Свет
Идентификувана и втората „црна вдовица“ од московското метро
Втората жена бомбаш самоубиец од нападот во Москва во кој загина 40 а беа ранети 95 лица, е 28-годишната наставничка по информатика Маријам Шарипова Магомедова
Телото на Марјам Магомедова бил идентификувано од нејзиниот татко Расул Шарипович Магомедова од Дагестан.„Мојата жена и јас веднаш ја препознавме нашата ќерка. Кога последен пат жена ми ја видела, таа го носела истиот црвен шал кој беше на фотографиите.“, рекол таткото Магомедов за Новаја газета.Тој додал дека Марјам дипломирала математика и психологија, а по завршувањето на студиите се вратила во родното село Балахани во Унцукулскиот регион и работела како наставничка по информатика. „Навистина се надевам дека истрагата ќе открие што навистина се случило за тој напад. Воопшто не ни е јасно како Марјам дошла до Москва. “, рекол таткото. Тој признал дека ќерка му била многу религиозна, но според него никогаш не покажувал радикални уверувања. Марјам инаку и претходно била осомничена од безбедносните служби дека одржува врски со радикалните вахабити.Татко и ’ тврди дека таа го убедувал дека тоа не е вистина. Пред две години бил уапсен нејзиниот брат по обвинение дека е терорист, но бил мачен во притворот пред да бидат отфрлени обвинувањата. Таткото смета дека може тука да се бара причината за нејзината одлука да изврши напад.
Се’ уште нема официјална потврда дека Марјам е втората извршителка на терористичкиот чин во московското метро кај станицата „Љубјанка“. Останува непознато и како таа стигнала до Москва, ако според тврдењата на таткои таа била со мајка и’ на 28 март а со автобус од Кизлиар до Москва се патува 36 часа, што значи дека за да го изведе нападот во утринските часови на 29-ти март во метрото таа требало да биде во Москва уште на 28 март.Првата идентификуван од бомбашките-самоубијци беше 17-годишната Џенет Абдуалева, вдовица на таканареченито Емир на Дагестан, Умалат Магомедов, познат како Ал-Бара, кој беше ликвидиран кон крајот на мината година.Досието на Абдуалева било во Федералната оперативна база на податоци на лица коишто го исповедаат вахабизмот и се склони кон екстремистички активности.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.