талибаните.Во саботата беше преземена досега најголема офанзива насочена кон талибанските упоришта на југ од Авганистан. Операцијата Муштарак (Заедно) почнала откако претходно е изведен хеликоптерски десант на американските маринци и авганистански војници на подрачјето на градот Маџрах. Како што најави претходно командата на НАТО, првенствената цел на оваа офанзива е да се направи пресвртница во воената ситуација во земјата во моментите кога талибаните ги интензивираа своите акции и самоубиствени напади во авганистанските градови.Новата офанзива подготвена од САД има цел да им зададе силен удар на талибаните а главна цел е Марџах, градот во јужната провинција Хелманд кој е главното место за нивната логистика.Британските војски во Авганистан уште минатата сабота почнаа со хеликоптерски напади во провинцијата Хелманд, подготвувајќи го теренот за офанзива на градот Марџах. Борбите што се очекува да се случат за неговото освојување, ќе бидат едни од најжестоките и најголеми во осумгодишната војна во земјата, пишуваат американските медиуми. Според нив, нападот на градот ќе претставува тестирање на новата тактика која претходно е испробана во Ирак.Првиот напад врз градот со 80 илјади жители, треба да го изведат неколку илјади американски маринци и војници на НАТО, а веднаш по нив ќе следат екипи кои треба да помогнат во воспоставување на јавните служби и власта во градот, за да се добие поддршка од локалното население.Американските аналитичари забележуваат дека талибаните засега не покажуваат знаци на вознемиреност, иако во Авганистан ќе бидат распоредени уште дополнителни 30 илјади странски војници. Напротив, тие ги проширија нападите до југот на земјата развлекувајќи ја поставеноста на меѓународните војски. „Бројката талибански борци се зголемува секој ден. Нема значење колку војска ќе испратат Американците, талибаните и натаму ќе продолжат со џихадот“, изјавил еден од нивните портпароли.НАТО има проценка дека бројката на бунтовниците од 400 во 2004 г. се зголемил сега дури на 30 илјади. Многу од локалните селски старешини за Associated Press изјавиле дека многу бунтовници се враќаат од Пакистан, каде се засолнуваат.Талибаните во сите авганистански провинции воспоставија паралелна власт, а нивните шеријатски судови побрзо ги решаваат споровите за земјата отколку авганистанските судови. Тие на своите борци им даваат поголеми плати од платите во авганистанската армија. Нивниот главен проблем е што не можат да регрутираат борци надвор од паштунската заедница кое е 40 отсто до вкупното население.Ричард Барет кој го води тимот на Обединетите нации за следење на талибаните и Ал Каеда, смета дека талибаните најверојатно дошле до крајните граници на нивното ширење но истовремено стануваат и позбиено движење кој има командна структура од лидерот Мулах Мохамед Омар до командантите на теренот.Американските аналитичари велат дека претседателот Барак Обама доцни со стратегијата, која според нив е компромис меѓу барањата на командантите во Авганистан и она што домашната јавност може да го апсорбира без поголеми противеа.Инаку, генералот Дејвид Петраус, автор на стратегијата применета во Ирак, изјави дека Авганистан ќе биде најкрвавата и најтешка војна која САД ќе ја водат по подолго време.