Свет
Обама одобри 250 милиони долари за апстиненција од секс

Со новата здравствена реформа на претседателот на САД, Барак Обама, се предвидуваат 250 милиони долари за петгодишна програма за едукација на младите за апстиненција од секс
Здравствената реформа во САД што неодамна ја потпиша претседателот Обама, не се однесува само на здравственото н осигурување, туку предвидува и по 50 милиони долари за да се едуцираат младите, тинејџерите да избегнуваат секс со цел да се избегнат сексуално преносливи болести, пренесува Си-Ен-Ен.
Во програмата се предвидува да се научат младите дека „избегнување секс е единствениот сигурен начин да се избегнат сексуално преносливите болести“, како и дека „сексот пред брак, всушност го нарушува психичкото и физичкото здравје на поединецот“.
„Со ова се обидуваме да се осигураме дека на децата им е испратена пораката дека да апстиненција од секс и прерана бременост пред брак е најсигурниот , најздравиот и и најдобриот избор за младите“, вели Скот Фелпс, извршен директор на Партнерството за апстиненција и брачна едукација. Општествените училишта најмуваат едукатори од оваа организација за за ги подучуваат младите на апстиненција, за што ќе можат да се користат 250 милиони долари.
Според искуството на Фелпс, тој започнал со подучување на апстиненција во Чикаго, Илиноис, пред 10 години и вели дека децата ја прифаќаат пораката за апстиненција од секс, а ефект има дури и кај оние кои биле сексуално активни. Но, додава Фелпс, тие не се свесни дека можат да престанат.
„Фактот што ние фрламе пари во програми кои не се проверени дали имаат ефект не е никаков доказ дека имаме добро базирана здравствена програма“, вели Хедер Бунстра, од Институтот Гутмечер, непрофитна организација за репродуктивно и сексуално здравје.
Има бројни студии кои сугерираат дека не е лесно луѓето да практицираат апстиненција. Студија од 2007 година покажала дека ни една од четири програми за апстиненција не покажала значителни ефекти врз сексуалните навики кај младите. Дури, една програма од 2009 година, покажала дека религиозните деца потполно се противат на употребата на кондоми и контролата на раѓање кога стануваат сексуално активни, а имаат секс пред брак исто како и децата кои не се толку религиозни. Медицинските професионалци, исто така ја критикуваат апстиненцијалната програма врз етичко ниво, затоа што не вклучува потенцијални информации кои можат да спасат живот. Програмата на Фелпс не подучува дека сексот пред брак е погрешен, туку дека чекањето ќе оневозможи тинејџерите да добијат некоја сексуално пренослива болест или несакана бременост. Учениците знаат дека употребата на контрацептивни средства го намалува ризикот но не ги исклучува можностите за пренос на некоја болест или бременост, тврди Фелпс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Работата во Газа не е завршена, втората фаза од мировниот договор започнува веднаш

Претседателот на САД, Доналд Трамп, изјави дека работата во Газа не е завршена, бидејќи телата на починатите заложници не се вратени како што беше ветено, објави вечерва „Тајмс оф Израел“.
„Сите 20 преживеани заложници се вратија и се чувствуваат добро, како што може да биде. Тешкиот товар е отстранет, но работата не е завршена. Телата не се вратени, како што беше ветено“, напиша Трамп на социјалната мрежа „Truth Social“.
Договорот потпишан од Израел и Хамас минатата недела значеше дека Хамас ќе ги ослободи сите 48 заложници во рок од 72 часа од стапувањето во сила на прекинот на огнот.
Рокot истече во понеделникot напладне и Хамас ослободи 20 заложници живи, но ги врати само телата на само четворица од 28-те што загинаа во Газа, додека вечерва најави предавање на уште четворица.
Дадениот рок во договорот важи и за телата, пишува „Тајмс оф Израел“, но се чини дека на Хамас му треба повеќе време за да ги лоцира, па затоа е формирана заедничка работна група за да помогне во пронаоѓањето на телата што не се вратени во рок од 72 часа.
„Втората фаза започнува веднаш“, додаде Трамп, алудирајќи на делови од неговиот план од 20 точки за повоено управување и реконструкција на Газа, кој ќе го води преодна влада на палестински технократи и ќе го надгледува мировен комитет со кој претседава американскиот претседател и поранешниот британски премиер Тони Блер.
Првата фаза, според Трамп, вклучува ослободување на заложниците, повлекување на Израел од Газа и обезбедување хуманитарна помош, додека Хамас сè уште не се согласил со втората фаза, која вклучува нивно разоружување.
Фото: принтскрин
Свет
Сикорски: Европа мора да се подготви за „длабок“ руски напад

Полскиот министер за надворешни работи Радослав Сикорски денес предупреди дека Европа мора да биде подготвена за руски напад длабоко на нејзина територија. Тој оцени дека е „неодговорно“ што не гради одбранбени системи како што е „ѕид од беспилотни летала“ на неговото источно крило.
Во Лондон, каде што го претстави иранскиот дрон „Шахед-136“ соборен во Украина, Сикорски ги повика европските земји да „останат доследни“ во својата поддршка за Украина, наведувајќи дека се надева дека американскиот претседател Доналд Трамп ќе ги стави на располагање ракетите Томахавк со долг дострел на таа земја, пренесува Ројтерс.
Тој процени дека снабдувањето на Украина со дополнителна муниција за противвоздушна одбрана, како и оружје со краток и среден дострел, е неопходно за да се помогне во заштитата на Европа, наведувајќи ги како примери упадите на руски беспилотни летала над Полска и борбените авиони над Естонија.
Тој рече дека сè уште не е познато дали беспилотните летала забележани над Копенхаген биле руски.
Запрашан за можноста за проширување на иницијативата „ѕид од беспилотни летала“ за да се спротивстави на идните упади, Сикорски за Ројтерс изјави дека руските напади „за жал би можеле да стигнат длабоко во Европа“.
„Треба да бидеме подготвени да се спротивставиме на тоа и затоа мислам дека би било неодговорно ако не изградиме капацитети против беспилотни летала денес“, рече Сикорски, пренесува Танјуг.
Фото: принтскрин
Свет
Силен земјотрес во Турција

Земјотрес со јачина од 4,1 степени според Рихтеровата скала вечерва ја погоди западна Турција, објави Европско-медитеранскиот сеизмолошки центар (EMSC).
Во соопштението се наведува дека епицентарот на земјотресот бил на длабочина од девет километри.
Засега нема информации за евентуални повредени или штети.