Рускиот патријарх Кирил одржа велигденска литургија во храмот Христос Спасител во Москва под засилени мерки за безбедност во државата во која денеска слават 87 отсто Руси

Во присуство на рускиот претседател Дмитриј Медведев, рускиот премиер Владимир Путин и видни руски политичари, патријархот на Москва и на цела Русија Кирил одржа велигденска литургија во московскиот храм Христос Спасител.Во почетокот на службата православниот храм беше огласен од ѕвонењето на камбаните.За време на службата делови од Евангелието беа прочитани на 18 јазици, меѓу кои и на Ерменски. Самиот патријарх, освен на руски, прочита делови и на латински и на грчки.Учесниците во литургијата претходно добија специјални покани и пристапот во црквата беше дозволен само при нивно покажување. Во храмот имаше над 5.000 лица.Оваа година поради бомбашките напади во московското метро од 29 март велигденската литургија во храмот во Москва се одржа под засилени мерки за безбедност. Строги мерки за безбедност беа воведени во целата руска престолнина и на територијата на целата земја.Само во Москва за одржување на јавниот ред се грижеа 11.460 припадници на Министерството за внатрешни работи. Над 100 илјади милиционери и 3.500 војници ја гарантираат безбедноста во цела Русија во сите денови на Велигденските празници.Полноќни литургии беа отслужени во вкупно 30 илјади руски православни храмови во целиот свет.Во храмот Христос Спасител во Москва полноќната миса од 2001 г. секогаш се одржува  во присуство на претседателот, премиерот и водечките политички фигури на Русија.По повод Воскресение Христово рускиот претседател Дмитриј Медведев ги поздрави своите сонародници и сите православни христијани. Во обраќањето тој изрази надеж дека целосната соработка и меѓусебното разбирање меѓу луѓето ќе придонесе за ускладување на меѓуетничките и меѓуконфесионалните односи и зачувување на културната разновидност на Русија.„Велигденските церемонии заземаат посебно место во духовниот живот на руското општество. Тие со себе носат морална обнова, ги полнат срцата на луѓето со љубов и светлина и го јакнат верувањето во добрина и праведнос“т, порача рускиот претседател Дмитриј Медведев.Во обраќањето шефот на руската држава истакна дека совпаѓањето на православниот и католичкиот Велигден оваа година не е случајно и ќе придонесе за хармонизирање на односите меѓу државите и религиите.